Hair Care: ಕೂದಲು ಉದುರುವುದನ್ನು ತಡೆಯೋದು ಹೇಗೆ? ತಲೆ ಕೆರೆದುಕೊಳ್ಳೋದು ಬಿಡಿ, ಈ ಟಿಫ್ಸ್ ಫಾಲೋ ಮಾಡಿ!

ಇಂದಿನ ದಿನದಲ್ಲಿ ತುಂಬಾ ಜನರು ಕೂದಲು ಉದುರುವ ಬಗ್ಗೆ ಹಾಗೂ ನೆತ್ತಿ ಬೋಳಾಗುತ್ತಿರುವ ಬಗ್ಗೆ ಹೆಚ್ಚು ಚಿಂತಿತರಾಗಿದ್ದಾರೆ. ಎಷ್ಟೇ ದುಬಾರಿ ಶಾಂಪೂ, ಕಂಡಿಷನರ್, ಎಣ್ಣೆ ಹೀಗೆ ಹಲವು ಉತ್ಪನ್ನಗಳನ್ನು ಬಳಸಿದರೂ ಕೂದಲು ಉದುರುವ ಸಮಸ್ಯೆ ಮಾತ್ರ ಕಡಿಮೆ ಆಗುತ್ತಿಲ್ಲ. ಇದನ್ನು ಹೋಗಲಾಡಿಸಲು ಕೆಲವು ಟಿಪ್ಸ್ ಹೀಗಿದೆ.

ನಿಮ್ಮ ಕೂದಲು ಉದುರುವ ಸಮಸ್ಯೆ ನಿವಾರಣೆಗೆ ನೀವು ನಿಮ್ಮ ಕೂದಲಿಗೆ ಮತ್ತು ತ್ವಚೆಗೆ ಹೊಂದುವಂತಹ ಉತ್ಪನ್ನಗಳನ್ನು ಆಯ್ಕೆ ಮಾಡಿಕೊಳ್ಳಿ. ಅದರಲ್ಲೂ ರಸಾಯನಿಕ ಉತ್ಪನ್ನಗಳ ಬಳಕೆಗಿಂತ ಮನೆಮದ್ದು ಟ್ರೈ ಮಾಡಿ. ಇದರಿಂದ ಯಾವುದೇ ಡ್ಯಾಮೇಜ್ ಆಗಲ್ಲ. ನೈಸರ್ಗಿಕವಾಗಿ ಕೂದಲು ಆರೈಕೆ ಮಾಡಬಹುದು.

ಕೂದಲು ಬೆಳವಣಿಗೆಗೆ ಮತ್ತು ಕೂದಲು ಉದುರುವಿಕೆ ತಡೆಗೆ ಮನೆಮದ್ದು ಮಾಡುವುದು ಸಾಕಷ್ಟು ಪೋಷಣೆ ನೀಡುತ್ತದೆ. ಕೂದಲು ಬೆಳೆಯಲು ನೈಸರ್ಗಿಕ ಮಾರ್ಗಗಳು ಹೀಗಿವೆ. ಮೊದಲನೇ ಮಾರ್ಗ ತೆಂಗಿನೆಣ್ಣೆಯಲ್ಲಿ ನಿಂಬೆರಸ ಬೆರೆಸಿ ಹಚ್ಚಿರಿ. ಒಂದು ಗಂಟೆ ನಂತರ ತಲೆಸ್ನಾನ ಮಾಡಿ. ಮೊಟ್ಟೆಗೆ ಎರಡು ಚಮಚ ಆಲಿವ್ ಎಣ್ಣೆ ಬೆರೆಸಿ ತಲೆಗೆ ಮಸಾಜ್ ಮಾಡಿ, ಸ್ವಲ್ಪ ಹೊತ್ತು ಬಿಟ್ಟು ತೊಳೆಯಿರಿ.

ಈರುಳ್ಳಿ ರುಬ್ಬಿ, ಅದರ ರಸವನ್ನು ಶೋಧಿಸಿ ತೆಗೆದು ಲಘು ಕೈಗಳಿಂದ ಈ ರಸ ಹಚ್ಚಿ ಕೂದಲಿಗೆ ಮತ್ತು ತಲೆಗೆ ಮಸಾಜ್ ಮಾಡಿ. ಒಂದು ಗಂಟೆ ನಂತರ ತೊಳೆಯಿರಿ. ಪ್ರತಿದಿನ ಹಸಿ ಬೆಟ್ಟದ ನೆಲ್ಲಿಕಾಯಿ ತಿನ್ನರಿ. ನೆಲ್ಲಿಕಾಯಿ ಎಣ್ಣೆಯಿಂದ ಕೂದಲಿಗೆ ಮಸಾಜ್ ಮಾಡಿ. ಅಲೋವೆರಾ ಸೇವನೆ ಮಾಡಿ. ಇದು ಕೂದಲಿಗೆ ಪೋಷಣೆ ನೀಡುತ್ತದೆ.

ಕ್ಯಾಸ್ಟರ್ ಆಯಿಲ್ ನಿಂದ ತಲೆಗೆ ಮಸಾಜ್ ಮಾಡಿ. ಕೂದಲು ಉದುರುವಿಕೆ ಕಡಿಮೆಯಾಗುತ್ತದೆ. ಮೆಂತ್ಯವನ್ನು ರಾತ್ರಿಯಿಡೀ ನೆನೆಸಿ ಮತ್ತು ಬೆಳಿಗ್ಗೆ ಅದರ ಪೇಸ್ಟ್ ಮಾಡಿ ಕೂದಲಿಗೆ ಹಚ್ಚಿ. ಒಂದು ಗಂಟೆಯ ನಂತರ ತೊಳೆಯಿರಿ. ವಾರಕ್ಕೊಮ್ಮೆ ತೆಂಗಿನ ಹಾಲಿನಿಂದ ಮಸಾಜ್ ಮಾಡಿ. ಆಲೂಗಡ್ಡೆ ರಸವನ್ನು ಕೂದಲಿಗೆ ಹಚ್ಚಿ ಅರ್ಧ ಗಂಟೆಯ ನಂತರ ತೊಳೆಯಿರಿ.

ತೆಂಗಿನಕಾಯಿ ಮತ್ತು ರೋಸ್‌ವುಡ್ ಎಣ್ಣೆಯಲ್ಲಿ ದಾಸವಾಳದ ಪೇಸ್ಟ್ ಅನ್ನು ಬೆರೆಸಿ ಹದಿನೈದು ನಿಮಿಷ ಹಚ್ಚಿ ಬಿಟ್ಟು, ನಂತರ ತಲೆಯನ್ನು ತೊಳೆಯಿರಿ. ವಾರಕ್ಕೊಮ್ಮೆ ತಲೆಗೆ ಮೆಹಂದಿ ಹಾಕಿರಿ. ಮೊಟ್ಟೆ ಮತ್ತು ಟೀ ಎಲೆಯ ನೀರನ್ನು ಬೆರೆಸಿ ಕಪ್ಪು ಬಾಣಲೆಯಲ್ಲಿ ರಾತ್ರಿಯಿಡೀ ಇಟ್ಟು ನಂತರ ತಲೆಗೆ ಹಚ್ಚಿ.

ಹಣ್ಣಾದ ಪೇರಳೆಯನ್ನು ಮ್ಯಾಶ್ ಮಾಡಿ, ಆಲಿವ್ ಎಣ್ಣೆ ಮತ್ತು ಬಾಳೆಹಣ್ಣನ್ನು ಬೆರೆಸಿ ತಲೆಗೆ ಹಚ್ಚಿರಿ, ಇದು ನೆತ್ತಿಯ ಪೋಷಣೆ ನೀಡುತ್ತದೆ. ಒಂದು ಗಂಟೆಯ ನಂತರ ತೊಳೆಯಿರಿ. ಮೃದುವಾದ ಮತ್ತು ಕಪ್ಪು ಕೂದಲಿಗೆ ಶಿಕಾಕಾಯಿಯನ್ನು ನೆನೆಸಿ ಕೂದಲಿಗೆ ಹಚ್ಚಿಕೊಳ್ಳಿ. ಕೂದಲು ಕಪ್ಪು ಮತ್ತು ದಪ್ಪವಾಗಿರುತ್ತದೆ.

ರೀತಾ ಮತ್ತು ಆಮ್ಲಾ ಕೂಡ ಕೂದಲನ್ನು ಪೋಷಿಸುತ್ತದೆ. ಇವೆರಡನ್ನೂ ಪೇಸ್ಟ್ ಮಾಡಿ ಕೂದಲಿಗೆ ಹಚ್ಚಿ. ಇದು ಕೂದಲಿಗೆ ಪೋಷಣೆ ನೀಡುತ್ತದೆ. ಎಳ್ಳಿನ ಎಣ್ಣೆ ಹಚ್ಚಿರಿ. ಅಲೋವೆರಾ ಜೆಲ್ ಅನ್ನು ತೆಂಗಿನ ಎಣ್ಣೆಯಲ್ಲಿ ಮಿಶ್ರಣ ಮಾಡಿ ಮತ್ತು ಕೂದಲಿನ ಬೇರುಗಳಿಗೆ ಹಚ್ಚಿರಿ. ನಂತರ ಒಂದು ಗಂಟೆಯ ನಂತರ ತೊಳೆಯಿರಿ.