Sara Ali Khan Fitness Secret: ನೀವೂ ಈ ವ್ಯಾಯಾಮ ಮಾಡಿ ಬಳುಕುವ ಬಳ್ಳಿಯಂತಹ ದೇಹ ನಿಮ್ಮದಾಗಿಸಿಕೊಳ್ಳಿ

ಫಿಟ್ನೆಸ್​ ವಿಷಯಕ್ಕೆ ಬಂದರೆ ಸಾರಾ ಅಲಿ ಖಾನ್​ ನಿಜಕ್ಕೂ ತುಂಬಾ ಜನರಿಗೆ ಮಾದರಿಯಾಗುತ್ತಾರೆ. ಬಣ್ಣದ ಲೋಕಕ್ಕೆ ಕಾಲಿಡುವ ಮುನ್ನ ಸಾರಾ ಅಲಿ ಖಾನ್​ ಬಹುತೇಕ ಸ್ಟಾರ್​ ಕಿಡ್​ಗಳಂತೆಯೇ ಸ್ಥೂಲಕಾಯಿಯಾಗಿದ್ದರು.

ನಂತರದ ದಿನಗಳಲ್ಲಿ ಸಿನಿರಗಂಕ್ಕೆ ಕಾಲಿಡಲು ನಿರ್ಧರಿಸ ಮೇಲೆ ಅವರು ತಮ್ಮ ದೇಹದ ತೂಕ ಇಳಿಸಿಕೊಂಡು ಸ್ಲಿಮ್​ ಹಾಗೂ ಫಿಟ್​ ಆದರು. ಅವರು ಹಳೇ ವಿಡಿಯೋಗಳನ್ನು ನೋಡಿದರೆ, ಇವರೇನಾ ಸಾರಾ ಎಂದು ಗುರುತಿಸದಷ್ಟು ಬದಲಾಹಿ ಹೋದರು.

ಈಗಲೂ ಸಹ ಏನು ಬೇಕಾದರೂ ಮಿಸ್ ಮಾಡಿಕೊಳ್ಳುವ ಈ ನಟಿ, ನಿತ್ಯ ತಮ್ಮ ಫಿಟ್ನೆಸ್​ ಸೆಷನ್​ ಮಾತ್ರ ತಪ್ಪದೇ ಮಾಡುತ್ತಾರಂತೆ. ಹೌದು, ಇದೇ ಅವರ ಫಿಟ್ನೆಸ್​ನ ಗುಟ್ಟು. ಸಾರಾ ಅಲಿ ಖಾನ್​ ತಮ್ಮ ಅಭಿಮಾನಿಗಳಿಗೆ ಫಿಟ್ನೆಸ್ ಕುರಿತಾಗಿ ಕೆಲವು ಟಿಪ್ಸ್​ ಕೊಟ್ಟಿದ್ದಾರೆ. 

ನೀಳವಾದ ಸಪೂರವಾದ ಕಾಲು ಹಾಗೂ ಫ್ಲಾಟ್​ ಹೊಟ್ಟೆ ನಿಮ್ಮದಾಗಬೇಕಾದರೆ, ನೀವೂ ಸಾರಾ ಮಾಡುವ ವ್ಯಾಯಾಮ ಮಾಡಬೇಕಂತೆ. ಸಾರಾ ತಮ್ಮ ಕಾಲು ಹಾಗೂ ಆ್ಯಬ್ಸ್​ಗಾಗಿ ನಿತ್ಯ Jump Squats ಮಾಡುತ್ತಾರಂತೆ.

Jump Squats ಮಾಡುವುದರಿಂದ ಕಾಲು ಹಾಗೂ ಆ್ಯಬ್ಸ್​ ಎರಡಕ್ಕೂ ವ್ಯಾಯಾಮವಾಗುತ್ತದೆ. ಇದರಿಂದಾಗಿ ಈ ಎರಡೂ ಭಾಗಗಳಲ್ಲಿ ಶೇಖರಣೆಯಾಗಿರುವ ಕೊಬ್ಬು ಕರಗಲು ಆರಂಭವಾಗುತ್ತದೆಯಂತೆ. ಈ ವ್ಯಾಯಾಮವನ್ನು ಮನೆಯಲ್ಲೇ ಮಾಡಬಹುದಾಗಿದೆ. 

ಸಾರಾ ಅಲಿ ಖಾನ್​ ಕೊನೆಯದಾಗಿ ಕಾಣಿಸಿಕೊಂಡ ಸಿನಿಮಾ ಕೂಲಿ ನಂ 1. ಅದು ವರುಣ್ ಧವನ್ ಜೊತೆ ನಾಯಕಿಯಾಗಿ ನಟಿಸಿದ ಚಿತ್ರವಾಗಿದ್ದು, ಇದು ಒಟಿಟಿಯಲ್ಲಿ ರಿಲೀಸ್​ ಆಗಿತ್ತು. ಆದರೆ, ಈ ಸಿನಿಮಾ ಬಾಕ್ಸಾಫಿಸ್​ನಲ್ಲಿ ಹೇಳ ಹೆಸರಿಲ್ಲದಂತೆ ಹೋಯಿತು.

ಈ ಸಿನಿಮಾದ ನಂತರ ಸಾರಾ ಅಲಿ ಖಾನ್ ಮತ್ತಾವೂದೇ ಚಿತ್ರವನ್ನು ಪ್ರಕಟಿಸಲಿಲ್ಲ.ಕೋವಿಡ್​ ಆರಂಭಕ್ಕೂ ಮುನ್ನ ಅಕ್ಷಯ್​ ಕುಮಾರ್ ಹಾಗೂ ಧನುಷ್​ ಜೊತೆಗಿ ಅತ್ರಂಗಿ ರೇ ಚಿತ್ರ ಮಾತ್ರ ಚಿತ್ರೀಕರಣದ ಹಂತದಲ್ಲಿದೆ.