Skipping Benefits: ಪ್ರತಿದಿನ 10 ನಿಮಿಷ ಸ್ಕಿಪ್ಪಿಂಗ್ ಮಾಡಿ ಸಾಕು, ತೆಳ್ಳ ಆಗೋದು ಗ್ಯಾರಂಟಿ

ಸ್ಕಿಪ್ಪಿಂಗ್ ಮಾಡುವುದರಿಂದ ಹಲವಾರು ಪ್ರಯೋಜನಗಳಿದೆ. ಇದು ತುಂಬಾ ಸುಲಭವಾದ ರೀತಿಯಲ್ಲಿ ದೇಹದ ತೂಕವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಪ್ರತಿದಿನ ಸ್ಕಿಪ್ಪಿಂಗ್ ಮಾಡುವುದು ನಿಮಗೆ ವಿವಿಧ ರೀತಿಯಲ್ಲಿ ಸಹಾಯ ಮಾಡುತ್ತದೆ.

ಹೃದಯದ ಆರೋಗ್ಯವನ್ನು ಸುಧಾರಿಸುತ್ತದೆ
ಹೃದಯದ ಆರೋಗ್ಯಕ್ಕೆ ಸ್ಕಿಪ್ಪಿಂಗ್ ಅತ್ಯುತ್ತಮ ಕಾರ್ಡಿಯೋ ವ್ಯಾಯಾಮ ಎಂದು ಹೇಳಲಾಗುತ್ತದೆ. ಇದರಿಂದ ಹೃದಯಾಘಾತ ಮತ್ತು ಪಾರ್ಶ್ವವಾಯು ಬರದಂತೆ ತಡೆಯಬಹುದು ಎನ್ನುತ್ತಾರೆ ತಜ್ಞರು.

ಏಕಾಗ್ರತೆ ಹೆಚ್ಚಿಸುತ್ತದೆ
ಸ್ಕಿಪ್ಪಿಂಗ್ ಮಾಡುವಾಗ ನಿರ್ದಿಷ್ಟ ಸಂಖ್ಯೆಯತ್ತ ಗಮನ ಕೊಡಿ. 100 ಎಂದರೆ 100 ಹೀಗೆ ನಂಬರ್ ನೆನಪಿರಬೇಕು. ಇದರಿಂದ ಏಕಾಗ್ರತೆ ಹೆಚ್ಚಾಗುತ್ತದೆ. ಮನಸ್ಸು ಮತ್ತು ದೇಹವು ಸಾಮರಸ್ಯದಿಂದ ಇದ್ದರೆ, ಮಾನಸಿಕ ಶಾಂತಿ ಮತ್ತು ದೈಹಿಕ ಶಕ್ತಿ ಹೆಚ್ಚಾಗುತ್ತದೆ.

ಸ್ನಾಯುಗಳ ಶಕ್ತಿ ಹೆಚ್ಚಾಗುತ್ತದೆ
ಸ್ಕಿಪ್ಪಿಂಗ್ ಮಾಡುವಾಗ ದೇಹದ ಸ್ನಾಯುಗಳು ಹಗುರವಾಗುತ್ತವೆ. ಇದರಿಂದ ದೇಹಕ್ಕೆ ಒಳ್ಳೆಯ ರಿಲೀಫ್ ಸಿಗುತ್ತದೆ. ಸರಿಯಾದ ರಕ್ತ ಪರಿಚಲನೆಯಿಂದಾಗಿ, ಇಡೀ ದೇಹವು ಶಕ್ತಿಯುತವಾಗಿರುತ್ತದೆ.

ಹೊಟ್ಟೆಯನ್ನು ಕಡಿಮೆ ಮಾಡುತ್ತದೆ
ನಿಮ್ಮ ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ನೀವು ಸಿಕ್ಕ ಸಿಕ್ಕ ಡಯೆಟ್ ಮಾಡುವುದು ಬೇಡ, ಇದಕ್ಕೆ ಸ್ಕಿಪ್ಪಿಂಗ್ ಉತ್ತಮ ಆಯ್ಕೆಯಾಗಿದೆ. ನಿಮ್ಮ ದೇಹವನ್ನು ಫಿಟ್ ಆಗಿಡಲು ಇದು ಸಹಾಯ ಮಾಡುತ್ತದೆ.

ಮೂಳೆಗಳ ಆರೋಗ್ಯಕ್ಕೆ
ಮೂಳೆಯ ಸಾಂದ್ರತೆ ಮತ್ತು ಬಲವನ್ನು ಹೆಚ್ಚಿಸಲು ಸ್ಕಿಪ್ಪಿಂಗ್ ಉತ್ತಮ ವ್ಯಾಯಾಮ. ಹೀಗೆ ಮಾಡುವುದರಿಂದ ಮೂಳೆ ಸಮಸ್ಯೆಗಳು ಬರುವುದಿಲ್ಲ. ಅಲ್ಲದೇ ಯಾವುದೇ ರೀತಿಯ ನೋವು ಸಹ ಬರುವುದಿಲ್ಲ.

ಶ್ವಾಸಕೋಶದ ಆರೋಗ್ಯ, ಸ್ನಾಯುಗಳನ್ನು ಬಲಪಡಿಸಲು ಮತ್ತು ದೇಹದ ತೂಕವನ್ನು ಕಾಪಾಡಿಕೊಳ್ಳಲು ಸ್ಕಿಪ್ಪಿಂಗ್ ಉತ್ತಮ ಆದರೂ ಸಹ ಇದನ್ನು ಅತಿಯಾಗಿ ಮಾಡಬಾರದು. ಒಂದು ಮಿತಿಯಲ್ಲಿ ಮಾಡುವುದು ಸೂಕ್ತ.

ಹಕ್ಕು ನಿರಾಕರಣೆ : ಈ ಲೇಖನವು ಸಾರ್ವಜನಿಕ ನಂಬಿಕೆ ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಕನ್ನಡ ಇದನ್ನು ಪರಿಶೀಲಿಸಿಲ್ಲ. ಯಾವುದೇ ಪುರಾವೆಗಳಿಲ್ಲ