Silver Anklets: ಕಾಲ್ಗೆಜ್ಜೆ ಧರಿಸುವುದು ಫ್ಯಾಷನ್​ಗೆ ಮಾತ್ರವಲ್ಲ, ಇದಕ್ಕೂ ಮಹಿಳೆಯರ ಆರೋಗ್ಯಕ್ಕೂ ಇದೆ ಸಂಬಂಧ!

ಆಭರಣಗಳ ಬಗ್ಗೆ ಮಹಿಳೆಯರಿಗೆ ವಿಶೇಷ ಆಸಕ್ತಿ ಇರುತ್ತದೆ. ಶಾಪಿಂಗ್ ಮಾಡಲು ಹೋದ್ರೆ ಸಾಕು ಹೊಸ ಹೊಸ ವಿನ್ಯಾಸದ ಆಭರಣಗಳನ್ನು ಕೊಳ್ಳುತ್ತಾರೆ. ಇನ್ನೂ ಫಂಕ್ಷನ್ ಸೇರಿದಂತೆ ಇತರ ಕಾರ್ಯಕ್ರಮಗಳಿಗೆ ಹೆಚ್ಚಿನ ಆಭರಣಗಳನ್ನು ತೊಡದೇ ಇರಲಾರರು. ಆದರೆ ಬೆಳ್ಳಿಯ ಆಭರಣಗಳನ್ನು ಧರಿಸುವುದರಿಂದ ಸೌಂದರ್ಯಕ್ಕೆ ಮಾತ್ರವಲ್ಲ ಆರೋಗ್ಯಕ್ಕೂ ಒಳ್ಳೆಯದು.

ಸಾಮಾನ್ಯವಾಗಿ ನಾವು ಎಲ್ಲ ಮಹಿಳೆಯರು ಕಾಲಿನಲ್ಲಿ ಕಾಲ್ಗೆಜ್ಜೆ ಇರುವುದನ್ನು ಕಾಣಬಹುದು. ಅಷ್ಟಕ್ಕೂ ಮಹಿಳೆಯರು ಕಾಲಿಗೆ ಕಾಲ್ಗೆಜ್ಜೆಯನ್ನು ಏಕೆ ಧರಿಸುತ್ತಾರೆ. ಇದರಿಂದ ಆಗುವ ಆರೋಗ್ಯ ಪ್ರಯೋಜನಗಳೇನು ಅಂತ ತಿಳಿದುಕೊಳ್ಳೋಣ ಬನ್ನಿ.

ಪ್ರತಿಯೊಂದು ಮಹಿಳೆಯೂ ಕಾಲಿಗೆ ಕಾಲ್ಗೆಜ್ಜೆ ಹಾಕಿಕೊಳ್ಳುವುದು, ಅದರಲ್ಲಿಯೂ ಮದುವೆಯಾದ ಹೆಂಗಸರು ಕಾಲಿಗೆ ಕಾಲ್ಗೆಜ್ಜೆ ಧರಿಸಿರುವುದು ಸರ್ವೇ ಸಾಮಾನ್ಯವಾಗಿದೆ. ಆದರೆ ಇದರ ಹಿಂದೆ ಒಂದೊಂದು ಉದ್ದೇಶವಿದೆ.

ಬೆಳ್ಳಿಯ ಕಡಗಗಳನ್ನು ಕಾಲಿಗೆ ಧರಿಸುವುದರಿಂದ ಹಲವಾರು ಆರೋಗ್ಯ ಪ್ರಯೋಜನಗಳಿವೆ. ವಿಶೇಷವಾಗಿ ದೇಹಲ್ಲಿನ ಶಾಖವನ್ನು ಕಡಿಮೆ ಮಾಡಲು ಈ ಸಿಲ್ವರ್ ಕಡಗಗಳು ತುಂಬಾ ಉಪಯುಕ್ತವಾಗಿವೆ.

ಇದಲ್ಲದೇ, ರಕ್ತದ ಪರಿಚಲನೆಯು ಸುಗಮವಾಗಿರಲು ಬೆಳ್ಳಿಯ ಕಾಲ್ಗೆಜ್ಜೆ ಧರಿಸುವುದು ತುಂಬಾ ಉಪಯುಕ್ತವಾಗಿವೆ.

ಮತ್ತು ಕಾಲ್ಬೆರಳುಗಳಿಗೆ ಬೆಳ್ಳಿ ಕಾಲುಂಗುರ ಧರಿಸುವುದರಿಂದ ಮುಟ್ಟಿನ ಸಮಸ್ಯೆಯನ್ನು ನಿವಾರಿಸುತ್ತದೆ. ಬೆಳ್ಳಿಯ ಕಡಗಗಳು ಮತ್ತು ನೆಕ್ಲೇಸ್ಗಳನ್ನು ಧರಿಸುವುದರಿಂದ ಈ ಪ್ರಯೋಜನಗಳು ಸಿಗುತ್ತದೆ.