Binge Drink: ಇಟ್ಸ್ ಓಕೆ ಅಂತ ನೀವು ಬಿಂಜ್ ಡ್ರಿಂಕ್ ಕುಡಿತೀರಾ? ಹಾಗಾದ್ರೆ ಇದ್ರಿಂದ ಹೆಲ್ತ್ ಹಾಳಾಗಬಹುದು!

ಮದ್ಯ ಪ್ರಿಯರು ಹೆಚ್ಚಾಗಿ ಬಿಂಜ್ ಡ್ರಿಂಕ್ ಮೊರೆ ಹೋಗುವುದನ್ನು ನೀವು ನೋಡಿರಬಹುದು. ಆದರೆ ಇದರಲ್ಲಿ ಒಂದು ಬಾರಿಗೆ ನಾಲ್ಕಕ್ಕಿಂತ ಹೆಚ್ಚು ಪಾನೀಯ ಇರುತ್ತದೆ. ಹಾಗಾಗಿ ಇದು ನಿಮ್ಮ ಆರೋಗ್ಯಕ್ಕೆ ಮಾತ್ರವಲ್ಲದೆ ಚರ್ಮಕ್ಕೂ ಹಾನಿ ಉಂಟು ಮಾಡುತ್ತದೆ. ಕೆಲವರು ವಾರ ಪೂರ್ತಿ ಕಷ್ಟಪಟ್ಟು ದುಡಿದು, ವೀಕೆಂಡ್ ಪಾರ್ಟಿಯಲ್ಲಿ ಬಿಂಜ್ ಕುಡಿಯುತ್ತಾರೆ.

ವಾರಾಂತ್ಯದಲ್ಲಿ ಕುಡಿಯುವುದು ಅಷ್ಟಾಗಿ ಆರೋಗ್ಯಕ್ಕೆ ಹಾನಿಕರವಲ್ಲ. ಆದರೆ ದಿನವೂ ಹೆಚ್ಚು ಬಿಂಜ್ ಡ್ರಿಂಕ್ ಕುಡಿಯುವುದು ಆರೋಗ್ಯ ಹಾಳು ಮಾಡುತ್ತದೆ. ಬಿಂಜ್ ಡ್ರಿಂಕ್ ಚಟವಾಗಿದೆ. ಇದು ಅಧಿಕ ರಕ್ತದೊತ್ತಡ, ಪಾರ್ಶ್ವವಾಯು, ಹೃದ್ರೋಗ ಮತ್ತು ಪಿತ್ತಜನಕಾಂಗದ ಕಾಯಿಲೆ, ಮೆಮೊರಿ ಮತ್ತು ಕಲಿಕೆಯ ಸಮಸ್ಯೆಗೆ ಕಾರಣವಾಗುತ್ತದೆ.

ಬಿಂಜ್ ದಿನವೂ ಕುಡಿದರೆ ಲೈಂಗಿಕ ಕಾಯಿಲೆಗೂ ಕಾರಣವಾಗುತ್ತದೆ. ಗರ್ಭಧಾರಣೆಯ ಅಪಾಯ, ಸ್ತನ ಕ್ಯಾನ್ಸರ್ ಅಪಾಯ ಹೆಚ್ಚಿಸುತ್ತದೆ. ಚರ್ಮದ ನಿರ್ಜಲೀಕರಣಕ್ಕೆ ಕಾರಣವಾಗುತ್ತದೆ. ಚರ್ಮದ ಸಮಸ್ಯೆಗಳ ಅಪಾಯ ಹೆಚ್ಚಿಸುತ್ತದೆ. ದೇಹದಲ್ಲಿ ಮೂತ್ರದ ಉತ್ಪತ್ತಿಯು ಅಧಿಕವಾಗುತ್ತದೆ.

ಮೂತ್ರದ ಬಿಡುಗಡೆ ಹೆಚ್ಚಾಗಿ ದೇಹವು ಸಾಮಾನ್ಯಕ್ಕಿಂತ ಹೆಚ್ಚು ನೀರು ಮತ್ತು ಉಪ್ಪನ್ನು ಹೊರ ಹಾಕುತ್ತದೆ. ಚರ್ಮದ ನಿರ್ಜಲೀಕರಣವು ಒಣ ತುಟಿಗಳು, ಒಣ ಚರ್ಮ, ಮಂದ ಮತ್ತು ನಿರ್ಜೀವ ಚರ್ಮ ಉಂಟು ಮಾಡುತ್ತದೆ. ಅತಿಯಾದ ನಿದ್ರೆ ಮತ್ತು ನಿದ್ರಾಹೀನತೆ ಸಮಸ್ಯೆ ಉಂಟು ಮಾಡುತ್ತದೆ.

ಚರ್ಮದ ಟೋನ್ ಮಸುಕಾಗುತ್ತಾ ಹೋಗುತ್ತದೆ. ಚರ್ಮವು ಮಂದ ಮತ್ತು ಶುಷ್ಕವಾಗುತ್ತದೆ. ಇದರಿಂದಾಗಿ ಸುಕ್ಕುಗಳು ಮತ್ತು ಸೂಕ್ಷ್ಮ ರೇಖೆಗಳು ಕಾಣಿಸಿಕೊಳ್ಳುತ್ತವೆ, ಚರ್ಮದ ಟೋನ್ ಹಾಳಾಗುತ್ತದೆ. ಚರ್ಮದ ಸ್ಥಿತಿಸ್ಥಾಪಕತ್ವ ಹಾಳಾಗುತ್ತದೆ. ಚರ್ಮದ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ.

ಬಿಂಜ್ ಡ್ರಿಂಕ್ ನಿಂದಾಗಿ ಒಂದೊಂದೇ ಸಮಸ್ಯೆ ಹೆಚ್ಚುತ್ತಾ ಹೋಗುತ್ತದೆ. ಕಣ್ಣುಗಳ ಕೆಳಗೆ ಕಪ್ಪು ವರ್ತುಲಗಳು, ಮಂದ ಚರ್ಮ, ಮೈಬಣ್ಣದಲ್ಲಿ ಬದಲಾವಣೆ, ಸುಕ್ಕುಗಳು ಮತ್ತು ಸೂಕ್ಷ್ಮ ರೇಖೆ ಉಂಟಾಗುತ್ತವೆ. ಕಣ್ಣಿನ ಕೆಳಗೆ ಡಾರ್ಕ್ ಸರ್ಕಲ್ ಆಗುತ್ತದೆ. ಅತಿಯಾದ ಮದ್ಯಪಾನದಿಂದ ನಿದ್ರೆಯ ಮಾದರಿ ಹಾಳಾಗುತ್ತದೆ.

ನಿದ್ರೆಯ ಕೊರತೆಯಿಂದ ಹಾರ್ಮೋನ್ ಸಮತೋಲನವು ಹಾಳಾಗಿ ಆರೋಗ್ಯ ಕೆಡುತ್ತದೆ. ಇದು ಪದೆ ಪದೇ ನಿದ್ರಾವಸ್ಥೆಗೆ ಕಾರಣವಾಗುತ್ತದೆ. ಕಣ್ಣುಗಳ ಊತ ಹಾಗೂ ಸೋರಿಯಾಸಿಸ್ ಅಪಾಯವೂ ಹೆಚ್ಚುತ್ತದೆ. ಸೋರಿಯಾಸಿಸ್ ಒಂದು ಚರ್ಮದ ಸಮಸ್ಯೆ. ದೀರ್ಘಕಾಲದ ಮದ್ಯದ ಅತಿಯಾದ ಸೇವನೆ ಸೋರಿಯಾಸಿಸ್ ಗೆ ಕಾರಣವಾಗುತ್ತದೆ.

ಚರ್ಮದ ಕ್ಯಾನ್ಸರ್ ಅಪಾಯ ಹೆಚ್ಚುತ್ತದೆ. ದೀರ್ಘಕಾಲದವರೆಗೆ ಬಿಂಜ್ ಡ್ರಿಂಕಿಂಗ್ ಸೇವನೆಯು ಚರ್ಮದ ಕ್ಯಾನ್ಸರ್ ಅಪಾಯ ಹೆಚ್ಚಿಸುತ್ತದೆ. ರೋಗ ನಿರೋಧಕ ಶಕ್ತಿ ಹಾಳು ಮಾಡುತ್ತದೆ. ದೇಹದ ಸಾಮರ್ಥ್ಯ ಕಡಿಮೆ ಮಾಡುತ್ತದೆ.