Healthy Liver: ಈ ಆಹಾರಗಳನ್ನು ತಿಂದ್ರೆ ಲಿವರ್ ಹಾಳಾಗಲ್ಲ, ಬೇರೆ ಸಮಸ್ಯೆನೂ ಬರಲ್ಲ

ಆರೋಗ್ಯಕರ ದೇಹಕ್ಕೆ ವಿಟಮಿನ್ಸ್​, ಪ್ರೋಟೀನ್​ಗಳು ಮತ್ತು ಕಾರ್ಬೋಹೈಡ್ರೇಟ್​​ಗಳಂತಹ ಪೋಷಕಾಂಶಗಳು ಬೇಕಾಗುತ್ತವೆ. ಲಿವರ್​ ದೇಹದ ಬಹು ಮುಖ್ಯ ಅಂಗವಾಗಿದೆ. ಆರೋಗ್ಯಕರ ದೇಹಕ್ಕೆ ಆರೋಗ್ಯಕರ ಲಿವರ್ ಬೇಕು. ಆದರೆ ಇದು ನಿಮ್ಮ ಆಹಾರಕ್ರಮವನ್ನು ಅವಲಂಬಿಸಿರುತ್ತದೆ. ಹಾಗಿದ್ರೆ ಲಿವರ್ ಆರೋಗ್ಯದಿಂದಿರಲು ಯಾವೆಲ್ಲಾ ತರಕಾರಿಗಳನ್ನು ತಿಂದ್ರೆ ಉತ್ತಮ ಎಂದು ಈ ಲೇಖನದ ಮೂಲಕ ತಿಳಿಯಿರಿ.

ಬೀಟ್ರೂಟ್: ಬೀಟ್ರೂಟ್ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಇದನ್ನು ಸಲಾಡ್‌ನಂತೆಯೂ ತಿನ್ನಲಾಗುತ್ತದೆ. ಇದನ್ನು ತಿನ್ನೋದ್ರಿಂದ ಲಿವರ್​ ಬಲಗೊಳ್ಳುತ್ತದೆ. ಇದರ ನೀರನ್ನು ಕುಡಿಯೋದ್ರಿಂದ ಸಹ ನಿಮ್ಮ ಲಿವರ್​​ ತುಂಬಾ ಆರೋಗ್ಯಕರವಾಗಿರಲು ಸಹಾಯ ಮಾಡುತ್ತದೆ. ಇದಕ್ಕಾಗಿ ತಜ್ಞರು ಲಿವರ್​ ಸಮಸ್ಯೆ ಇರೋರಿಗೆ ಬೀಟ್ರೂಟ್ ತಿನ್ನಲು ಸಲಹೆ ನೀಡುತ್ತಾರೆ.​

ಬ್ರೊಕೊಲಿ: ಬ್ರೊಕೊಲಿ ಲಿವರ್ ಗೆ ತುಂಬಾ ಒಳ್ಳೆಯದು. ಬ್ರೊಕೊಲಿಯನ್ನು ತಿನ್ನೋದ್ರಿಂದ ಕೊಬ್ಬಿನ ಲಿವರ್​ ಅಥವಾ ಲಿವರ್ ಟ್ಯೂಮರ್ ಸಮಸ್ಯೆಯನ್ನು ತಡೆಯಬಹುದು. ಇದನ್ನು ಬೇಯಿಸಿ ತಿನ್ನೋದ್ರಿಂದ ನಿಮ್ಮ ಲಿವರ್​ ಇನ್ನಷ್ಟು ಆರೋಗ್ಯವಾಗಿರುತ್ತದೆ.

ಎಲೆಗಳ ತರಕಾರಿಗಳು: ಎಲೆಗಳಿಂದ ಕೂಡಿದ ತರಕಾರಿಗಳು ದೇಹಕ್ಕೆ ತುಂಬಾ ಒಳ್ಳೆಯದು. ಇದನ್ನು ತಿನ್ನುವುದರಿಂದ ಅನೇಕ ರೋಗಗಳು ಬರುವುದಿಲ್ಲ. ಈ ರೀತಿಯ ತರಕಾರಿಗಳು ಲಿವರ್​ನ​ ಉತ್ತಮ ಆರೋಗ್ಯಕ್ಕೆ ಉತ್ತಮವೆಂದು ಪರಿಗಣಿಸಲಾಗಿದೆ. ಇದು ಉತ್ಕರ್ಷಣ ನಿರೋಧಕಗಳಲ್ಲಿ ಸಮೃದ್ಧವಾಗಿದೆ. ಲಿವರ್​​​ನ ಆರೋಗ್ಯವು ದೇಹದಲ್ಲಿನ ಅನೇಕ ಅಂಗಗಳನ್ನು ಆರೋಗ್ಯದಲ್ಲಿರಲು ಸಹಾಯಕವಾಗುತ್ತದೆ.

ಕ್ಯಾಬೇಜ್​: ಎಲೆಕೋಸು ಅಥವಾ ಕ್ಯಾಬೇಜ್​ ಜೀರ್ಣಕ್ರಿಯೆಗೆ ಬಹಳಷ್ಟು ಸಹಾಯ ಮಾಡುತ್ತದೆ ಮತ್ತು ಪ್ರೊಟೀನ್​​ಗಳನ್ನು ಒದಗಿಸುತ್ತದೆ. ಅಷ್ಟೇ ಅಲ್ಲ, ಲಿವರ್​ ಉತ್ತಮವಾಗಿ ಕಾರ್ಯನಿರ್ವಹಿಸುವಂತೆ ಮಾಡುತ್ತದೆ.

ಕ್ಯಾರೆಟ್: ಕ್ಯಾರೆಟ್ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದನ್ನು ಪ್ರತಿನಿತ್ಯ ತಿನ್ನುವುದರಿಂದ ಆರೋಗ್ಯ ಉತ್ತಮವಾಗಿರುತ್ತದೆ. ಇದನ್ನು ತಿನ್ನೋದ್ರಿಂದ ಲಿವರ್​ ಅನ್ನು ಬಲಪಡಿಸುತ್ತದೆ. ಇದು ಲಿವರ್​ಗೆ ಸಂಬಂಧಿಸಿದ ರೋಗವನ್ನು ತಡೆಯಲು  ಸಹಾಯ ಮಾಡುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಸಾರ್ವಜನಿಕ ನಂಬಿಕೆಗಳು ಮತ್ತು ಆನ್​ಲೈನ್​ನಲ್ಲಿ ಬಂದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)