Self Care Tips: ಆಪ್ತರ ಜೊತೆ ಜಗಳವಾದಾಗ ಆ ನೆನಪಿನಿಂದ ಹೊರ ಬರಲು ಈ ಟಿಪ್ಸ್ ಫಾಲೋ ಮಾಡಿ

ಸಂಬಂಧಗಳೇ ಹಾಗೆ ಅಲ್ವಾ, ಕೆಲವೊಮ್ಮೆ ಪ್ರೀತಿ ಕಾಳಜಿ ತುಂಬಿದ ಮಾತುಗಳಿದ್ರೆ, ಮತ್ತೊಮ್ಮೆ ವಾದ ವಿವಾದಗಳ ಭಿನ್ನಾಭಿಪ್ರಾಯಗಳ ಮಹಾಪೂರವೇ ಇರುತ್ತದೆ. ಆದ್ರೆ ಇವತ್ತು ನಾವು ಇಲ್ಲಿ ಹೇಳಕ್ಕೆ ಹೋಗ್ತಾ ಇರೋದು ಯಾವುದೇ ಸಂಬಂಧದಲ್ಲಿ ವಾದಗಳು, ಜಗಳಗಳು ನಡೆದಾಗ ನಮ್ಮನ್ನು ನಾವು ಹೇಗೆ ಸಂತೈಸಿಕೊಳ್ಳಬೇಕು ಎಂಬುದರ ಕುರಿತು. ಯಾವುದೇ ಸಂಬಂಧದಲ್ಲಿ ಜಗಳಗಳು, ವಾದಗಳು ಆದಾಗ ಅದರಿಂದ ಹೆಚ್ಚಿನ ಜನರಿಗೆ ಟೆನ್ಷನ್ ಆಗೋದು ಸರ್ವೆ ಸಾಮಾನ್ಯ. ಆದರೆ ಈ ಟಿಪ್ಸ್ ಫಾಲೋ ಮಾಡಿದ್ರೆ ನಿಮ್ಗೆ ಟೆನ್ಷನ್ನೇ ಆಗಲ್ಲ.

ಸಂಬಂಧದಲ್ಲಿ ವಾದ ಆದಾಗ ನಮ್ಮನ್ನು ಕಾಳಜಿ ವಹಿಸಿಕೊಳ್ಳುವ ಮಾರ್ಗಗಳು:  ಅಳು: ಮನಸ್ಸಿನಲ್ಲಿ ಅಡಗಿ ಕುಳಿತಿರುವ ಭಾವನೆಗಳನ್ನು ಬಿಡುಗಡೆ ಮಾಡಲು ಮತ್ತು ಉದ್ವೇಗವನ್ನು ಕಡಿಮೆ ಮಾಡಲು ಅಳುವುದು ಒಂದು ಉತ್ತಮ ಮಾರ್ಗವಾಗಿದೆ. ನಿಮಗೆ ಇಷ್ಟವಿದ್ದರೆ ಆಗಾಗ ಅತ್ತು ಹಗುರಾಗಿ. ಇದು ನಿಮ್ಮನ್ನು ಟೆನ್ಸನ್ ನಿಂದ ದೂರ ಇರಿಸುತ್ತದೆ. ಇದು ನಿಮಗೆ ಮತ್ತಷ್ಟು ಉತ್ತಮವಾಗಲು ಮತ್ತು ನಿಮ್ಮ ಭಾವನೆಗಳನ್ನು ಪ್ರಕ್ರಿಯೆಗೊಳಿಸಲು ಸಹಾಯ ಮಾಡುತ್ತದೆ.

ಒಂದು ಚಿಕ್ಕ ನಿದ್ರೆ ಮಾಡಿ, ಏಳಿ: ಸಂಬಂಧದಲ್ಲಿ ಉಂಟಾದ ವಾದಗಳಿಂದ ಭಾವನಾತ್ಮಕ ಒತ್ತಡ ಆಗೋದು ಸಹಜ. ಇದರಿಂದ ಚೇತರಿಸಿಕೊಳ್ಳಲು ನಿಮಗೆ ಸಹಾಯ ಮಾಡಲು ವಿಶ್ರಾಂತಿ ಪಡೆಯುವುದು ಪರಿಣಾಮಕಾರಿ ಮಾರ್ಗವಾಗಿದೆ. ಒಂದು ಚಿಕ್ಕನಿದ್ರೆ ಅಥವಾ ಉತ್ತಮ ರಾತ್ರಿಯ ನಿದ್ರೆಯು ನಿಮಗೆ ಉಲ್ಲಾಸಕರವಾಗಿರಲು ಮತ್ತು ದಿನವನ್ನು ಎದುರಿಸಲು ಸಿದ್ಧವಾಗಿರಲು ಸಹಾಯ ಮಾಡುತ್ತದೆ.

ಸ್ನೇಹಿತರಿಗೆ ಕರೆ ಮಾಡಿ: ನೀವು ನಂಬುವ ಮತ್ತು ನಿಮ್ಮ ಮಾತನ್ನು ಕೇಳುವ ಯಾರೊಂದಿಗಾದರೂ ಮಾತನಾಡುವುದು ನಿಮಗೆ ಹೆಚ್ಚಿನ ಸಹಾಯ ಮಾಡುತ್ತದೆ. ನಿಮ್ಮ ಆಲೋಚನೆಗಳು ಮತ್ತು ಭಾವನೆಗಳನ್ನು ಸ್ನೇಹಿತರೊಂದಿಗೆ ಹಂಚಿಕೊಳ್ಳುವುದು ನಿಮಗೆ ಪರಿಸ್ಥಿತಿಯನ್ನು ಸುಗಮವಾಗಿಸಲು ಸಹಾಯ ಮಾಡುತ್ತದೆ ಮತ್ತು ಇದರಿಂದ ಒಂಟಿತನವನ್ನು ದೂರ ಮಾಡಬಹುದು.

ಮನಸ್ಸಿನ ನೋವು, ಆತಂಕ ಬರೆಯಿರಿ: ವಾದದ ಬಗ್ಗೆ ನಿಮ್ಮ ಮನಸ್ಸಿನಲ್ಲಿರುವ ಎಲ್ಲವನ್ನೂ ಜರ್ನಲ್ ಅಥವಾ ಪೇಪರ್‌ನಲ್ಲಿ ಬರೆಯಿರಿ. ಇದು ನಿಮ್ಮ ತಲೆಯಲ್ಲಿರುವ ಅನಾವಶ್ಯಕ ವಿಚಾರಗಳಿಂದ ದೂರ ಮಾಡುತ್ತದೆ. ಇದರೊಂದಿಗೆ ನಿಮ್ಮ ಆಲೋಚನೆಗಳನ್ನು ಸಂಘಟಿಸಲು ಸಹಾಯ ಮಾಡುತ್ತದೆ.

ದೈಹಿಕ ಚಟುವಟಿಕೆಯಲ್ಲಿ ತೊಡಗಿ: ವಾಕಿಂಗ್ ಅಥವಾ ಯೋಗ ಮಾಡುವಂತಹ ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವುದು ಅತಿ ಉತ್ತಮ. ಇದರಿಂದ ನಿಮ್ಮ ಮನಸ್ಸಿನಲ್ಲಿನ ಸುಪ್ತ ಭಾವನೆಗಳನ್ನು ಬಿಡುಗಡೆ ಮಾಡಲು ಮತ್ತು ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನಿಮ್ಮನ್ನು ನೀವು ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವುದರಿಂದ ನೀವು ಹೆಚ್ಚು ವಿಶ್ರಾಂತಿ ಮತ್ತು ಕೆಲಸದಲ್ಲಿ ಪೋಕಸ್ ಆಗಿರಲು ಸಹಾಯ ಮಾಡುತ್ತದೆ.

ಧ್ಯಾನ ಮಾಡಿ: ಧ್ಯಾನವು ನಿಮ್ಮ ಮನಸ್ಸನ್ನು ಶಾಂತಗೊಳಿಸಲು ಮತ್ತು ಒತ್ತಡವನ್ನು ಬಿಡುಗಡೆ ಮಾಡಲು ಇರುವ ಪರಿಣಾಮಕಾರಿ ಮಾರ್ಗವಾಗಿದೆ. ಶಾಂತ ಸ್ಥಳದಲ್ಲಿ ಕುಳಿತು ನಿಮ್ಮ ಉಸಿರಾಟದ ಮೇಲೆ ಕೇಂದ್ರೀಕರಿಸುವುದು ನಿಮಗೆ ಹೆಚ್ಚು ಪೋಕಸ್ ಮತ್ತು ಕಡಿಮೆ ಪ್ರತಿಕ್ರಿಯಾತ್ಮಕತೆಯನ್ನು ಅನುಭವಿಸಲು ಧ್ಯಾನವು ಸಹಾಯ ಮಾಡುತ್ತದೆ.

ನಿಮ್ಮನ್ನು ನೀವು ಪ್ರಶ್ನೆ ಮಾಡಿಕೊಳ್ಳಿ: ಒಂದು ಸಂಬಂಧದಲ್ಲಿ ಉಂಟಾದ ವಾದದ ನಂತರ ನಿಮಗೆ ಬೇಕಾದುದನ್ನು ಮಾಡಲು ಸ್ವಲ್ಪ ಸಮಯ ತೆಗೆದುಕೊಳ್ಳುವುದರಿಂದ ಇದರಿಂದ ಹೇಗೆ ಹೊರ ಬರುವುದು ಎಂಬುದರ ಬಗ್ಗೆ ಯೋಚನೆ ಮಾಡಬಹುದು. ಇದರಿಂದ ನಮ್ಮನ್ನು ಕಾಳಜಿ ವಹಿಸಲು ಯಾವ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂಬುದನ್ನು ನಿರ್ಧರಿಸಲು ಸಹಾಯ ಮಾಡುತ್ತದೆ.