Hydrating Drink: ಬೇಸಿಗೆಯ ಬೇಗೆ ತಣಿಸುವ ರುಚಿಯಾದ ಮತ್ತು ಆರೋಗ್ಯಕರ ಮಸಾಲಾ ಮಜ್ಜಿಗೆ ಮಾಡುವ ವಿಧಾನ

ಬೇಸಿಗೆಗೆ ಹೆಚ್ಚು ಬಾಯಾರಿಕೆಯಾಗುತ್ತದೆ. ಆಗ ಕೂಲ್ ಡ್ರಿಂಕ್ಸ್ ಕುಡಿಯುವ ಬದಲು ಒಂದು ಲೋಟ ಮಜ್ಜಿಗೆ ಸೇವಿಸಿ. ಇದು ಬಾಯಾರಿಕೆ ತಣಿಸುತ್ತದೆ. ದೇಹವನ್ನು ನಿರ್ಜಲೀಕರಣದಿಂದ ರಕ್ಷಿಸುತ್ತದೆ. ಜೊತೆಗೆ ಆಮ್ಲೀಯತೆ ಮತ್ತು ಹೊಟ್ಟೆ ಉಬ್ಬುವಿಕೆ ಸಮಸ್ಯೆ ನಿವಾರಿಸುತ್ತದೆ.

ಪ್ರತಿದಿನ ಮಸಾಲಾ ಮಜ್ಜಿಗೆ ಕುಡಿದರೆ ಸಾಕಷ್ಟು ಆರೋಗ್ಯ ಪ್ರಯೋಜನಗಳು ಸಿಗುತ್ತವೆ. ಇದನ್ನು ಮನೆಯಲ್ಲಿಯೇ ಆರೋಗ್ಯಕರವಾಗಿ ತಯಾರಿಸಿ ಸೇವಿಸಿ. ಮಜ್ಜಿಗೆಯಲ್ಲಿ ಕಂಡು ಬರುವ ಖನಿಜಗಳು ಮೂಳೆಗಳನ್ನು ಬಲಿಷ್ಠಗೊಳಿಸುತ್ತವೆ. ಆಸ್ಟಿಯೊಪೊರೋಸಿಸ್ ಕಾಯಿಲೆ ತಡೆಗೆ ಸಹಕಾರಿ.

ಮಜ್ಜಿಗೆಯಲ್ಲಿ ಕ್ಯಾಲ್ಸಿಯಂ ಮತ್ತು ರಂಜಕ ಸೇರಿಸಿದರೆ ಇದು ಆಸ್ಟಿಯೊಪೊರೋಸಿಸ್ ಬೆಳವಣಿಗೆಯ ಅಪಾಯ ತಡೆಯುತ್ತದೆ. ಒಂದು ಲೋಟ ಮಜ್ಜಿಗೆಯಲ್ಲಿ 110 ಕ್ಯಾಲೋರಿ, 3 ಗ್ರಾಂ ಕೊಬ್ಬು, 9 ಗ್ರಾಂ ಪ್ರೋಟೀನ್, 13 ಗ್ರಾಂ ಕಾರ್ಬೋಹೈಡ್ರೇಟ್ಗಳು, 12 ಗ್ರಾಂ ಸಕ್ಕರೆಯಿದೆ.

ಮಜ್ಜಿಗೆಯಲ್ಲಿ ವಿಟಮಿನ್ ಸಿ ಗುಣವಿದೆ. ಇದು ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಕಾಲೋಚಿತ ಜ್ವರ, ಸೋಂಕು ಮತ್ತು ಮಾಲಿನ್ಯದ ಪರಿಣಾಮಗಳಿಂದ ದೇಹವನ್ನು ರಕ್ಷಿಸುತ್ತದೆ. ಮಜ್ಜಿಗೆ ಸುಲಭವಾಗಿ ಜೀರ್ಣವಾಗುತ್ತದೆ.

ಮಜ್ಜಿಗೆಯಲ್ಲಿ ಪ್ರೋಬಯಾಟಿಕ್ ಸೂಕ್ಷ್ಮಜೀವಿಗಳಿವೆ. ಇದು ಗ್ಯಾಸ್, ಅಜೀರ್ಣ, ಉರಿ ಮುಂತಾದ ಸಮಸ್ಯೆ ತಡೆಯಲು ಸಹಕಾರಿ. ಮಜ್ಜಿಗೆಯಲ್ಲಿ ಪ್ರೋಟೀನ್, ಕ್ಯಾಲ್ಸಿಯಂ ಹೇರಳವಾಗಿದೆ. ಇದು ಸ್ನಾಯುಗಳ ನಮ್ಯತೆ ಹೆಚ್ಚಿಸುತ್ತದೆ.

ಬಾಯಿಯ ಆರೋಗ್ಯ ಕಾಪಾಡುತ್ತದೆ. ಪೆರಿಯೊಡಾಂಟಲ್ ಬ್ಯಾಕ್ಟೀರಿಯಾವು ಒಸಡುಗಳಲ್ಲಿ ಉರಿಯೂತಕ್ಕೆ ಕಾರಣವಾಗುತ್ತದೆ. ಇದನ್ನು ನಿವಾರಿಸಲು ಮಜ್ಜಿಗೆ ಸೇವನೆ ಸಹಕಾರಿ. ಇದು ಒಸಡು ಊತ ಕಡಿಮೆ ಮಾಡುತ್ತದೆ. ಕ್ಯಾಲ್ಸಿಯಂ ಹಲ್ಲುಗಳನ್ನು ಬಲಪಡಿಸಲು ಕೆಲಸ ಮಾಡುತ್ತದೆ. ರಂಜಕವು ಹಲ್ಲುಗಳನ್ನು ಆರೋಗ್ಯವಾಗಿಡುತ್ತದೆ.

ದೇಹವನ್ನು ನಿರ್ವಿಷಗೊಳಿಸುತ್ತದೆ. ಮಜ್ಜಿಗೆ ಸೇವನೆಯು ದೇಹಕ್ಕೆ ಬಲ ನೀಡುತ್ತದೆ. ದೇಹದ ಬೆಳವಣಿಗೆಗೂ ಪ್ರಯೋಜನಕಾರಿ. ದೇಹದಲ್ಲಿ ಸಂಗ್ರಹವಾಗಿರುವ ಕೊಳೆ ತೆಗೆದು ಹಾಕುತ್ತದೆ. ಯಕೃತ್ತು ಆರೋಗ್ಯವಾಗಿರುತ್ತದ. ಜೀರ್ಣಾಂಗ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಮಲಬದ್ಧತೆ ಸಮಸ್ಯೆ ದೂರವಾಗುತ್ತದೆ.

ಮನೆಯಲ್ಲಿ ಮಸಾಲಾ ಮಜ್ಜಿಗೆ ಮಾಡಲು ಮೊಸರು, ನೀರು, ಹುರಿದ ಜೀರಿಗೆ ಪುಡಿ, ಕತ್ತರಿಸಿದ ಕೊತ್ತಂಬರಿ ಎಲೆಗಳು, ತುರಿದ ಶುಂಠಿ, ಒಂದು ಪಿಂಚ್ ಕರಿಮೆಣಸು, ರುಚಿಗೆ ಉಪ್ಪು ಬೇಕು. ಬ್ಲೆಂಡರ್ ನಲ್ಲಿ ಮೊಸರು ನೀರು ಹಾಕಿ ರುಬ್ಬಿರಿ. ನಂತರ ಗ್ಲಾಸ್ ಗೆ ಹಾಕಿ. ಕೊತ್ತಂಬರಿ ಸೊಪ್ಪು, ಜೀರಿಗೆ ಪುಡಿ, ಶುಂಠಿ, ಉಪ್ಪು, ಕರಿಮೆಣಸು ಹಾಕಿ ಮಿಕ್ಸ್ ಮಾಡಿ ಸೇವಿಸಿ.