Health Tips: ಆರೋಗ್ಯವಂತ ಮಗು ಪಡೆಯಲು ಈ ಟಿಪ್ಸ್ ಫಾಲೋ ಮಾಡಿ!

ಪ್ರಾಚೀನ ಕಾಲದ ಆರಂಭದಿಂದಲೂ ಜೀವನ ಮತ್ತು ಅದರ ನಡುವೆ ಇರುವ ಉನ್ಮಾದದ ವೇಗವು ನಮ್ಮೆಲ್ಲರನ್ನೂ ಆವರಿಸಿರುವುದು ಸುಳ್ಳಲ್ಲ. 90ರ ದಶಕದವರು ಬದುಕನ್ನು ನೋಡುವ ದೃಷ್ಟಿಕೋನಕ್ಕೂ, ಪ್ರಾಚೀನ ಕಾಲದ ಜನರು ಬದುಕನ್ನು ನೋಡುವ ದೃಷ್ಟಿಕೋನಕ್ಕೂ ಬಹಳ ವ್ಯತ್ಯಾಸವಿದೆ. ಆದರೆ ಇತ್ತೀಚಿನ ಕೋವಿಡ್‌ಸಾಂಕ್ರಾಮಿಕ ರೋಗವು ಅನೇಕ ಪುರುಷರ ಲೈಂಗಿಕ/ಸಂತಾನೋತ್ಪತ್ತಿ ಆರೋಗ್ಯದ ಮೇಲೆ ಪರಿಣಾಮ ಬೀರಿದೆ.

ಆರೋಗ್ಯಯುತ ಸಂತಾನೋತ್ಪತ್ತಿಗಾಗಿ ಮಾಡಬೇಕಾದ ಮತ್ತು ಮಾಡಬಾರದ ಕೆಲವೊಂದಷ್ಟು ಟಿಪ್ಸ್​ಗಳ ಕುರಿತಂತೆ ಬೆಂಗಳೂರಿನ ರಿಚ್ಮಂಡ್ ರಸ್ತೆಯಲ್ಲಿರುವ ಫೋರ್ಟಿಸ್ ಆಸ್ಪತ್ರೆಯ ಯೂರೋಲಜಿ, ಯುರೋ-ಆಂಕೊಲಾಜಿ, ಆಂಡ್ರಾಲಜಿ, ಕಸಿ ಮತ್ತು ರೊಬೊಟಿಕ್ ಸರ್ಜರಿ ವಿಭಾಗದ ಡಾ.ಶಕಿರ್ ತಬ್ರೇಜ್ ಅವರು ಒಂದಷ್ಟು ಟಿಪ್ಸ್ ನೀಡಿದ್ದಾರೆ.

1)ವರ್ಕೌಟ್: ಸಕ್ರಿಯ ಜೀವನಶೈಲಿ ರೂಢಿಸಿಕೊಳ್ಳಬೇಕು. ಸೈಕ್ಲಿಂಗ್‌ನಿಂದ ಹಿಡಿದು ಈಜುವವರೆಗೆ ಯಾವುದೇ ವ್ಯಾಯಾಮವನ್ನು ಕನಿಷ್ಠ 45 ನಿಮಿಷಗಳ ಕಾಲ ಅಳವಡಿಸಿಕೊಳ್ಳುವುದರಿಂದ ನಿಮಗೆ ಆರಾಮದಾಯಕವೆನಿಸುತ್ತದೆ ಮತ್ತು ಮುಖ್ಯವಾಗಿ ಸ್ಥಿರವಾಗಿರುವ ಯಾವುದಾದರೂ ಟೆಸ್ಟೋಸ್ಟೆರಾನ್ ಮಟ್ಟವನ್ನು ಹೆಚ್ಚಿಸುತ್ತದೆ, ಆರಾಮದಾಯಕ ಭಾವನೆ ನೀಡುವ ಎಂಡಾರ್ಫಿನ್‌ಗಳನ್ನು ಬಿಡುಗಡೆ ಮಾಡುವುದರ ಜೊತೆಗೆ ವೀರ್ಯದ ಗುಣಮಟ್ಟವನ್ನು ಸುಧಾರಿಸುತ್ತದೆ.

2) ಒತ್ತಡ ರಹಿತ ಮತ್ತು ಹೆಚ್ಚು ವಿಶ್ರಾಂತಿ: ನಮ್ಮ ದೈನಂದಿನ ಜೀವನದಲ್ಲಿ ಒತ್ತಡವು ಸಾಮಾನ್ಯವಾಗಿದೆ. ದೀರ್ಘಕಾಲದ ಒತ್ತಡ ಅಥವಾ ಆತಂಕವು ಫರ್ಟಿಲಿಟಿಯನ್ನು ದುರ್ಬಲವಾಗಿಸುತ್ತದೆ ಮತ್ತು ಲೈಂಗಿಕ ತೃಪ್ತಿಯ ಪ್ರಜ್ಞೆಯನ್ನು ಕಡಿಮೆ ಮಾಡುತ್ತದೆ. ಒತ್ತಡವು ಕಾರ್ಟಿಸೋಲ್ ಮಟ್ಟವನ್ನು ಹೆಚ್ಚಿಸುತ್ತದೆ. ಇದು ಟೆಸ್ಟೋಸ್ಟೆರಾನ್ ಮಟ್ಟದ ಮೇಲೆ ಪ್ರತಿಕೂಲವಾಗಿ ಪರಿಣಾಮ ಬೀರುತ್ತದೆ.

ಖಿನ್ನತೆ ಮತ್ತು ಆತಂಕದಂತಹ ಭಾವನಾತ್ಮಕ ಮತ್ತು ಮಾನಸಿಕ ಆರೋಗ್ಯ ಸಮಸ್ಯೆಗಳನ್ನು ಸಮಯಕ್ಕೆ ಸರಿಯಾಗಿ ಗುರುತಿಸಿ ಚಿಕಿತ್ಸೆ ಪಡೆದರೆ, ಲೈಂಗಿಕ ಮತ್ತು ಸಂತಾನೋತ್ಪತ್ತಿ ಆರೋಗ್ಯದಲ್ಲಿ ಪಾಸಿಟಿವ್ ಬದಲಾವಣೆಗಳನ್ನು ಕಾಣಬಹುದು. ಧೂಮಪಾನವು ಮತ್ತೊಂದು 'ಒತ್ತಡದ ಬಸ್ಟರ್' ಆಗಿದ್ದು ಅದು ಪ್ರತಿಯಾಗಿ ವೀರ್ಯಾಣು ಗುಣಮಟ್ಟದ ಮೇಲೆ ಪರಿಣಾಮ ಬೀರಬಹುದು. ಆದ್ದರಿಂದ ಕೂಡಲೇ ಧೂಮಪಾನವನ್ನು ತ್ಯಜಿಸಿ. ಜೊತೆಗೆ ಕೆಲಸ ಮಾಡುವಾಗ ಲ್ಯಾಪ್ಟಾಪ್‌ಗಳನ್ನು ತೊಡೆಯ ಮೇಲಿಟ್ಟುಕೊಳ್ಳಬೇಡಿ.

3) ಉತ್ತಮ ಆರೋಗ್ಯವು ಉತ್ತಮ ಲೈಂಗಿಕ ಆರೋಗ್ಯವನ್ನೂ ಒಳಗೊಂಡಿರುತ್ತದೆ: ಸರಿಯಾಗಿ ನಿಮಿರದಿರುವುದು ಅಥವಾ ಅಕಾಲಿಕ ಸ್ಖಲನದಂತಹ ಸಮಸ್ಯೆಗಳು ಅನೇಕ ದಂಪತಿಗಳ ವೈಯಕ್ತಿಕ ಜೀವನದಲ್ಲಿ ವಿನಾಶವನ್ನು ಉಂಟುಮಾಡಬಹುದು. ಆದರೆ ಅರಿವು ಮತ್ತು ಆತ್ಮವಿಶ್ವಾಸದಿಂದ ಈ ದೂರುಗಳನ್ನು ತಮ್ಮ ವೈದ್ಯರ ಬಳಿ ತೆಗೆದುಕೊಂಡು ಹೋಗುವ ಮೂಲಕ ಅನೇಕರು ಈ ಸಮಸ್ಯೆಗಳಿಗೆ ಸುಲಭ ಪರಿಹಾರಗಳನ್ನು ಕಂಡುಕೊಳ್ಳುತ್ತಾರೆ. ಇದಕ್ಕೆ ಹೆಚ್ಚಾಗಿ ಔಷಧಿಗಳ ಅಗತ್ಯವಿರುವುದಿಲ್ಲ ಮತ್ತು ಉತ್ತಮ ಸಮಾಲೋಚನೆ ಸಾಕಾಗುತ್ತದೆ. ಹರ್ಪಿಸ್, ಸಿಫಿಲಿಸ್, ಕ್ಲಮೈಡಿಯ, ಗೊನೊರಿಯಾ ಮತ್ತು ಇನ್ನೂ ಅನೇಕ ಸೋಂಕುಗಳಿಂದ ದೂರವಿರಲು ಸುರಕ್ಷಿತ ಲೈಂಗಿಕತೆಯನ್ನು ಯಾವಾಗಲೂ ಅಭ್ಯಾಸ ಮಾಡುವುದು ಕಡ್ಡಾಯವಾಗಿದೆ.

4) ನಾವು ಆಯ್ಕೆ ಮಾಡುವ ಆಹಾರವು ಕೂಡ ಪ್ರಮುಖವಾಗುತ್ತದೆ: ಸಂಸ್ಕರಿಸಿದ ಮತ್ತು ಜಂಕ್ ಫುಡ್ ಹಾರ್ಮೋನುಗಳನ್ನು ಅಡ್ಡಿಪಡಿಸುತ್ತದೆ ಮತ್ತು ದೀರ್ಘಾವಧಿಯಲ್ಲಿ ಸಂತಾನೋತ್ಪತ್ತಿ ಸೇರಿದಂತೆ ಆರೋಗ್ಯ ಹಾನಿಗೊಳಿಸುತ್ತದೆ ಎಂದು ಸಾಬೀತಾಗಿದೆ. ಮೊಟ್ಟೆ, ಹಣ್ಣುಗಳು, ವಾಲ್‌ನಟ್ಸ್, ಹೆಚ್ಚಿನ ಹಣ್ಣುಗಳು ಮತ್ತು ತರಕಾರಿಗಳು ಸೇರಿದಂತೆ ಪ್ರೋಟೀನ್, ಆಂಟಿ ಆಕ್ಸಿಡೆಂಟ್‌ಗಳು, ವಿಟಮಿನ್ ಇ ಮತ್ತು ಒಮೆಗಾ 3 ಕೊಬ್ಬಿನಾಮ್ಲಗಳಲ್ಲಿ ಸಮೃದ್ಧವಾಗಿರುವ ಆಹಾರವನ್ನು ಸೇವಿಸುವ ಮೂಲಕ ವೀರ್ಯದ ಪ್ರಮಾಣ ಮತ್ತು ಗುಣಮಟ್ಟವನ್ನು ಸುಧಾರಿಸಬಹುದು.