Period Cramps: ಪಿರಿಯಡ್ಸ್ ಸಮಯದಲ್ಲಿ 6 ಪದಾರ್ಥಗಳನ್ನು ತಿನ್ನಲೇಬೇಡಿ; ಹೊಟ್ಟೆನೋವು ಜಾಸ್ತಿ ಆಗುತ್ತೆ

ಪಿರಿಯಡ್ಸ್ ಟೈಮ್ ನಲ್ಲಿ ಆಹಾರಕ್ರಮವನ್ನು ಬದಲಾಯಿಸಿದರೆ, ಕೆಲವು ಆಹಾರ ಪದಾರ್ಥಗಳನ್ನು ತಿನ್ನದಿದ್ದರೆ ನೋವು ತಗ್ಗುತ್ತದೆ. ಋತುಚಕ್ರದ ಸಮಯದಲ್ಲಿ ಯಾವ ಆಹಾರವನ್ನು ಸೇವಿಸಬಾರದು ಎಂಬುದನ್ನು ಇಲ್ಲಿ ತಿಳಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

1) ಉಪ್ಪು: ಋತುಚಕ್ರದ ಸಮಯದಲ್ಲಿ ಮಹಿಳೆಯರು ಆಹಾರಗಳಲ್ಲಿ ಕಡಿಮೆ ಪ್ರಮಾಣದ ಉಪ್ಪನ್ನು ತಿನ್ನಬೇಕು. ಹೆಚ್ಚು ಉಪ್ಪಿನಿಂದ ಕೂಡಿದ ಆಹಾರ ಹೆಚ್ಚು ನೀರನ್ನು ಬಯಸುತ್ತೆ. ಈ ಸಮಯದಲ್ಲಿ ದೇಹದಲ್ಲಿ ನೀರಿನ ಹರಿವು ಚೆನ್ನಾಗಿರಬೇಕು. ಹಾಗಾಗಿ ಸೋಡಿಯಂ ಭರಿತ ವಸ್ತುಗಳ ಸೇವನೆಯನ್ನು ತಪ್ಪಿಸಿ.

2) ಸಿಹಿ ಪದಾರ್ಥಗಳು: ಪಿರಿಯಡ್ಸ್ ಸಮಯದಲ್ಲಿ ಸಿಹಿ ಪದಾರ್ಥಗಳನ್ನು ಕೂಡ ಹೆಚ್ಚಾಗಿ ತಿನ್ನಬೇಡಿ. ನೀವು ಸಕ್ಕರೆಯನ್ನು ಸೇವಿಸಿದಾಗ, ಶಕ್ತಿಯು ಹೆಚ್ಚಾಗುತ್ತದೆ, ನಂತರ ಅದು ಕ್ರ್ಯಾಶ್ ಆಗುತ್ತದೆ. ಆಗ ದೇಹ ಕಿರಿಕಿರಿಯನ್ನು ಅನುಭವಿಸುತ್ತದೆ.

3) ಕಾಫಿ ಸೇವನೆ: ಈ ದಿನಗಳಲ್ಲಿ ನೀವು ಹೆಚ್ಚು ಕಾಫಿ ಕುಡಿಯುತ್ತಿದ್ದರೆ, ಜೀರ್ಣಾಂಗ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರುತ್ತದೆ. ಕೆಫೀನ್ ನಿಂದಾಗಿ ಸೆಳೆತ ಮತ್ತು ಅಸಿಡಿಟಿ ಸಮಸ್ಯೆ ಉಂಟಾಗಬಹುದು. ನಿತ್ಯ ಕಾಫಿ ಕುಡಿಯುವ ಅಭ್ಯಾಸ ಇರುವವರು ಕಡಿಮೆ ಪ್ರಮಾಣದಲ್ಲಿ ತೆಗೆದುಕೊಳ್ಳುವುದು ಒಳಿತು.

4) ಮದ್ಯ ಸೇವನೆ: ಆಲ್ಕೋಹಾಲ್ ನಿಮ್ಮ ದೇಹದ ಮೇಲೆ ಅನೇಕ ನಕಾರಾತ್ಮಕ ಪರಿಣಾಮಗಳನ್ನು ಬೀರಬಹುದು. ಮದ್ಯ ಕುಡಿಯುವುದು ನಿರ್ಜಲೀಕರಣ, ತಲೆನೋವು, ಅತಿಸಾರ, ವಾಕರಿಕೆ ಮುಂತಾದ ಸಮಸ್ಯೆಗಳನ್ನು ಉಂಟು ಮಾಡಬಹುದು. ಮುಟ್ಟಿನ ದಿನಗಳಲ್ಲಿ ಮದ್ಯದಿಂದ ದೂರವಿರಿ.

5) ಸ್ಪೈಸಿ ಫುಡ್ ಬೇಡ: ನೀವು ಮುಟ್ಟಿನ ಸಮಯದಲ್ಲಿ ನೋವನ್ನು ತಪ್ಪಿಸಲು ಬಯಸಿದರೆ, ಮಸಾಲೆಯುಕ್ತ ಆಹಾರದಿಂದ ದೂರವಿರುವುದು ಉತ್ತಮ. ಮುಟ್ಟಿನ ಸಮಯದಲ್ಲಿ ಲೂಸ್ ಮೋಷನ್ ಸಮಸ್ಯೆ ಎದುರಿಸುವವರು ಮಸಾಲೆ ಪದಾರ್ಥವನ್ನೂ ತಿಂದರೆ ಪರಿಸ್ಥಿತಿ ಮತ್ತಷ್ಟು ಗಂಭೀರವಾಗುತ್ತೆ. ಇದಲ್ಲದೆ, ಹೊಟ್ಟೆ ನೋವು, ವಾಕರಿಕೆ ಸಹ ಕಾಣಿಸಿಕೊಳ್ಳಬಹುದು.

6) ಕೆಂಪು ಮಾಂಸ ಬೇಡ: ಈ ಅವಧಿಯಲ್ಲಿ ನಿಮ್ಮ ದೇಹವು ಪ್ರೊಸ್ಟಗ್ಲಾಂಡಿನ್ ಗಳನ್ನು ಉತ್ಪಾದಿಸುತ್ತದೆ. ಇದು ನಿಮ್ಮ ಗರ್ಭಾಶಯದ ಸಂಕೋಚನಕ್ಕೆ ಸಹಾಯ ಮಾಡುತ್ತದೆ. ಗರ್ಭಾಶಯದ ಒಳಪದರವನ್ನು ತೊಡೆದು ಹಾಕುತ್ತದೆ, ಇದರಿಂದಾಗಿ ಪ್ರತಿ ತಿಂಗಳು ಪಿರಿಯಡ್ಸ್ ಸಂಭವಿಸುತ್ತದೆ. ಈ ಸಮಯದಲ್ಲಿ ಕೆಂಪು ಮಾಂಸವನ್ನು ಸೇವಿಸಿದಾಗ, ಅದು ಪ್ರೊಸ್ಟಗ್ಲಾಂಡಿನ್ ಗಳನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಇದರಿಂದಾಗಿ ಸಮಸ್ಯೆಯನ್ನು ಅನುಭವಿಸಬೇಕಾಗುತ್ತದೆ.

Disclaimer: ಈ ಲೇಖನದಲ್ಲಿನ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಿರುವ ಸಾಮಾನ್ಯ ಮಾಹಿತಿಯನ್ನು ಆಧರಿಸಿದೆ. ಗಂಭೀರ ಸಮಸ್ಯೆಗಳನ್ನು ಎದುರಿಸುತ್ತಿರುವವರು ವೈದ್ಯರ ಸಲಹೆಯನ್ನು ಪಡೆಯುವುದು ಸೂಕ್ತ. (ಸಾಂದರ್ಭಿಕ ಚಿತ್ರ)