Health Tips: ಚಹಾ ಜೊತೆ ಆಹಾರ ಸೇವನೆ ಮಾಡ್ತೀರಾ? ಹಾಗಾದ್ರೆ ಈ ಸುದ್ದಿಯನ್ನ ನೀವೂ ಓದಲೇಬೇಕು!

ಕೆಲವು ಆಹಾರಗಳನ್ನು ಚಹಾದೊಂದಿಗೆ ಸೇವಿಸಬಾರದು. ಈ ರೀತಿ ಆಹಾರ ಸೇವನೆಯಿಂದ ಆರೋಗ್ಯ ಸಮಸ್ಯೆಗಳು ಎದುರಾಗಬಹುದು ಎಂದು ತಜ್ಞರು ಹೇಳುತ್ತಾರೆ. ಚಹಾದೊಂದಿಗೆ ಯಾವೆಲ್ಲ ಆಹಾರ ಸೇವಿಸಬಾರದು ಎಂಬುದರ ಪಟ್ಟಿ ಇಲ್ಲಿದೆ. (ಸಾಂದರ್ಭಿಕ ಚಿತ್ರ)

ಚಹಾದೊಂದಿಗೆ ಮೊಳಕೆಕಾಳುಗಳನ್ನು ತಿನ್ನಬೇಡಿ ಎಂದು ಆರೋಗ್ಯ ತಜ್ಞರು ಸಲಹೆ ನೀಡುತ್ತಾರೆ. ಚಹಾ ಕುಡಿದ ತಕ್ಷಣ ಹಸಿ ತರಕಾರಿಗಳು ಮತ್ತು ಹಣ್ಣುಗಳನ್ನು ತಿನ್ನಬಾರದು. ಹೀಗೆ ಮಾಡುವುದರಿಂದ ಉದರ ಸಂಬಂಧಿತ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ ಎಂದು ಹೇಳಲಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಕಡಲೆಕಾಯಿ ಹಿಟ್ಟಿನಿಂದ ಮಾಡಿದ ತಿನಿಸುಗಳನ್ನು ಚಹಾದ ಜೊತೆಗೆ ತಿನ್ನಬಾರದು. ಹೆಚ್ಚಿನವರು ಬಿಸಿ ಬಿಸಿ ಚಹಾದೊಂದಿಗೆ ಪಕೋಡ ತಿನ್ನಲು ಇಷ್ಟಪಡುತ್ತಾರೆ. ಕೆಲವರು ಟೀ ಹೀರುತ್ತಾ ಬಜ್ಜಿ ತಿನ್ನುತ್ತಾರೆ. ಆದರೆ ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ.ಕಡಲೆ ಹಿಟ್ಟಿನಿಂದ ಮಾಡಿದ ಪದಾರ್ಥಗಳನ್ನು ಟೀ ಜೊತೆ ತಿಂದರೆ ಜೀರ್ಣಕ್ರಿಯೆ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. (ಸಾಂದರ್ಭಿಕ ಚಿತ್ರ)

ಹೆಚ್ಚು ಅರಿಶಿನ ಹೊಂದಿರುವ ಪದಾರ್ಥಗಳನ್ನು ಸಹ ಚಹಾದ ಜೊತೆ ಸೇವಿಸಬಾರದು. ಉದಾಹರಣೆಗೆ ಅವಲಕ್ಕಿ, ಪುಳಿಯೋಗರೆ ಅಂತಹ ತಿಂಡಿಗಳಲ್ಲಿ ಅರಿಶಿನ ಹೆಚ್ಚಿರುತ್ತದೆ. ಚಹಾದೊಂದಿಗೆ ಹಳದಿ ಬಣ್ಣದ ಪದಾರ್ಥಗಳ ಸೇವನೆಯು ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುತ್ತದೆ. (ಸಾಂದರ್ಭಿಕ ಚಿತ್ರ)

ಕೆಲವರು ಚಹಾದ ಜೊತೆಗೆ ನಿಂಬೆ ರಸ ಅಥವಾ ಲೆಮನ್ ಜ್ಯೂಸ್ ಕುಡಿಯಲು ಇಷ್ಟಪಡುತ್ತಾರೆ. ಟೀ ಜೊತೆ ನಿಂಬೆ ರಸ ಬೆರೆಸಿ ಕುಡಿಯುವವರೂ ಇದ್ದಾರೆ. ಆದರೆ ಹೀಗೆ ಮಾಡುವುದರಿಂದ ಅಸಿಡಿಟಿ ಮತ್ತು ಇತರ ಜೀರ್ಣಕಾರಿ ಸಮಸ್ಯೆಗಳು ಬರಬಹುದು ಎಂದು ತಜ್ಞರು ಹೇಳುತ್ತಾರೆ. ಚಹಾ ಕುಡಿದ ತಕ್ಷಣ ಸಿಟ್ರಸ್ ಹಣ್ಣುಗಳನ್ನು ಅಂದರೆ ಹುಳಿ ಅಂಶವಿರುವ ಪದಾರ್ಥಗಳನ್ನು ತಿನ್ನಬೇಡಿ. (ಸಾಂದರ್ಭಿಕ ಚಿತ್ರ)

ಇನ್ನು ಮೊಟ್ಟೆ ಉತ್ತಮ ಪೋಷಕಾಂಶ ಹೊಂದಿರುವ ಆಹಾರ. ದಿನಕ್ಕೆ ಒಂದು ಮೊಟ್ಟೆ ಸೇವಿಸುವಂತೆ ಎಲ್ಲರೂ ಸಲಹೆ ನೀಡುತ್ತಾರೆ. ಬೆಳಗ್ಗೆ ತಿಂಡಿ ಜೊತೆ ಅಥವಾ ತಿಂಡಿಯಾಗಿ ಮೊಟ್ಟೆ ತಿನ್ನಲು ಹಲವರು ಇಷ್ಟಪಡುತ್ತಾರೆ. ಆದ್ರೆ ಚಹಾದ ಜೊತೆ ಮೊಟ್ಟೆ ಸೇವನೆ ಒಳ್ಳೆಯದಲ್ಲ. ಚಹಾ ಸೇವನೆಗೆ ಮೊದಲು ಅಥವಾ ನಂತರ ಮೊಟ್ಟೆ ಸೇವಿಸಬೇಕು. (ಸಾಂದರ್ಭಿಕ ಚಿತ್ರ)

ಅತಿಯಾದ ಚಹಾ ಸೇವನೆಯೂ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಹಾಗಾಗಿ ನಿಯಮಿತವಾಗಿ ಚಹಾ ಸೇವನೆ ಮಾಡಬೇಕು. (ಸಾಂದರ್ಭಿಕ ಚಿತ್ರ)