Breakfast Skipping: ಬ್ರೇಕ್ ಫಾಸ್ಟ್ ತಿನ್ನೋದನ್ನ ಮಿಸ್ ಮಾಡ್ತಿದ್ದೀರಾ? ಹುಷಾರ್ ನಿಮ್ಮನ್ನು ಕಾಡಬಹುದು ಶುಗರ್, ಹೃದ್ರೋಗ ಸಮಸ್ಯೆ

ಜನರು ತಮ್ಮ ಬ್ಯುಸಿ ಲೈಫ್ನಲ್ಲಿ ಸರಿಯಾಗಿ ಉಪಹಾರ ಸೇವಿಸುವುದಿಲ್ಲ. ಕೆಲವರು ಆಫೀಸ್, ಶಾಲೆ- ಕಾಲೇಜಿಗೆ ಹೋಗುವ ಗಡಿಬಿಡಿಯಲ್ಲಿ ಬೆಳಗಿನ ತಿಂಡಿಯನ್ನು ಮರೆತೆ ಬಿಟ್ಟಿರುತ್ತಾರೆ. ಮತ್ತೆ ಕೆಲವರು ತೂಕ ಇಳಿಸಿಕೊಳ್ಳುವ ಸಲುವಾಗಿ ಬ್ರೇಕ್ ಫಾಸ್ಟ್ ತಿನ್ನುವುದಿಲ್ಲ. ಆದರೆ ಇದು ಆರೋಗ್ಯ ಒಳ್ಳೆಯದಲ್ಲ. ಇದು ಹಲವಾರು ಸಮಸ್ಯೆಗಳಿಗೆ ಕಾರಣವಾಗಬಹುದು. ಅಲ್ಲದೇ ಬೆಳಗಿನ ಉಪಾಹಾರವನ್ನು ಬಿಡುವುದರಿಂದ ಬುದ್ಧಿಮಾಂದ್ಯತೆ, ಬಿಪಿ, ಶುಗರ್, ಹೃದ್ರೋಗ ಸಮಸ್ಯೆಗಳು ಉಂಟಾಗಬಹುದು.

ಬೆಳಗಿನ ಉಪಾಹಾರ ದಿನದ ಪ್ರಮುಖ ಊಟ ಇದ್ದಂತೆ. ಆದರೆ ಜನ ಅದನ್ನೇ ಮರೆಯುತ್ತಿದ್ದಾರೆ. ಈ ಬಗ್ಗೆ ತಲೆ ಕೂಡ ಕೆಡಿಸಿಕೊಳ್ಳುತ್ತಿಲ್ಲ. ಈ ತಪ್ಪು ಮಾಡುವುದರಿಂದ ಮುಂದೆ ತಮ್ಮ ಜೀವಕ್ಕೆ ಕುತ್ತು ಬರುತ್ತದೆ ಎಂದು ಅದೆಷ್ಟೋ ಮಂದಿಗೆ ತಿಳಿದಿಲ್ಲ. ಉತ್ತಮ ಆರೋಗ್ಯಕ್ಕಾಗಿ ಬೆಳಗಿನ ತಿಂಡಿ ಅನಿವಾರ್ಯವಾಗಿದೆ.

ದಿನದ ಮೊದಲ ಊಟ ಅಂದರೆ ಬೆಳಗಿನ ಉಪಾಹಾರ. ಇದರಿಂದ ದೇಹಕ್ಕೆ ಹಲವಾರು ಪ್ರಯೋಜನಗಳಿದೆ. ರಾತ್ರಿ ಉಪವಾಸದ ನಂತರ ದಿನ ಆರಂಭವಾಗುವುದೇ ಬ್ರೇಕ್ ಫಾಸ್ಟ್ ಮೂಲಕ. ಶಕ್ತಿಯ ಮಟ್ಟವನ್ನು ಕಾಪಾಡಿಕೊಳ್ಳಲು ದೇಹದಲ್ಲಿ ಗ್ಲೂಕೋಸ್ ನಿಯಂತ್ರಣವನ್ನು ಕಾಪಾಡಿಕೊಳ್ಳಲು ಬೆಳಗಿನ ಉಪಾಹಾರ ಬಹಳ ಮುಖ್ಯ .

ಬೆಳಗಿನ ತಿಂಡಿಯನ್ನು ಪ್ರತಿದಿನ ಮಾಡಬೇಕು ಏಕೆಂದರೆ ಬ್ರೇಕ್ ಪಾಸ್ಟ್ ಸೇವಿಸದೇ ಇದ್ದರೆ, ದೇಹದ ಮೇಲೆ ವಿವಿಧ ಪರಿಣಾಮಗಳು ಬೀರಬಹುದು. ಬೆಳಗಿನ ಉಪಾಹಾರವು ದೇಹದ ಮೇಲೆ ಯಾವ ರೀತಿ ಪರಿಣಾಮ ಬೀರುತ್ತದೆ ಮತ್ತು ನೀವು ಬ್ರೇಕ್ಫಾಸ್ಟ್ ಸೇವಿಸದಿದ್ದರೆ, ದೇಹಕ್ಕೆ ಯಾವ ರೀತಿಯ ತೊಂದರೆಗಳು ಉಂಟಾಗಬಹುದು ಎಂಬುದನ್ನು ಈ ಕೆಳಗೆ ನೀಡಿರುವ ಮಾಹಿತಿ ಮೂಲಕ ತಿಳಿದುಕೊಳ್ಳೋಣ.

ಬ್ರೇಕ್ ಫಾಸ್ಟ್ನಿಂದ ದೇಹಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ವಿಶೇಷವಾಗಿ ಬೆಳಗಿನ ಉಪಾಹಾರವು ಹೃದ್ರೋಗ ಅಥವಾ ಹೃದಯಾಘಾತದ ಅಪಾಯವನ್ನು ಕಡಿಮೆ ಮಾಡುತ್ತದೆ. ಆದರೆ ಬ್ರೇಕ್ ಫಾಸ್ಟ್ ಬಿಡುವುದರಿಂದ ಮಾರಣಾಂತಿಕ ಕಾಯಿಗಳು ಬರಬಹುದು, ಬೆಳಗ್ಗೆ ಬೇಗನೆ ಎದ್ದು ಖಾಲಿ ಹೊಟ್ಟೆಯಲ್ಲಿ ಇದ್ದರೆ ಕ್ಯಾನ್ಸರ್ನಂತಹ ಮಾರಕ ಕಾಯಿಲೆಗಳು ಬರಬಹುದು. ನೀವು ಅಕಾಲಿಕವಾಗಿ ಸಾವನ್ನಪ್ಪಬಹುದು.

ಖಾಲಿ ಹೊಟ್ಟೆಯಲ್ಲಿ ಸಿಹಿ ಅಥವಾ ಸಕ್ಕರೆ ಆಹಾರವನ್ನು ಸೇವಿಸುವುದರಿಂದ ತೂಕ ಹೆಚ್ಚಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಬೆಳಗಿನ ತಿಂಡಿ ಸೇವಿಸದಿದ್ದರೆ ಬುದ್ಧಿಮಾಂದ್ಯತೆಗೆ ಕಾರಣವಾಗಬಹುದು. ಬುದ್ಧಿಮಾಂದ್ಯತೆಯಿಂದ ಮೆದುಳಿನ ಆರೋಗ್ಯವನ್ನು ಹಾಳು ಮಾಡುತ್ತದೆ. ದಿನಗಳು ಕಳೆದಂತೆ ಆಲೋಚನಾ ಶಕ್ತಿ, ನೆನಪಿನ ಶಕ್ತಿ ಕೂಡಾ ಕಡಿಮೆಯಾಗುತ್ತದೆ.

ಬುದ್ಧಿಮಾಂದ್ಯತೆ ಹೊಂದಿರುವ ಕೆಲವು ಜನರು ತಮ್ಮ ಭಾವನೆಗಳ ಮೇಲೆ ನಿಯಂತ್ರಣವನ್ನು ಕಳೆದುಕೊಳ್ಳುತ್ತಾರೆ. ಹಾಗೇ ಅವರ ವ್ಯಕ್ತಿತ್ವವು ಬದಲಾಗಬಹುದು. (Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ . ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)