Beauty Tips For Men: ಪುರುಷರೇ, ಗಡ್ಡ-ಮೀಸೆ ಬೆಳೆಸುವುದರಿಂದಲೂ ಇದ್ಯಂತೆ ಲಾಭ; ನಿಮಗೆ ಗೊತ್ತಿಲ್ಲದ ಇಂಟ್ರೆಸ್ಟಿಂಗ್ ವಿಚಾರ

ಪುರುಷರಿಗೆ ಗಡ್ಡ, ಮೀಸೆ ಇದ್ದರೆನೇ ಚೆಂದ. ಇತ್ತೀಚೆಗಂತೂ ಯುವಜನತೆ ಉದ್ದನೆಯ ಗಡ್ಡ ಮತ್ತು ಮೀಸೆಯನ್ನು ಬಿಡಲು ಇಷ್ಟ ಪಡುತ್ತಾರೆ. ನಟರಾಗಲಿ, ಆಟಗಾರರಾಗಲಿ ಎಲ್ಲರೂ ಈ ಟ್ರೆಂಡ್ ಫಾಲೋ ಮಾಡುತ್ತಿದ್ದಾರೆ.

ಅಲ್ಲದೇ ದೊಡ್ಡ ಗಡ್ಡ ಮೀಸೆ ಪುರುಷರಿಗೆ ಸ್ಟೈಲಿಶ್ ಲುಕ್ ನೀಡುವುದಲ್ಲದೇ ಅನೇಕ ಕಾಯಿಲೆಗಳಿಂದ ರಕ್ಷಿಸುತ್ತದೆ. ಗಡ್ಡ ಬೆಳೆಸುವುದರಿಂದ ಚರ್ಮದ ಕ್ಯಾನ್ಸರ್ ತಡೆಯುವುದಷ್ಟೇ ಸಾಕಷ್ಟು ಆರೋಗ್ಯ ಲಾಭಗಳಿದೆ.

ಕಾಯಿಲೆಗಳನ್ನು ತಡೆಗಟ್ಟುತ್ತೆ ಸಾಕು: ಹವಾಮಾನ ಬದಲಾವಣೆಯಿಂದ ಉಂಟಾಗುವ ಅನಾರೋಗ್ಯವನ್ನು ತಡೆಗಟ್ಟಬಹುದು. ನಿಮ್ಮ ಗಡ್ಡ ಕೆಲವು ಬಾರಿ ನಿಮ್ಮ ಚರ್ಮವನ್ನು ಹೊರಗಿನ ತಾಪಮಾನದಿಂದ ರಕ್ಷಿಸುತ್ತದೆ. ದೇಹದ ಬಿಸಿ ಹೊರಗೆ ಹೋಗದಂತೆ ತಡೆದು ಮುಖ ಮತ್ತು ಕುತ್ತಿಗೆಯನ್ನು ಬೆಚ್ಚಗಿರಿಸುತ್ತದೆ.

ಗಡ್ಡ ಅಲ್ಟ್ರಾವಯಲೆಟ್ ಕಿರಣಗಳಿಂದ ರಕ್ಷಿಸುತ್ತೆ: ನಮ್ಮ ದೇಹದ ಬಹುತೇಕ ಭಾಗಗಳನ್ನು ಬಟ್ಟೆ ಮುಚ್ಚಿರುತ್ತದೆ ಹೀಗಾಗಿ ಸೂರ್ಯನ ಅಲ್ಟ್ರಾ ವಯಲೆಟ್ ಕಿರಣಗಳಿಂದ ರಕ್ಷಣೆ ದೊರೆಯುತ್ತೆ. ಆದರೆ ಮುಖ ಮಾತ್ರ ತೆರೆದಿರುತ್ತದೆ. ಮುಖದ ಚರ್ಮವು ಅಲ್ಟ್ರಾ ವಯಲೆಟ್ ಕಿರಣಗಳಿಗೆ ತೆರೆದಿಟ್ಟುಕೊಂಡಿರುವುದರಿಂದ ಚರ್ಮದ ಕಜ್ಜಿಗಳು ಅಥವಾ ಚರ್ಮದ ಕ್ಯಾನ್ಸರ್‌ ಕೂಡ ಬರುವ ಸಾಧ್ಯತೆ ಹೆಚ್ಚಿರುತ್ತದೆ. ಹಾಗೂ ಗಡ್ಡವು ಮುಖದ ಕೆಳಭಾಗ ಮತ್ತು ಕುತ್ತಿಗೆಯನ್ನೂ ಮುಚ್ಚಿ ಬಿಸಿಲಿನಿಂದ ರಕ್ಷಿಸುತ್ತದೆ.

ನಿಮ್ಮ ತ್ವಚೆಯನ್ನು ಕೋಮಲವಾಗಿಸುತ್ತೆ: ಪ್ರತಿದಿನ ಶೇವ್ ಮಾಡಿಕೊಳ್ಳುವವರಿಗೆ ಮುಖದಲ್ಲಿ ಕೆಲ ಮತ್ತು ಗಾಯಗಳು ಆಗಾಗ ಆಗುತ್ತಿರುತ್ತದೆ. ಇದರಿಂದ ಚರ್ಮ ಕೂಡ ಒರಟಾಗುತ್ತದೆ. ಆದರೆ ಗಡ್ಡ ಬೆಳೆಸುವುದರಿಂದ ಮುಖದಲ್ಲಿ ಕಲೆಗಳಾಗದಂತೆ ತಡೆಯಬಹುದು. ಜೊತೆಗೆ ತ್ವಚೆಯ ಮುಖದಲ್ಲಿ ಕಲೆಗಳಾಗದಂತೆ ತಡೆಯಬಹುದು.

ಅಲರ್ಜಿ ಮತ್ತು ಸೋಂಕು: ನಿಮ್ಮ ಗಡ್ಡ ಮತ್ತು ಮೀಸೆಗಳು ಫಿಲ್ಟರ್ನಂತೆ ಕೆಲಸ ಮಾಡಿ ಅಲರ್ಜಿಕಾರಕಗಳು ನಿಮ್ಮ ಮೂಗು ಹಾಗೂ ಬಾಯಿಯ ಮೂಲಕ ಪ್ರವೇಶಿಸದಂತೆ ತಡೆಯುತ್ತವೆ. ಈ ರೀತಿಯಾಗಿ ನಿಮ್ಮ ನಿಮಗೆ ರಕ್ಷಣೆ ನೀಡುತ್ತದೆ.

ನೈಸರ್ಗಿಕ ಮಾಯಿಶ್ಚರೈಸರ್: ವ್ಯಕ್ತಿ ನಿಯಮಿತವಾಗಿ ಶೇವ್ ಮಾಡುವುದರಿಂದ ಋತುಮಾನದ ಬದಲಾವಣೆಯಿಂದ ಉಷ್ಣತೆ, ಚರ್ಮದ ಶುಷ್ಕತೆ ಉಂಟಾಗಬಹುದು. ಅಲ್ಲದೇ ತ್ವಚೆಯಲ್ಲಿ ತೇವಾಂಶ ಉಳಿಯಬಹುದೆಂದು ಕಾಸ್ಮೆಟಿಕ್ಗಳನ್ನು ಹೆಚ್ಚಾಗಿ ಬಳಸುವುದರಿಂದ ಚರ್ಮದ ಮೇಲೆ ಪ್ರತಿಕೂಲ ಪರಿಣಾಮ ಉಂಟಾಗಬಹುದು. ನಿಮ್ಮ ಮುಖದಲ್ಲಿ ಅಂತರ್ನಿರ್ಮಿತ ತೇವಾಂಶ ಕಾಪಾಡಿಕೊಳ್ಳುವ ವ್ಯವಸ್ಥೆ ಇರುತ್ತದೆ. ಅದು ಜಿಡ್ಡನ್ನು ಉತ್ಪಾದಿಸಿ ಚರ್ಮದ ತೇವವನ್ನು ಕಾಪಾಡುತ್ತದೆ. ಆದರೆ ನಿರಂತರ ರೇಜರ್ ಬಳಕೆಯಿಂದ ಈ ಗ್ರಂಥಿಗಳು ನಾಶವಾಗಬಹುದು. ಗಡ್ಡ ಬೆಳೆಸುವುದರಿಂದ ಈ ಗ್ರಂಥಿಗಳು ಸಹಜವಾಗಿ ಕೆಲಸ ಮಾಡುತ್ತವೆ ಮತ್ತು ನಿಮ್ಮ ಚರ್ಮ ಮೃದುವಾಗಿ ಯೌವನಭರಿತವಾಗಿ ಉಳಿಯುತ್ತದೆ.