ನೀವು ಸಸ್ಯಾಹಾರಿಯಾ? ತೂಕ ಇಳಿಸೋಕೆ ಊಟ ಬಿಡ್ಬೇಡಿ, ಇದನ್ನು ತಿನ್ನಿ ಸಾಕು!

ದೇಹದ ತೂಕ ಇಳಿಸಿಕೊಳ್ಬೇಕು ಅಂದ್ರೆ ಮೊದಲು ನಿಮ್ಮ ಜೀವನಶೈಲಿ, ಆಹಾರ ಕ್ರಮದಲ್ಲಿ ಬದಲಾವಣೆ ಮಾಡುವುದು ಬಹಳ ಅಗತ್ಯ. ಊಟದಲ್ಲಿ ಕಾರ್ಬೊಹೈಡ್ರೇಟ್ ಪ್ರಮಾಣ ಕಡಿಮೆ ಮಾಡಿ ಪ್ರೋಟಿನ್ ಹೆಚ್ಚಳ ಮಾಡುವುದು ಇದರ ಮೊದಲ ಹಂತ. ಪ್ರೋಟಿನ್ ಅಂದ್ಕೂಡ್ಲೇ ಮಾಂಸ ಮತ್ತು ಮೊಟ್ಟೆ ಎಂದೇ ಎಲ್ಲರೂ ಮೊದಲು ಭಾವಿಸ್ತಾರೆ. ಆದ್ರೆ ಸಸ್ಯಾಹಾರಿ ಆಹಾರದಲ್ಲೂ ಪ್ರೋಟಿನ್ ಹೇರಳವಾಗಿರುವ ಅನೇಕ ಪದಾರ್ಥಗಳಿವೆ. ಅವುಗಳ ಬಗ್ಗೆ ಇಲ್ಲಿದೆ ಮಾಹಿತಿ

ಚಿಯಾ ಸೀಡ್ಸ್ ಅನೇಕ ವರ್ಷಗಳಿಂದ ಬಳಕೆಯಲ್ಲಿ ಇದ್ದೇ ಇದೆ. ಆದರೆ ಇತ್ತೀಚೆಗೆ ಅದು ಫೇಮಸ್ ಆಗಿದೆ ಅಷ್ಟೇ. ಜನ ಈಗೀಗ ಅದರ ಬಗ್ಗೆ ಗಮನ ಹರಿಸುತ್ತಿದ್ದಾರೆ. ಚಿಯಾ ಸೀಡ್ಸ್ ತನ್ನೊಳಗೆ ಹೇರಳವಾಗಿ ಪ್ರೋಟಿನ್ ಹೊಂದಿದೆ. ನೆನೆಸಿದ ಚಿಯಾ ಬೀಜಗಳನ್ನು ನೀರಿನ ಸಮೇತ ಕುಡಿಯುವುದರಿಂದ ಬೇಗನೇ ತೂಕ ಇಳಿಸಬಹುದು ಎನ್ನಲಾಗಿದೆ. ಸ್ವಲ್ಪ ಜೇನುತುಪ್ಪ ಸೇರಿಸಿದರೆ ಇನ್ನೂ ಒಳ್ಳೆಯದಂತೆ.

ಪ್ರೊಟಿನ್ ವಿಚಾರಕ್ಕೆ ಬಂದ್ರೆ ಜನರಿಗೆ ಬಹಳ ಚಿರಪರಿಚಿತವಾಗಿರೋದು ಸೋಯಾ ಬೀನ್. ಇದರ ಕಾಳುಗಳನ್ನು ನಮ್ಮ ದೈನಂದಿನ ಅಡುಗೆ ತಿಂಡಿಗಳಲ್ಲಿ ಸೋಯಾ ಕಾಳುಗಳನ್ನು ಹೇರಳವಾಗಿ ಬಳಸಬಹುದು. ಹೆಚ್ಚು ಕ್ಯಾಲೊರಿ ಇರುವ ಆಹಾರಗಳ ಬದಲು ಸೋಯಾ ಬಳಸಿದ್ರೆ ಪ್ರೋಟಿನ್ ಅಂಶ ಹೆಚ್ಚಾಗಿ ತೂಕ ಬೇಗ ಇಳಿಸಲು ಸಹಕಾರಿಯಾಗುತ್ತದೆ.

ಕಡಿಮೆ ಕ್ಯಾಲೊರಿ ತಿಂದು ಹೊಟ್ಟೆ ತುಂಬಿದಂತೆ ಇರ್ಬೇಕು ಅಂದ್ರೆ ಕಿನೊ ಅತ್ಯಂತ ಸೂಕ್ತ ಆಹಾರ. ಅನೇಕ ಡಯೆಟಿಶಿಯನ್ ಗಳು ಕೂಡಾ ಇದನ್ನೇ ಸೂಚಿಸುತ್ತಾರೆ. ಸಿರಿಯಲ್ಸ್ ಬದಲು ಕಿನೊ ಬಳಸುವುದು ದೇಹದ ತೂಕ ಇಳಿಕೆಯ ಜೊತೆಗೆ ಆರೋಗ್ಯ ಕಾಪಾಡಿಕೊಳ್ಳೋಕೂ ಬಹಳ ಸಹಕಾರಿ.

ಇದರ ಹೆಸರು ಹಮ್ಮಸ್. ನಮ್ಮ ಚಟ್ನಿಯ ರೀತಿಯೇ ಬಳಕೆಯಾಗುವ ಇದನ್ನು ನೆನೆಸಿದ ಕಡಲೆಕಾಳಿನಿಂದ ಮಾಡುತ್ತಾರೆ. ಚಟ್ನಿಯ ಬದಲಿಗೆ ಇದನ್ನು ಬಳಸಿದ್ರೆ ಕಡಲೆಕಾಳಿನಲ್ಲಿರುವ ಪ್ರೋಟಿನ್ ಮತ್ತು ಅಮೈನೋ ಆಸಿಡ್​ಗಳು ದೇಹಕ್ಕೆ ಸಿಗುತ್ತದೆ, ಜೊತೆಗೆ ರುಚಿಯಾಗಿಯೂ ಇರುತ್ತದೆ.

ಹಸಿರು ಸೊಪ್ಪುಗಳು ಆರೋಗ್ಯಕ್ಕೆ ಬಹಳ ಒಳ್ಳೆಯದು ಎನ್ನುವುದು ತಿಳಿದಿರುವ ವಿಚಾರವೇ. ಆದ್ರೆ ಬೇರೆ ಎಲ್ಲಾ ಸೊಪ್ಪುಗಳಿಗಿಂತ ಪಾಲಕ್ ಈ ವಿಚಾರದಲ್ಲಿ ಒಂದು ಹೆಜ್ಜೆ ಮುಂದೆ ಇದೆಯಂತೆ, ಯಾಕೆಂದರೆ ಇದರಲ್ಲಿ ಬಹಳ ಅಪರೂಪದ ವಿಟಮಿನ್ ಕೆ ಇದೆ. ಹಾಗಾಗಿ ಆರೋಗ್ಯ ಕಾಪಾಡೋದ್ರ ಜೊತೆಗೆ ತೂಕ ಇಳಿಸೋಕೂ ಸಹಕಾರಿ.

ಈ ಚಿತ್ರದಲ್ಲಿ ಇರೋ ಬಹುತೇಕ ವಸ್ತುಗಳು ನಿಮ್ಗೆ ಪರಿಚಿತವೇ ಇರಬಹುದು. ಬಗೆಬಗೆಯ ಬೇಳೆಗಳು, ಕಾಳುಗಳು ಇಲ್ಲಿವೆ. ಇವೆಲ್ಲಾ ಪ್ರೋಟಿನ್ ನ್ನು ಬಹಳ ಹೇರಳವಾಗಿ ಹೊಂದದಿರುವಂಥವು. ಹೆಸರುಕಾಳು, ರಾಜ್ಮಾ, ಹುಡುಳಿಕಾಳು, ಮಸೂರ್ ಬೇಳೆ, ಹೀಗೆ ಎಲ್ಲಾ ಬಗೆಯ ಬೇಳೆ ಮತ್ತು ಕಾಳುಗಳು ಪ್ರೋಟಿನ್ ಹೆಚ್ಚಿಸಿ ತೂಕ ಇಳಿಸಲು ಸಹಕಾರಿಯಾಗಿರುತ್ತವೆ

ಬಾದಾಮಿ ವಿಟಮಿನ್ ಇ ಯನ್ನು ಅತೀ ಹೆಚ್ಚು ಹೊಂದಿರುವ ದೊಡ್ಡ ಭಂಡಾರ. ಬಾದಾಮಿಯನ್ನು ಯಾವ ರೂಪದಲ್ಲಿ ಸೇವಿಸಿದರೂ ಓಕೆ, ಆದ್ರೆ ನೆನೆಸಿದ ಬಾದಾಮಿಯ ಸಿಪ್ಪೆ ಸುಲಿದು ತಿಂದರೆ ಪ್ರಯೋಜನ ಹೆಚ್ಚಂತೆ. ಹಾಗಾಗಿ ಹೆಚ್ಚು ಪೋಷಕಾಂಶ ಪಡೆಯಲು ಮತ್ತು ತೂಕ ಇಳಿಸಲು ಬಾದಾಮಿ ಬಹಳ ಉಪಕಾರಿ.