Healthy Juice: ಪ್ರತಿಯೊಂದು ಸಮಸ್ಯೆಗೂ ಒಂದೊಂದು ಜ್ಯೂಸ್​ ಪರಿಹಾರವಂತೆ!

ಚಳಿಗಾಲದಲ್ಲಿ ನಿಮ್ಮ ಆಹಾರದ ಬಗ್ಗೆ ಕಾಳಜಿ ವಹಿಸುವುದು ಬಹಳ ಮುಖ್ಯ. ಏಕೆಂದರೆ ಆಹಾರವೇ ಆರೋಗ್ಯ ಎನ್ನಲಾಗುತ್ತದೆ. ನಾವು ಆಹಾರವನ್ನು ನಿರ್ಲಕ್ಷಿಸಿದರೆ, ಅದು ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಹಾಗಾಗಿ ನಮ್ಮ ಆಹಾರದ ಬಗ್ಗೆ ನಾವು ಕಾಳಜಿವಹಿಸಬೇಕು.

ಇತ್ತೀಚಿನ ದಿನಗಳಲ್ಲಿ ಜನರು ಸಾಧ್ಯವಾದಷ್ಟು ಆರೋಗ್ಯಕರ ಆಹಾರವನ್ನು ಸೇವಿಸಲು ಮತ್ತು ಮನೆಯಲ್ಲಿಯೇ ಯಾವುದೇ ಸಮಸ್ಯೆಗೆ ಪರಿಹಾರ ಪಡೆಯಲು ಇಷ್ಟಪಡುತ್ತಾರೆ. ಅದಕ್ಕೆ ನಿಮಗೆ ಕೆಲ ಜ್ಯೂಸ್​ಗಳು ಸಹಾಯ ಮಾಡುತ್ತದೆ.

ಜ್ಯೂಸ್ ಆರೋಗ್ಯಕರ ಆಹಾರದ ಅವಿಭಾಜ್ಯ ಅಂಗ ಎನ್ನಬಹುದು, ಜ್ಯೂಸ್ ಕುಡಿಯುವುದು ನಿಮಗೆ ಹಲವಾರು ರೀತಿಯಲ್ಲಿ ಪ್ರಯೋಜನ ನೀಡುತ್ತದೆ. ಆದರೆ ಅದಕ್ಕೆ ಯಾವುದೇ ಸಕ್ಕರೆ ಹಾಕದೇ ಸೇವನೆ ಮಾಡುವುದು ಹೆಚ್ಚು ಉತ್ತಮ.

ಶೀತ ಕೆಮ್ಮು
ಚಳಿಗಾಲದಲ್ಲಿ ಶೀತ ಮತ್ತು ಕೆಮ್ಮು ಸಾಮಾನ್ಯ, ಇದಕ್ಕೆ ನಾವು ಮನೆಯಲ್ಲಿಯೇ ಪರಿಹಾರ ಪಡೆಯಲು ಕೆಲ ಜ್ಯೂಸ್ ಸಹಾಯ ಮಾಡುತ್ತದೆ. ನಿಮಗೆ ನೆಗಡಿ ಇದ್ದರೆ ಶುಂಠಿ ಮತ್ತು ಜೇನುತುಪ್ಪ ಹಾಕಿ ನೀರನ್ನು ಕುಡಿಯಬೇಕು. ಇದು ನಿಮಗೆ ಶೀತದಿಂದ ಪರಿಹಾರ ನೀಡುತ್ತದೆ.

ಥೈರಾಯ್ಡ್
ಥೈರಾಯ್ಡ್ ಸಮಸ್ಯೆ ಬಂದರೆ ಇದರಿಂದ ಬಹಳ ತೊಂದರೆ ಅನುಭವಿಸಬೇಕಾಗುತ್ತದೆ. ಇದಕ್ಕೆ ಹಲವಾರು ಮನೆಮದ್ದುಗಳ ಸಹ ಲಭ್ಯವಿದೆ. ಆದರೆ ನೀವು ಜ್ಯೂಸ್ ಕುಡಿಯುವ ಮೂಲಕವೂ ಥೈರಾಯ್ಡ್ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು. ಕ್ಯಾರೆಟ್, ಅನಾನಸ್, ಬೀಟ್ರೂಟ್ ಜ್ಯೂಸ್ ಮಾಡಿ ಕುಡಿಯಿರಿ.

ರಕ್ತದೊತ್ತಡ
ಬಿಪಿ ಸಮಸ್ಯೆ ಇತ್ತೀಚಿನ ದಿನಗಳಲ್ಲಿ ಜಾಸ್ತಿ ಆಗುತ್ತಿದೆ, ಇದಕ್ಕೆ ಹಲವಾರು ಕಾರಣಗಳಿದೆ. ಈ ರಕ್ತದೊತ್ತಡ ನಮ್ಮ ಹೃದಯದ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ನೀವು ಸಹ ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿದ್ದರೆ, ಸೆಲರಿ, ಸೋಂಪು ಕಾಳು, ಕೊತ್ತಂಬರಿ ಸೊಪ್ಪು ಮತ್ತು ನಿಂಬೆ ಜ್ಯೂಸ್ ಕುಡಿಯಿರಿ.

ರಕ್ತಹೀನತೆ
ಪಿರಿಯಡ್ಸ್ ಕಾರಣದಿಂದ ಮಹಿಳೆಯರಿಗೆ ರಕ್ತಹೀನತೆಯ ಸಮಸ್ಯೆ ಜಾಸ್ತಿ, ಹಾಗೆಯೇ ಇತರ ಕಾರಣಗಳಿಂದ ಸಹ ಹಲವಾರು ಜನರು ರಕ್ತಹೀನತೆಯ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ರಕ್ತಹೀನತೆಯ ಸಮಸ್ಯೆಯನ್ನು ತಡೆಗಟ್ಟಲು ನೀವು ಸೇಬು, ಬೀಟ್ರೂಟ್ ಮತ್ತು ಕ್ಯಾರೆಟ್ ಜ್ಯೂಸ್ ಕುಡಿಯಬೇಕು ಎನ್ನುತ್ತಾರೆ ತಜ್ಞರು.

ಮಧುಮೇಹ
ಇತ್ತೀಚಿನ ದಿನಗಳಲ್ಲಿ ಮಧುಮೇಹದ ಸಮಸ್ಯೆಯೂ ಸಾಮಾನ್ಯ ಎನ್ನುವ ರೀತಿ ಆಗಿದೆ. ಮಧುಮೇಹ ಸಮಸ್ಯೆ ಇರುವವರು ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕಾಗುತ್ತದೆ. ಹಾಗಾಗಿ ಸೌತೆಕಾಯಿ, ಸೆಲರಿ, ಹಸಿರು ಸೇಬು, ನಿಂಬೆ ಮತ್ತು ಕ್ಯಾರೆಟ್ ಜ್ಯೂಸ್ ಕುಡಿಯುವುದು ಸಹಾಯ ಮಾಡುತ್ತದೆ.