New Year Celebrations 2022 : ನಿಮ್ಮ ಪ್ರೀತಿ ಪಾತ್ರರೊಂದಿಗೆ ಹೀಗೆ ಹೊಸ ವರ್ಷ ಎಂಜಾಯ್ ಮಾಡಿ

ಕಳೆದ 2 ವರ್ಷಗಳಿಂದ ಕೊರೊನಾ ವೈರಸ್‌ನಿಂದಾಗಿ ಹೊಸ ವರ್ಷಾಚರಣೆಯನ್ನು ಮೊದಲಿನಂತೆ ಆಚರಿಸಲಾಗುತ್ತಿಲ್ಲ. ಮೊದಲಿನಂತೆ ರಾತ್ರಿಯಿಡೀ ಹಾಡಿ, ಕುಣಿದು ಹೊಸ ವರ್ಷವನ್ನು ವಿಭಿನ್ನವಾಗಿ ಸಹ ಆಚರಣೆ ಮಾಡಬಹುದು.

ಈ ಹೊಸ ವರ್ಷವನ್ನು ನಿಮ್ಮ ಪ್ರೀತಿಪಾತ್ರರೊಂದಿಗೆ ವಿಶೇಷ ರೀತಿಯಲ್ಲಿ ಆಚರಿಸಲು ಸಾಧ್ಯವಿಲ್ಲ ಎಂಬ ಬೇಸರ ಹಲವರಲ್ಲಿದೆ. ಹಾಗಾಗಿ, ಕೆಲವು ಮುನ್ನೆಚ್ಚರಿಕೆ ಕ್ರಮಗಳನ್ನು ಅನುಸರಿಸುವ ಮೂಲಕ ಈ ಹೊಸ ವರ್ಷವನ್ನು ಆಚರಿಸಲು ಕೆಲವು ಮಾರ್ಗಗಳಿವೆ.

ಮನೆಯಲ್ಲಿ ಪಾರ್ಟಿ: ಹೊಸ ವರ್ಷದ  ಹಿಂದಿನ ಸಂಜೆಯಿಂದಲೇ ಆಚರಣೆಗಳು ಆರಂಭವಾಗುತ್ತವೆ. ಆಚರಣೆಯನ್ನು ಮನೆಯ ಹೊರಗೆ ಮಾಡಬೇಕಾಗಿಲ್ಲ. ನೀವು ಮನೆಯಲ್ಲಿಯೇ ಹೊಸ ರೀತಿಯಲ್ಲಿ ಆಚರಿಸಬಹುದು. ನಿಮ್ಮ ಕುಟುಂಬ ಸದಸ್ಯರು, ಸ್ನೇಹಿತರು ಮತ್ತು ಪ್ರೀತಿಪಾತ್ರರನ್ನು ನಿಮ್ಮ ಮನೆಗೆ ಆಹ್ವಾನಿಸಬಹುದು.

ಚಲನಚಿತ್ರಗಳು: ಹೊಸ ವರ್ಷದ ದಿನ ಡ್ಯಾನ್ಸ್ ಮತ್ತು ಹಾಡುಗಾರಿಕೆ ಇರಲೇಬೇಕು ಎಂದಿಲ್ಲ. ನಿಮ್ಮ ಪ್ರೀತಿಪಾತ್ರರೊಂದಿಗೆ ಉತ್ತಮ ಮನರಂಜನಾ ಚಿತ್ರಗಳನ್ನು ವೀಕ್ಷಿಸಿ. ಅಲ್ಲದೇ ಚಿತ್ರ ಬಗ್ಗೆ ನಂತರ ಚರ್ಚಿಸಿ, ವಿಚಾರಗಳನ್ನು ಹಂಚಿಕೊಳ್ಳಿ.

ರೆಸಾರ್ಟ್: ವರ್ಷದ ಕೊನೆಯ ದಿನದಂದು ನೀವು ನಿಮ್ಮ ಕುಟುಂಬ ಅಥವಾ ಆತ್ಮೀಯರೊಂದಿಗೆ ರೆಸಾರ್ಟ್‌ನಂತಹ ಸ್ಥಳಗಳಿಗೆ ಹೋಗಿ ಸಂತೋಷದಿಂದ ಸಮಯ ಕಳೆಯಬಹುದು.

ಹೊಸ ವರ್ಷದ ಮುನ್ನಾದಿನವನ್ನು ವಿಶೇಷವಾಗಿಸಲು, ರಾತ್ರಿಯ ಊಟಕ್ಕೆ ನಿಮ್ಮ ಕುಟುಂಬ ಅಥವಾ ಪ್ರೀತಿಪಾತ್ರರ ಜೊತೆ ರೆಸ್ಟೋರೆಂಟ್‌ಗೆ ಹೋಗಿ. ನೀವು ರೆಸ್ಟೊರೆಂಟ್‌ಗೆ ಹೋಗಲು ಸಾಧ್ಯವಾಗದಿದ್ದರೂ ಸಹ, ನಿಮ್ಮ ಮನೆಯಲ್ಲಿ ಆಹಾರಗಳನ್ನು ತಯಾರಿಸಬಹುದು. ಇದು ನಿಮ್ಮ ಮತ್ತು ನಿಮ್ಮ ಪ್ರೀತಿ ಪಾತ್ರರ ನಡುವಿನ ಸಂಬಂಧ ಗಟ್ಟಿಯಾಗಲು ಸಹಕಾರಿ.

ಫೋಟೋಗಳು ಮತ್ತು ವೀಡಿಯೋಗಳು ಕಾಲಕಾಲಕ್ಕೆ ನೆನಪುಗಳನ್ನು ಹುಟ್ಟುಹಾಕಲು ತುಂಬಾ ಸಹಾಯಕವಾಗಬಹುದು. ಆ ವರ್ಗದಲ್ಲಿ ಹೊಸ ವರ್ಷದ ಮುನ್ನಾದಿನದಂದು, ಹಿಂದಿನ ಸಮಯದಲ್ಲಿ ತೆಗೆದ ಫೋಟೋಗಳು ಮತ್ತು ವೀಡಿಯೊಗಳು ನೋಡಿ ಆನಂದಿಸಿ.