Health Tips: ಸಣ್ಣ, ಸಣ್ಣ ವಿಚಾರಕ್ಕೂ ತುಂಬಾ ಕೋಪ ಬರುತ್ತಾ? ನಿಮ್ಮ ಸಿಟ್ಟೇ ದೊಡ್ಡ ಕಾಯಿಲೆ ತಂದೊಡ್ಡಬಹುದು!

ಪ್ರಚೋದನೆಗೆ ಪ್ರತಿಕ್ರಿಯಿಸಬೇಡಿ, ಕೋಪಗೊಳ್ಳಬೇಡಿ ಹೀಗಂತ ಅನೇಕ ಮಂದಿ ಆಗಾಗ ಹೇಳುತ್ತಲೇ ಇರುತ್ತಾರೆ. ಹೀಗಿದ್ದರೂ, ಮನೆ, ಕಛೇರಿಗಳಲ್ಲಿ ಚಿಕ್ಕ ಚಿಕ್ಕ ವಿಷಯಗಳಿಗೂ ಕೋಪ ಮಾಡಿಕೊಳ್ಳುತ್ತಲೇ ಇರುತ್ತೇವೆ. ಇದು ನಮ್ಮನ್ನು ದೊಡ್ಡ ರೋಗಿಗಳನ್ನಾಗಿ ಮಾಡುತ್ತದೆ ಎಂದು ಮನೋವೈದ್ಯರು ಹೇಳುತ್ತಾರೆ.

ಉದಾಹರಣೆಗೆ ನಾವು ಕೆಲಸ ಮುಗಿಸಿ ಮನೆಗೆ ಬಂದಾಗ ನಿಮ್ಮ ಸಂಗಾತಿ ಯಾವುದೇ ಕೆಲಸ ಮಾಡದೇ ಟಿವಿ ನೋಡುತ್ತಿದ್ದರೆ, ನಾವು ಅವರನ್ನು ನೋಡಿ ಸುಮ್ಮನೆ ಬಿಡುವುದಿಲ್ಲ. ಅದೇ ನಮಗೆ ಅತಿ ಹೆಚ್ಚು ಕೋಪ ತರಿಸುತ್ತದೆ ಏಕೆ? ಕೆಲವೊಮ್ಮೆ ಬೈಯ್ಯುವಾಗ ಕೂಡ ಯೋಚಿಸುವುದಿಲ್ಲ.

ಕೋಪ ಬರುವುದು ಸಹಜ. ಆದರೆ ನಾವು ಅದನ್ನು ಸಮಾಧಾನದಿಂದ ನಿಭಾಯಿಸಬೇಕು. ಇಲ್ಲದಿದ್ದರೆ ನೀವು ಅನೇಕ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ಸಾಮಾನ್ಯವಾಗಿ ನಾವು ಕೋಪಗೊಂಡಾಗ, ನಮ್ಮ ದೇಹದಲ್ಲಿ ಅಡ್ರಿನಾಲಿನ್ ಹೆಚ್ಚಾಗುತ್ತದೆ. ಇದರಿಂದ ನಮ್ಮ ಸ್ನಾಯುಗಳು ಬಿಗಿಯಾಗುವುದು, ಹೆಚ್ಚು ಬೆವರುವುದು, ಹೃದಯ ಬಡಿತ ಹೆಚ್ಚಾಗುವುದು, ರಕ್ತದೊತ್ತಡ ಹೆಚ್ಚಾಗುವುದು ಇತ್ಯಾದಿಗಳು ಉಂಟಾಗುತ್ತದೆ.

ಡಾ. ನಿಕೋಲ್ ಲೆಪೆರಾ ಪ್ರಕಾರ, ಈ ರೀತಿಯ ಕೋಪವು ನಿಮ್ಮ ಮೆದುಳನ್ನು ಹೆಚ್ಚು ದುರ್ಬಲಗೊಳಿಸುತ್ತದೆ. ಆದ್ದರಿಂದ ನಿಮ್ಮ ಮೆದುಳನ್ನು ಸುರಕ್ಷಿತವಾಗಿರಿಸಿಕೊಳ್ಳುವುದು ನಿಮ್ಮ ಕರ್ತವ್ಯ. ಮೊದಲು ನಿಮಗೆ ಏಕೆ ಕೋಪ ಬಂದಿದೆ ಎಂಬುವುದನ್ನು ತಿಳಿದುಕೊಳ್ಳಬೇಕು. ಅನಗತ್ಯವಾದ ವಿಚಾರಗಳ ಬಗ್ಗೆ ಚಿಂತಿಸಬೇಡಿ. ಈ ರೀತಿ ಯೋಚನೆಗಳನ್ನು ಮಾಡುವುದರಿಂದ ನಿಮ್ಮ ಎದುರುಗಡೆ ಇರುವವರಿಗೂ ಕೋಪ ಬರುವುದಿಲ್ಲ. ಈ ಸಮಸ್ಯೆಗಳಿಂದ ನೀವು ಪಾರಾಗಬಹುದು.

ನಿಮ್ಮ ನರಮಂಡಲಕ್ಕೆ ಸುರಕ್ಷಿತ ಸೂಚನೆಗಳನ್ನು ಕಳುಹಿಸಲು ಮತ್ತು ಚಿಂತನೆಯ ಮಾದರಿಗಳನ್ನು ನಿಯಂತ್ರಿಸಲು ಆಳವಾದ ಮತ್ತು ನಿಧಾನವಾಗಿ ಉಸಿರನ್ನು ತೆಗೆದುಕೊಳ್ಳಿ. ಇದು ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದು. ನಿಮ್ಮ ಮನಸ್ಸಿನಲ್ಲಿ ಅನಗತ್ಯ ಊಹೆಗಳನ್ನು ಮಾಡಬೇಡಿ. ಯಾವಾಗಲೂ ಮುಕ್ತವಾಗಿ ಹಂಚಿಕೊಳ್ಳುವುದು ನಿಮ್ಮ ಜೀವನಕ್ಕೆ ಒಳ್ಳೆಯದು.

ಕೋಪ ನಿರ್ವಹಣೆ ವ್ಯಾಯಾಮಗಳು
ಗ್ರೌಂಡಿಂಗ್ ವ್ಯಾಯಾಮಗಳು: ನೀವು ತುಂಬಾ ಕೋಪ ಬರುತ್ತದೆ ಅಂತ ಅನಿಸಿದರೆ, ಮನಸ್ಸನ್ನು ಶಾಂತವಾಗಿರಿಸಿ. 5-4-3-2-1 ಅಂತ ನಿಮ್ಮ ಗಮನವನ್ನು ಬೇರೆಡೆಗೆ ಸೆಳೆಯಲು, ನಿಮ್ಮ ಸುತ್ತಲಿನ 5 ವಸ್ತುಗಳನ್ನು ಸ್ಪರ್ಶಿಸಲು ಮತ್ತು ನೋಡಲು ಸಹಾಯ ಮಾಡಲು ನೀವು ಗ್ರೌಂಡಿಂಗ್ ವ್ಯಾಯಾಮಗಳನ್ನು ಸಹ ಮಾಡಬೇಕು. ಅದು ಟೇಬಲ್, ಕುರ್ಚಿ ಇತ್ಯಾದಿ ಯಾವುದಾದರೂ ಆಗಿರಬಹುದು. ನಿಮ್ಮ ಹತ್ತಿರವಿರುವ ವಿಷಯಗಳನ್ನು ಕೇಳುವುದು ಮತ್ತು ಹತ್ತಿರದ ಜನರೊಂದಿಗೆ ಮಾತನಾಡುವುದು ನಿಮ್ಮ ಒತ್ತಡ ಮತ್ತು ಕೋಪವನ್ನು ಕಡಿಮೆ ಮಾಡುತ್ತದೆ.

ಸಾಮಾಜಿಕ ಜಾಲತಾಣದಲ್ಲಿ ನಿಮ್ಮ ಬಗ್ಗೆ ಅನಗತ್ಯ ಚರ್ಚೆ ಮತ್ತು ಕಾಮೆಂಟ್ಗಳು ಬಂದಾಗ ನೀವು ಏನನ್ನೂ ನೋಡಬಾರದು. ಇದು ನಿಮಗೆ ಕೋಪ ತರುತ್ತದೆ ಎಂದು ನೀವು ಭಾವಿಸಿದರೆ, ಅದನ್ನು ಬಳಸದಿರುವುದು ಉತ್ತಮ. ಧ್ಯಾನ ಅತ್ಯಗತ್ಯ. ಇದು ನಿಮ್ಮ ಭಾವನೆಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಧ್ಯಾನವು ಉತ್ತಮ ಒತ್ತಡ ನಿವಾರಕವಾಗಿದೆ ಎಂಬುದನ್ನು ನೆನಪಿಡಿ.