Health Tips: ಬೇಸಿಗೆಗಾಲದಲ್ಲಿ ಬರುವ ಮಳೆಯಿಂದ ನಿಮ್ಮ ಮಕ್ಕಳ ಆರೋಗ್ಯ ಕಾಪಾಡಲು ಈ ರೀತಿ ಮಾಡಿ

ಬೇಸಿಗೆ ರಜ ಆರಂಭವಾಗಿದೆ. ವಿದ್ಯಾರ್ಥಿಗಳಿಗೆ ಸಮ್ಮರ್​ ಕ್ಯಾಂಪ್​ ನಡೆಯುತ್ತಿದೆ. ಇನ್ನು ಕೆಲ ವಿದ್ಯಾರ್ಥಿಗಳು ರಜೆಯ ಮೋಜನ್ನು ಅನುಭವಿಸುತ್ತಿದ್ದಾರೆ. ಆದರೆ ವಾತಾವರಣ ಬದಲಾವಣೆ ಆಗುತ್ತಿದೆ. ಇದರಿಂದ ಮಕ್ಕಳ ಆರೋಗ್ಯ ಸಮಸ್ಯೆ ಕಾಣಿಸುತ್ತಿದೆ.

ಮಕ್ಕಳು ತಮ್ಮ ಬೇಸಿಗೆ ರಜೆಯಲ್ಲಿ ಹೆಚ್ಚಾಗಿ ಆಟವಾಡಲು ಬಯಸುತ್ತಾರೆ. ಆದರೆ ಬೇಸಿಗೆಯ ಬಿಸಿಲಲ್ಲಿ ಈ ನಡುವೆ ಮಳೆ ಬರುತ್ತಿದೆ. ಇದರಿಂದ ಮಕ್ಕಳನ್ನು ರಕ್ಷಿಸುವುದು ತುಂಬಾ ಮುಖ್ಯವಾಗುತ್ತದೆ.

ಮನಬಂದಂತೆ ಮಕ್ಕಳನ್ನು ನೀರಿಗೆ ಆಟವಾಡಲು ಬಿಡಬೇಡಿ. ಏಕೆಂದರೆ ಬಿಸಿಲು ಮತ್ತು ಮಳೆ ಎರಡೂ ಒಟ್ಟಿಗೆ ಬಂದರೆ ಅದು ಮಕ್ಕಳ ಆರೋಗ್ಯದ ಮೇಲೆ ತೀರ್ವ ಪರಿಣಾಮ ಬೀರುತ್ತದೆ. ಅವರನ್ನು ನೆನೆಯಲು ಬಿಡಬೇಡಿ.

ಜ್ವರದ ಲಕ್ಷಣಗಳೇನಾದರೂ ಕಂಡುಬಂದಲ್ಲಿ ನೀವು ತಕ್ಷಣ ಮಕ್ಕಳಿಗೆ ಸೂಪ್​ ಮತ್ತು ತುಳಸಿ ಹಾಗೂ ಶುಂಠಿ ಕಷಾಯ ಮಾಡಿಕೊಡಿ.

ಚಿಕ್ಕ ಮಕ್ಕಳನ್ನು ಎಷ್ಟೇ ಜೋಪಾನವಾಗಿ ನೋಡಿಕೊಂಡರೂ ಕಷ್ಟ. ಏನಾದರೂ ಒಂದು ಆರೋಗ್ಯ ಸಮಸ್ಯೆಗಳು ಬೇಗ ಬಂದು ಬಿಡುತ್ತವೆ. ಹಾಗಾಗಿ ಜಾರಗರೂಕರಾಗಿರಿ.

ಅನಗತ್ಯವಾಗಿ ಹೆಚ್ಚಾಗಿ ತಂಪು ಪಾನೀಯಗಳನ್ನು ನಿಮ್ಮ ಮಕ್ಕಳು ಕುಡಿಯದಂತೆ ನೋಡಿಕೊಳ್ಳಿ. ಹೆಚ್ಚು ತಂಪುಪಾನೀಯ ಕುಡಿದಷ್ಟು ಮಕ್ಕಳ ಗಂಟಲು ಕೆಡುತ್ತದೆ.

ಬೇಸಿಗೆಯಲ್ಲಿ ಹೆಚ್ಚಾಗಿ ದಾಹ ಆಗುತ್ತದೆ ಎಂದು ಏನೇನಾದರು ಕುಡಿಯುವುದಕ್ಕಿಂದ ಮಜ್ಜಿಗೆ ಕುಡಿಯುವುದು ಉತ್ತಮ. ನಿಮ್ಮ ಮಕ್ಕಳಿಗೂ ಇದನ್ನೇ ಕೊಡಿ.