Summer Beauty: ಬೇಸಿಗೆಯಲ್ಲಿ ನಿಮ್ಮ ತ್ವಚೆಯ ಅಂದ ಕಾಪಾಡೋಕೆ ಇಲ್ಲಿದೆ ಸೂಪರ್ ಟಿಪ್ಸ್

ಬೇಸಿಗೆಯ ಸೀಸನ್ ಬಂದರೆ ಸಾಕು, ಮುಖದ ತ್ವಚೆಯು ಎಣ್ಣೆಯುಕ್ತವಾಗುತ್ತದೆ. ಮೊಡವೆಗಳ ಬೆಳವಣಿಗೆ ಮತ್ತು ಜೀವಹಾನಿಯಂತಹ ಸಮಸ್ಯೆಗಳು ಕಿರಿಕಿರಿಯುಂಟುಮಾಡುತ್ತವೆ.

ಬೇಸಿಗೆಯಲ್ಲಿ ಅನೇಕ ಜನರು ಚರ್ಮದ ಸುಟ್ಟಗಾಯಗಳು, ಕಪ್ಪು ಚುಕ್ಕೆಗಳು, ಶಿಲೀಂಧ್ರಗಳ ಸೋಂಕುಗಳು, ಕಲೆಗಳು, ದೇಹದ ವಾಸನೆಯಂತಹ ಸಮಸ್ಯೆಗಳನ್ನು ಎದುರಿಸುತ್ತಾರೆ.

ಆದರೆ ಬೇಸಿಗೆಯಲ್ಲಿ ತ್ವಚೆಯ ಆರೈಕೆಗೆ ಈ ಸಲಹೆಗಳನ್ನು ಪಾಲಿಸಿದರೆ ನಿಮ್ಮ ತ್ವಚೆಯನ್ನು ಬಹಳ ಅಂದವಾಗಿರುವಂತೆ ಉಳಿಸಬಹುದು

ಆಹಾರ: ಆಹಾರದ ವಿಷಯದಲ್ಲಿ ಜನರು ವಿಶೇಷ ಕಾಳಜಿ ವಹಿಸಬೇಕು. ಎಣ್ಣೆಯಲ್ಲಿ ಕರಿದ ಪದಾರ್ಥಗಳನ್ನು ಹೆಚ್ಚು ತಿನ್ನಬಾರದು. ಜೊತೆಗೆ ಮಸಾಲೆಯುಕ್ತ ಆಹಾರಗಳನ್ನು ಸಹ ದೂರವಿಡಬೇಕು.

ತೆಂಗಿನ ನೀರು ಬಳಸಿ: ತೆಂಗಿನ ನೀರನ್ನು ನಿಮ್ಮ ಬೆರಳುಗಳಿಂದ ಮುಖಕ್ಕೆ ಹಚ್ಚಿ ಮಸಾಜ್ ಮಾಡಿ. ಹತ್ತು ನಿಮಿಷಗಳ ನಂತರ ತಣ್ಣೀರಿನಿಂದ ಮುಖವನ್ನು ತೊಳೆಯಿರಿ. ಈ ರೀತಿ ಮಾಡುವುದರಿಂದ ಬಿಸಿಲಿನಿಂದ ಮಂಕಾಗಿದ್ದ ಮುಖದ ತ್ವಚೆಯನ್ನು ಹೊಳೆಯುವಂತೆ ಮಾಡ್ಬಹುದು.

ಆಯುರ್ವೇದ ಪುಡಿಗಳನ್ನು ಬಳಸಿ: ಆಯುರ್ವೇದ ಗಿಡಮೂಲಿಕೆಗಳ ಪುಡಿಯನ್ನು ಬೆರೆಸಿ ಸ್ನಾನ ಮಾಡಿದರೆ ಬೇಸಿಗೆಯ ಸಮಯದಲ್ಲಿ ನಿಮ್ಮ ದೇಹದ ತ್ವಚೆ ಆರೋಗಯವಾಗಿರುವಂತೆ ಮಾಡಬಹುದು.

ಹಣ್ಣಿನಿಂದ ಮಾಡಿದಂತಹ ಪಾನೀಯಗಳನ್ನು ಕುಡಿಯಿರಿ. ದೇಹವನ್ನು ಆದಷ್ಟು ತಂಪಾಗಿಡುವಂತಹ ಆಹಾರಗಳನ್ನು ತಿನ್ನಿ. ಮಡಕೆಯಲ್ಲಿಟ್ಟ ನೀರು ಕುಡಿದರೆ ಉತ್ತಮ.

ವಿಶೇಷವಾಗಿ ದೇಹದಲ್ಲಿ ನೀರಿನ ಅಂಶ ಕಡಿಮೆಯಾಗದಂತೆ ನೋಡಿಕೊಳ್ಳಬೇಕು. ಇದಕ್ಕಾಗಿ ಎಳನೀರು, ಮಜ್ಜಿಗೆ, ಹಣ್ಣುಗಳನ್ನು ಆಗಾಗ ಸೇವಿಸುತ್ತಿರಿ.