Ear Tips: ಸಿಕ್ಕ-ಸಿಕ್ಕ ವಸ್ತುಗಳನ್ನೆಲ್ಲಾ ಕಿವಿಯೊಳಗೆ ಹಾಕೋಬೇಡಿ! ಸ್ಲಲ್ಪ ಹೆಚ್ಚು ಕಡಿಮೆ ಆದ್ರೂ ಅಪಾಯ ಫಿಕ್ಸ್

ಹಲವಾರು ಮಂದಿಗೆ ಕಿವಿಯೊಳಗೆ ಏನನ್ನಾದರೂ ಚುಚ್ಚಿಕೊಳ್ಳುವ ಅಭ್ಯಾಸವಿರುತ್ತದೆ. ಕಿವಿಯನ್ನು ಸ್ವಚ್ಛಗೊಳಿಸುವ ಸಲುವಾಗಿ ಈ ಕೆಟ್ಟ ಅಭ್ಯಾಸವನ್ನು ರೂಢಿ ಮಾಡಿಕೊಂಡಿರುತ್ತಾರೆ. ಆದರೆ ಹೀಗೆ ಮಾಡುವುದು ಎಷ್ಟು ಡೇಂಜರ್ ಅಂತ ಎಂದಾದರೂ ಯೋಚಿಸಿದ್ದೀರಾ?

ಹೌದು, ಸಾಕಷ್ಟು ಮಂದಿ ಕಡ್ಡಿಗಳು, ಸೇಫ್ಟಿಪಿನ್ಗಳು, ಹೇರ್ ಕ್ಲಿಪ್ಗಳನ್ನು ಕಿವಿಯೊಳಗೆ ಹಾಕಿಕೊಂಡು ಕೊಳಕನ್ನು ತೆಗೆಲು ಪ್ರಯತ್ನಿಸುತ್ತಾರೆ. ಅಲ್ಲದೇ ಮಕ್ಕಳಿಗೆ ಕಿವಿನೋವು ಬಂದಾಗ ಇರುವೆ ಅಥವಾ ಕೀಟಗಳು ಒಳಗೆ ನುಗ್ಗಿವೆ ಎಂದು ಭಾವಿಸಿ ಅನೇಕರು ಈ ವಸ್ತುಗಳನ್ನು ಬಳಸುತ್ತಾರೆ. ಆದರೆ ಇವು ಸುರಕ್ಷಿತವಾರುವ ಬದಲಿಗೆ ಗಂಭೀರವಾದ ಹಾನಿಯನ್ನುಂಟು ಮಾಡಿತ್ತದೆ ಎಂದು ನಿಮಗೆ ತಿಳಿದಿದ್ಯಾ?

ವಾಸ್ತವಾಗಿ ಹೇಳಬೇಕೆಂದರೆ ಕಿವಿಯನ್ನು ಸ್ವಚ್ಛಗೊಳಿಸಲು ಯಾವ್ಯಾವುದೋ ವಸ್ತುಗಳನ್ನು ಬಳಸುವ ಅಗತ್ಯವಿಲ್ಲ. ಇದರಿಂದ ಮಕ್ಕಳಲ್ಲಿ ಕಿವಿ ಸಮಸ್ಯೆಗಳು ಉಂಟಾಗುತ್ತದೆ. ಅನೇಕ ಬಾರಿ ಅವರಿಗೆ ಶ್ರವಣ ಸಮಸ್ಯೆ ಇರುತ್ತದೆ. ಕಿವಿಯಲ್ಲಿ ಕೀವು ಬಹಳ ಸಾಮಾನ್ಯ ಲಕ್ಷಣವಾಗಿದೆ. ಹಾಗಾಗಿ ಈ ಬಗ್ಗೆ ಜಾಗ್ರತೆ ವಹಿಸಲು ತಜ್ಞರ ಸಲಹೆಯನ್ನು ಅನುಸರಿಸಬೇಕು.

ಹಲವು ಬಾರಿ ಕಿವಿಯೋಲೆಯ ಛಿದ್ರವು ಬ್ಯಾಕ್ಟೀರಿಯಾದ ಸೋಂಕಿಗೆ ಕಾರಣವಾಗಬಹುದು. ಸರಿಯಾಗಿ ಚಿಕಿತ್ಸೆ ನೀಡದಿದ್ದರೆ, ಸಮಸ್ಯೆ ಗಂಭೀರವಾಗಬಹುದು. ಕೆಲವು ಸಂದರ್ಭಗಳಲ್ಲಿ, ಈ ಸೋಂಕು ಮೆದುಳಿಗೆ ಹರಡಬಹುದು ಮತ್ತು ಎನ್ಸೆಫಾಲಿಟಿಸ್ಗೆ ಕಾರಣವಾಗಬಹುದು ಎಂದು ವೈದ್ಯರು ಹೇಳುತ್ತಾರೆ.

ಕೆಲವು ಬಾರಿ ಮಗುವಿಗೆ ಒಂದು ಅಥವಾ ಎರಡೂ ಕಿವಿಗಳಲ್ಲಿ ಕೀವು ಇರುತ್ತದೆ. ಕೆಲವೊಮ್ಮೆ ನೀರು ಕೂಡ ಹೊರಬರುತ್ತದೆ. ಕೆಟ್ಟ ವಾಸನೆಯ ಕೀವು ಕೂಡ ಇರಬಹುದು. ಈ ಚಿಹ್ನೆಗಳನ್ನು ನಿರ್ಲಕ್ಷಿಸಬಾರದು. ಚಳಿಗಾಲದಲ್ಲಿ ಅಥವಾ ಯಾವುದಾದರೂ ಕಾರಣಕ್ಕೆ ನೆಗಡಿ ಕಾಣಿಸಿಕೊಂಡರೆ ಈ ಸಮಸ್ಯೆ ಉಲ್ಬಣಗೊಳ್ಳಬಹುದು. ಮತ್ತೆ ಕೆಲವು ಸಂದರ್ಭಗಳಲ್ಲಿ ಜ್ವರ ಸಹ ಬರಬಹುದು.

ಮೂರು ವರ್ಷದೊಳಗಿನ ಮಗುವಿಗೆ ಈ ಸಮಸ್ಯೆ ಇದ್ದರೆ ಸಂಪೂರ್ಣ ಕಿವಿ ಕಿವುಡಾಗುವ ಅಪಾಯವಿದೆ. ಮುಂಜಾಗ್ರತಾ ಕ್ರಮವಾಗಿ ವೈದ್ಯರನ್ನು ಭೇಟಿಯಾಗುವುದು ಉತ್ತಮ.

ಸ್ನಾನ ಮಾಡುವಾಗ ಮಕ್ಕಳ ಕಿವಿಗೆ ಹತ್ತಿಯನ್ನು ಮುಚ್ಚಬೇಕು. ಈಜಲು ಹೋಗುವಾಗಲೂ ಕಿವಿಯಲ್ಲಿ ನೀರು ಸೇರಿಕೊಳ್ಳದಂತೆ ಎಚ್ಚರಿಕೆ ವಹಿಸಬೇಕು. ನೀವು ಕಿವಿಯನ್ನು ಸ್ವಚ್ಛಗೊಳಿಸಲು ಬಯಸಿದರೆ, ಹತ್ತಿಯನ್ನು ಬಳಸುವುದು ಉತ್ತಮ.

ಕಿವಿಗೆ ಎಣ್ಣೆ ಹಾಕಲೇಬಾರದು. ವೈದ್ಯರ ಸಲಹೆ ಇಲ್ಲದೇ ಕಿವಿಯೊಳಗೆ ಯಾವುದೇ ಔಷಧ ಬಳಸಬಾರದು.

ಟಾನ್ಸಿಲ್ ಸಮಸ್ಯೆಗೆ ಸರಿಯಾಗಿ ಚಿಕಿತ್ಸೆ ನೀಡದಿದ್ದರೆ, ಕಿವಿ ಮತ್ತು ಗಂಟಲಿನ ಸೋಂಕಿಗೆ ಕಾರಣವಾಗಬಹುದು. ಇದು ಕಿವಿ ನೋವು ಮತ್ತು ಶ್ರವಣ ನಷ್ಟಕ್ಕೆ ಕಾರಣವಾಗಬಹುದು.

ತಜ್ಞರು ಪ್ರಕಾರ, ಒಡೆದ ತುಟಿಗಳು ಕಿವಿಯ ಸ್ರಾವ ಅಥವಾ ಸೋಂಕಿನ ಸಮಸ್ಯೆಗಳನ್ನು ಉಂಟುಮಾಡಬಹುದು.

(Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)