Hangover: ಪಾರ್ಟಿ ಹ್ಯಾಂಗೋವರ್​ನಿಂದ ಹೊರ ಬರೋಕೆ ಒದ್ದಾಡ್ತಿದ್ರೆ ಈ ಟಿಪ್ಸ್ ಫಾಲೋ ಮಾಡಿ

ಎಲ್ಲಾ ಕ್ರಿಯೆಗಳು ಸಮಾನ, ವಿರುದ್ಧವಾದ ಪ್ರತಿಕ್ರಿಯೆಯನ್ನು ಹೊಂದಿರುತ್ತವೆ. ಈ ಸಂದರ್ಭದಲ್ಲಿ ಸಂತೋಷದಿಂದ ಆಲ್ಕೊಹಾಲ್ ಸೇವಿಸಿದ ನಂತರ ಪ್ರತಿಕ್ರಿಯೆಯು ಮರುದಿನ ಬೆಳಿಗ್ಗೆ ಹ್ಯಾಂಗೊವರ್ ಆಗುತ್ತದೆ. ತಲೆನೋವು, ಬಾಯಾರಿಕೆಯಿಂದ ಗಂಟಲು ಒಣಗುವುದು, ದೇಹದಾದ್ಯಂತ ತೀವ್ರ ಆಯಾಸ, ವಾಕರಿಕೆ ಮತ್ತು ವಾಂತಿ ಉಂಟಾಗುತ್ತದೆ.

ಹಾಗಾದ್ರೆ ನೀವು ಕುಡಿಯಬಾರದು ಎಂದರ್ಥವೇ? ಅಲ್ಲ ಒಂದು ಮಿತಿಯನ್ನು ಮೀರದೆ ಕುಡಿಯಬೇಕು. ಮರುದಿನ ಬೆಳಿಗ್ಗೆ, ಹ್ಯಾಂಗೊವರ್ ಆಗದಂತೆ ತಡೆಯಲು ಕೆಲವೊಂದು ನಿಯಮಗಳನ್ನು ಅನುಸರಿಸಿ.

ಹೊಟ್ಟೆ ತುಂಬಿರುವಾಗ ದೇಹವು ಹೀರಿಕೊಳ್ಳುವ ಆಲ್ಕೋಹಾಲ್ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ. ಪರಿಣಾಮವಾಗಿ, ಹ್ಯಾಂಗೊವರ್ ಉಂಟಾಗುವ ಸಾಧ್ಯತೆಗಳು ಬಹಳ ಕಡಿಮೆಯಾಗುತ್ತವೆ. ಈ ಸಂದರ್ಭದಲ್ಲಿ, ಆಲ್ಕೋಹಾಲ್ ಕುಡಿಯುವ ಮೊದಲು ನೀವು ಹೆಚ್ಚು ಫೈಬರ್-ಭರಿತ ಆಹಾರಗಳನ್ನು ಸೇವಿಸುವುದು ಉತ್ತಮ.

ಅನೇಕ ಗಿಡಮೂಲಿಕೆಗಳು ಹ್ಯಾಂಗೊವರ್‌ ನಿಂದ ಪರಿಹಾರ ನೀಡುತ್ತದೆ. ಹಾಗೆಯೇ ಮಜ್ಜಿಗೆ ಸಹ ನಿಮ್ಮ ಸಮಸ್ಯೆಗೆ ಪರಿಹಾರ ನೀಡುತ್ತದೆ. ಬೆಳಗ್ಗೆ ಎದ್ದ ತಕ್ಷಣ ಒಂದು ಲೋಟ ಮಜ್ಜಿಗೆ ಸೇವನೆ ಮಾಡಿ.

ದೇಹವನ್ನು ಆರೋಗ್ಯಕರವಾಗಿಡಲು ನೀವು ದಿನವಿಡೀ ನೀರನ್ನು ಕುಡಿಯಬೇಕು, ಮದ್ಯಪಾನ ಮಾಡಿದ ನಂತರ ಬೆಳಿಗ್ಗೆ ಇನ್ನೂ ಹೆಚ್ಚು ಕುಡಿಯುವುದು ಸೂಕ್ತ. ಇದು ದೇಹದಿಂದ ವಿಷವನ್ನು ತೆಗೆದುಹಾಕುತ್ತದೆ, ಇದು ತಾಜಾತನ ನೀಡುತ್ತದೆ.

ಹ್ಯಾಂಗೊವರ್‌ ಆದಾಗ ಚಿಕನ್ ಸಾರು ಅಥವಾ ಸೂಪ್ ಉಪಯುಕ್ತ. ಇದು ದೇಹದಲ್ಲಿನ ನೀರಿನ ಮಟ್ಟವನ್ನು ಹೆಚ್ಚಿಸುತ್ತದೆ, ಇದು ನಿರ್ಜಲೀಕರಣದ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ.