Health Tips: ಮಗುವಿಗೆ ಎದೆ ಹಾಲುಣಿಸುತ್ತಾ ಮೊಬೈಲ್ ನೋಡ್ತೀರಾ? ಮಹಿಳೆಯರೇ ಎಚ್ಚರ, ನೀವು ಈ ವಿಚಾರ ತಿಳಿಯಲೇಬೇಕು!

ಹೆರಿಗೆ ನಂತರ ಮಹಿಳೆಯರು ತಮ್ಮ ಮಗುವಿನ ಬಗ್ಗೆ ಕಾಳಜಿ ವಹಿಸುವುದು ಬಹಳ ಮುಖ್ಯ. ಅದರಲ್ಲಿಯೂ ಮಗು ಜನಿಸಿದ ಆರಂಭದಲ್ಲಿ ಅದರ ಆಹಾರದ ಬಗ್ಗೆ ಗಮನ ಹರಿಸುವುದು, ಆರೋಗ್ಯಕ್ಕೆ ಪ್ರಾಮುಖ್ಯತೆ ನೀಡುವುದು ಹೆಚ್ಚು ಮುಖ್ಯ.

ಈ ಸಮಯದಲ್ಲಿ ಮಹಿಳೆಯರಿಗೆ ಮಗುವಿನ ಲಾಲನೆ-ಪಾಲನೆಯಲ್ಲಿಯೇ ಸಮಯ ಕಳೆದು ಹೋಗುತ್ತದೆ. ಹಾಗಾಗಿ ಅವರಿಗೆ ವೈಯಕ್ತಿಕ ಸಮಯ ಕೊಟ್ಟಿಕೊಳ್ಳಲು ಸಾಧ್ಯವಾಆಗುವುದಿಲ್ಲ. ತಮ್ಮ ಮೊಬೈಲ್ ಕಡೆ ನೀಡಲು ಕೂಡ ಸಮಯವಿರುವುದಿಲ್ಲ.

ಹೀಗಾಗಿ ಮಗು ಮಲಗಿದ್ದ ವೇಳೆ ಕೆಲವರು ಮೊಬೈಲ್ ನೋಡಿದರೆ, ಮತ್ತೆ ಕೆಲವರು ಎದೆ ಹಾಲುಣಿಸುತ್ತಾ ಮೊಬೈಲ್ ನೋಡುವ ಅಭ್ಯಾಸ ಹೊಂದಿರುತ್ತಾರೆ. ಹಾಗಾದರೆ, ಮಗುವಿಗೆ ಎದೆ ಹಾಲುಣಿಸುವಾಗ ಮೊಬೈಲ್ ನೋಡುವುದು ಒಳ್ಳೆಯದಾ? ಕೆಟ್ಟದಾ? ಇದು ಮಗುವಿನ ಆರೋಗ್ಯದ ಮೇಲೆ ಎಷ್ಟು ಪರಿಣಾಮ ಬೀರಬಹುದು? ಈ ಎಲ್ಲದರ ಕುರಿತ ಮಾಹಿತಿ ಈ ಕೆಳಗಿನಂತಿದೆ.

ಮೊಬೈಲ್ ಬಳಸುವುದರಿಂದ ಮಗುವಿನ ಜೊತೆಗೆ ತಾಯಿಗೆ ಸಂವಹನ ನಡೆಸಲು ಆಗುವುದಿಲ್ಲ. ಅಲ್ಲದೇ ಇದು ಮಗುವಿನಲ್ಲಿ ಒತ್ತಡವನ್ನುಂಟು ಮಾಡಬಹುದು ಮತ್ತು ಜ್ಞಾಪಕ ಶಕ್ತಿಯ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.

ಹಾಲುಣಿಸುವ ಸಮಯದಲ್ಲಿ ತಾಯಿಯು ಸ್ಮಾರ್ಟ್‌ಫೋನ್ ಬಳಸುವುದರಿಂದ ತಾಯಿ-ಶಿಶುವಿನ ಪರಸ್ಪರ ಕ್ರಿಯೆಯ ಗುಣಮಟ್ಟದ ಮೇಲೆ ಪ್ರಭಾವ ಬೀರುತ್ತದೆ ಎಂದು ಕೆಲವು ಅಧ್ಯಯನಗಳ ಮೂಲಕ ತಿಳಿದುಬಂದಿದೆ.

ಅಲ್ಲದೇ, ಹಾಲುಣಿಸುವ ಸಮಯದಲ್ಲಿ ಸ್ಮಾರ್ಟ್‌ಫೋನ್ ಬಳಕೆ ಮಗುವಿನ ಪ್ರತಿಕ್ರಿಯೆ ಸಮಯ ಮತ್ತು ತಾಯಿಯತ್ತ ಗಮನ ಹರಿಸುವುದರ ಮೇಲೆ ಪರಿಣಾಮ ಬೀರುತ್ತದೆ ಎನ್ನಲಾಗಿದೆ. 

(Disclaimer: ಈ ವರದಿಯು ಸಾಮಾನ್ಯ ಮಾಹಿತಿಗಾಗಿ ಮಾತ್ರ, ಆದ್ದರಿಂದ ಹೆಚ್ಚಿನ ವಿವರಗಳಿಗಾಗಿ ತಜ್ಞರ ಸಲಹೆಯನ್ನು ಪಡೆಯಿರಿ)