Health Tips: ಮೊಟ್ಟೆ ಸಸ್ಯಹಾರಿನಾ, ಮಾಂಸಹಾರಿನಾ ಎಂಬ ಪ್ರಶ್ನೆಗೆ ಸಿಕ್ತು ಉತ್ತರ! ಸತ್ಯಾಂಶ ತಿಳಿದ್ರೆ ಶಾಕ್ ಆಗೋದು ಪಕ್ಕಾ!

ಮೊಟ್ಟೆ ಆರೋಗ್ಯಕ್ಕೆ ಎಷ್ಟು ಪ್ರಯೋಜನಕಾರಿ ಎಂದು ನಮ್ಮೆಲ್ಲರಿಗೂ ತಿಳಿದಿದೆ. ವೈದ್ಯರು ಯಾವಾಗಲೂ ಮಕ್ಕಳು ಮತ್ತು ಹಿರಿಯರಿಗೆ ಹೀಗೆ ಎಲ್ಲರಿಗೂ ಪ್ರತಿದಿನ ಒಂದು ಮೊಟ್ಟೆಯನ್ನು ತಿನ್ನಲು ಸಲಹೆ ನೀಡುತ್ತಾರೆ. ಏಕೆಂದರೆ ಮೊಟ್ಟೆಗಳು ದೇಹದಲ್ಲಿನ ಪ್ರೋಟೀನ್ ಕೊರತೆಯನ್ನು ಹೋಗಲಾಡಿಸುತ್ತದೆ.

ಮೊಟ್ಟೆಯ ಸೇವನೆಯು ಆರೋಗ್ಯಕ್ಕೆ ಒಳ್ಳೆಯದು ಇದರಲ್ಲಿ ಸಾಕಷ್ಟು ಪ್ರೋಟೀನ್ ಇರೋದರಿಂದ ಪ್ರತಿನಿತ್ಯ ಮೊಟ್ಟೆ ಸೇವಿಸೋದು ಮೂಳೆಗಳಿಗೂ ಒಳ್ಳೆಯದು. ಮೊಟ್ಟೆಯು ಸೆಲೆನಿಯಮ್, ವಿಟಮಿನ್ ಡಿ, ವಿಟಮಿನ್ ಬಿ 6, ವಿಟಮಿನ್ ಬಿ 12, ಸತು, ತಾಮ್ರ ಮತ್ತು ಕಬ್ಬಿಣದಿಂದ ಸಮೃದ್ದವಾಗಿದೆ.

ಕೆಲವರು ಮಾಂಸಾಹಾರವನ್ನು ಸೇವಿಸುವುದಿಲ್ಲ ಅಂತಹವರಿಗೆ ಬರೀ ಮೊಟ್ಟೆಯನ್ನಾದರೂ ಸೇವಿಸಲು ಸಲಹೆ ನೀಡಲಾಗುತ್ತದೆ. ಅಲ್ಲದೇ ಮೊಟ್ಟೆಯನ್ನು ಎಲ್ಲರು ಇಷ್ಟಪಡುತ್ತಾರೆ. ಆದರೆ ಇಷ್ಟಪಡದೇ ಇರುವವರು ಕೆಲವರು ಮಾತ್ರ. ಆದರೆ ಮೊಟ್ಟೆ ಸಸ್ಯಾಹಾರಿಯೋ ಅಥವಾ ಮಾಂಸಾಹಾರಿಯೋ ಎಂಬ ಈ ವಿಚಾರದ ಬಗ್ಗೆ ಅನೇಕ ಮಂದಿ ಗೊಂದಲದಲ್ಲಿದ್ದಾರೆ.

ಸಸ್ಯಾಹಾರಿಯಾಗಿದ್ದರೂ ಅನೇಕ ಮಂದಿ ಮೊಟ್ಟೆಗಳನ್ನು ತಿನ್ನುತ್ತಾರೆ. ಆದರೆ ಹಲವಾರು ಜನರು ಮೊಟ್ಟೆಯನ್ನು ಮಾಂಸಾಹಾರ ಎಂದು ಹೇಳುತ್ತಾರೆ, ಹಾಗಾಗಿ ಸಸ್ಯಾಹಾರಿಗಳು ಮೊಟ್ಟೆಗಳನ್ನು ತಿನ್ನುವುದಿಲ್ಲ. ಮೊಟ್ಟೆಯ ಬಗೆಗಿರುವ ಈ ಗೊಂದಲ ಹಲವಾರು ದಿನಗಳಿಂದ ಜನರನ್ನು ಕಾಡುತ್ತಿದೆ.

ಆದರೆ ವಿಜ್ಞಾನಿಗಳು ವಿಭಿನ್ನವಾಗಿ ಉತ್ತರಿಸಿದ್ದಾರೆ. ಮೊಟ್ಟೆಗಳು ವಾಸ್ತವವಾಗಿ ಸಸ್ಯಾಹಾರಿ ಎಂದು ಹೇಳಿದ್ದಾರೆ. ವಿಜ್ಞಾನಿಗಳ ಪ್ರಕಾರ, ಮೊಟ್ಟೆಯಲ್ಲಿ 3 ಭಾಗಗಳಿವೆ. ಮೊಟ್ಟೆಯ ಚಿಪ್ಪು, ಹಳದಿ ಲೋಳೆ ಮತ್ತು ಬಿಳಿ. ಹಳದಿ ಲೋಳೆಯು ಪ್ರೋಟೀನ್ ಮತ್ತು ಕೊಲೆಸ್ಟ್ರಾಲ್ ಅನ್ನು ಹೊಂದಿರುತ್ತದೆ. ಮೊಟ್ಟೆಯ ಬಿಳಿಭಾಗವು ಪ್ರೋಟೀನ್ ಅನ್ನು ಮಾತ್ರ ಹೊಂದಿರುತ್ತದೆ. ಮೊಟ್ಟೆಗಳು ಭ್ರೂಣಗಳನ್ನು ಹೊಂದಿರುವುದಿಲ್ಲ.

ಮೊಟ್ಟೆಗಳು ಕೋಳಿಗಳಿಂದ ಬರುತ್ತವೆ. ಹಾಗಾಗಿ ಮೊಟ್ಟೆ ತಿನ್ನುವುದು ಎಂದರೆ ಪ್ರಾಣಿಯನ್ನು ತಿನ್ನುವುದು ಎಂದು ಭಾವಿಸಬಾರದು ಎಂದು ಹೇಳಿದ್ದಾರೆ. ಒಟ್ಟಾರೆ ತಜ್ಞರ ಪ್ರಕಾರ ಮೊಟ್ಟೆಗಳು ವಾಸ್ತವವಾಗಿ ಸಸ್ಯಾಹಾರಿ. ಮೊಟ್ಟೆಯು ಭ್ರೂಣವನ್ನು ಹೊಂದಿರದ ಕಾರಣ, ಅದಕ್ಕೆ ಮಾಂಸ ಅಥವಾ ಜೀವವಿಲ್ಲ. ಆದ್ದರಿಂದ ಮೊಟ್ಟೆಗಳು ವಾಸ್ತವವಾಗಿ ಸಸ್ಯಾಹಾರಿ ಎಂದಿದ್ದಾರೆ.

ಅಲ್ಲದೇ ಮೊಟ್ಟೆ ಮಾಂಸಾಹಾರ ಅಥವಾ ಸಸ್ಯಹಾರ ಎಂಬುವುದನ್ನು ಲೆಕ್ಕಿಸದೇ, ನಿಮ್ಮ ದೇಹವನ್ನು ಆರೋಗ್ಯಕರವಾಗಿ ಮತ್ತು ರೋಗ ಮುಕ್ತವಾಗಿಡಲು ನಿಯಮಿತವಾಗಿ ಒಂದು ಮೊಟ್ಟೆಯನ್ನು ತಿನ್ನಿರಿ ಎಂದು ತಿಳಿಸಿದ್ದಾರೆ. (Disclaimer:ಈ ವರದಿಯು ಸಾಮಾನ್ಯ ಮಾಹಿತಿಗಾಗಿ ಮಾತ್ರ, ಆದ್ದರಿಂದ ಹೆಚ್ಚಿನ ವಿವರಗಳಿಗಾಗಿ ತಜ್ಞರ ಸಲಹೆಯನ್ನು ಪಡೆಯಿರಿ)