Happy valentines Week 2021: ಪ್ರೇಮಿಗಳ ವಾರ ಆರಂಭ: ಯಾವ ದಿನ ಏನು ಮಾಡಬೇಕು? ಇಲ್ಲಿದೆ ಮಾಹಿತಿ

ವರ್ಷಗಳಿಂದ ಮನಸಲ್ಲಿ ಅದುಮಿಟ್ಟುಕೊಂಡ ಪ್ರೀತಿಯನ್ನು ವ್ಯಕ್ತಪಡಿಸಲು ಪ್ರೇಮಿಗಳ ದಿನಕ್ಕಾಗಿ ಕಾಯುವವರೇ ಹೆಚ್ಚು. ಇದರ ಆರಂಭ ಎಂಬಂತೆ ಫೆಬ್ರವರಿ 7 ರಿಂದ ವ್ಯಾಲೆಂಟೈನ್ಸ್​ ವೀಕ್  ಪ್ರಾರಂಭವಾಗಿದೆ. ಪ್ರೇಮಿಗಳು ಪರಸ್ಪರ ಉಡುಗೊರೆಗಳನ್ನು ವಿನಿಮಯ ಮಾಡಿಕೊಂಡು ಈ ವಾರವನ್ನು ಆಚರಿಸಿಕೊಳ್ಳುವುದು ಇದರ ವಿಶೇಷತೆ. ಪ್ರೇಮಿಗಳ ವಾರದ ಮೊದಲ ದಿನದಿಂದಲೇ ಪ್ರೇಮ ನಿವೇದನೆಯನ್ನು ಮಾಡಿಕೊಳ್ಳುತ್ತಾ ಫೆ.14 ರ ವೇಳೆಗೆ ತನ್ನ ಸಂಗಾತಿಯ ಮನಗೆಲ್ಲಬಹುದು. ವ್ಯಾಲೆಂಟೈನ್ಸ್​ ಡೇ ವೀಕ್​ನ ಪ್ರತಿದಿನದಂದು ತನ್ನ ಕನಸಿನ ಹುಡುಗಿ ಅಥವಾ ಹುಡುಗನಿಗೆ ಒಂದೊಂದು ಗಿಫ್ಟ್​ಗಳನ್ನು ನೀಡುತ್ತಾ ಮನದಲ್ಲಿರುವ ಭಾವನೆ ವ್ಯಕ್ತಪಡಿಸಬಹುದು. ಈ ವಾರದ ಸಂಪೂರ್ಣ ಪಟ್ಟಿಯನ್ನು ಇಲ್ಲಿ ನೀಡಲಾಗಿದ್ದು, ಪ್ರೇಮಿಗಳು ವ್ಯಾಲೆಂಟೈನ್ಸ್​ ಡೇ ಸಂಭ್ರಮಕ್ಕಾಗಿ ಸಿದ್ಧತೆಗಳನ್ನು ಮಾಡಿಕೊಳ್ಳಬಹುದು.

ಫೆಬ್ರವರಿ 7 - ರೋಸ್ ಡೇ: ಈ ದಿನ ನೀವು ನಿಮ್ಮ ಪ್ರಿಯತಮೆ/ಪ್ರಿಯತಮನಿಗೆ ಗುಲಾಬಿ ನೀಡುವ ಮೂಲಕ ಪ್ರೀತಿಯನ್ನು ವ್ಯಕ್ತಪಡಿಸಬಹುದು.

ಫೆಬ್ರವರಿ 8 - ಪ್ರೊಪೊಸ್ ಡೇ : ನೀವು ಗುಲಾಬಿಯನ್ನು ನೀಡಲು ಮರೆತಿದ್ದರೆ, ಚಿಂತೆ ಮಾಡಬೇಡಿ. ಏಕೆಂದರೆ ಫೆ.7 ರಂದು ಪ್ರೊಪೊಸ್​ ಮೂಲಕ ನಿಮ್ಮ ಮನದ ಇಚ್ಛೆಯನ್ನು ಹೇಳಬಹುದು.

ಫೆಬ್ರವರಿ 9 - ಚಾಕೊಲೇಟ್ ಡೇ: ಶುಭಕಾರ್ಯಕ್ಕೂ ಮುನ್ನ ಬಾಯಿಗೆ ಸಿಹಿ ನೀಡುವುದು ಉತ್ತಮ ಎನ್ನುತ್ತಾರೆ. ಹೀಗಾಗಿ ತನ್ನ ಜೋಡಿಗೆ ಚಾಕೊಲೇಟ್​ ಅನ್ನು ಉಡುಗೊರೆಯಾಗಿ ನೀಡಿ ನಿಮ್ಮ ಮನದಾಳದ ಮಾತನ್ನು ತಿಳಿಸಬಹುದು.

ಫೆಬ್ರವರಿ 10 - ಟೆಡ್ಡಿ ಡೇ: ಹುಡಗಿಯರು ಟೆಡ್ಡಿ ಬೇರ್​ಗಳನ್ನು ತುಂಬಾ ಇಷ್ಟಪಡುತ್ತಾರೆ . ಈ ದಿನದಂದು ಟೆಡ್ಡಿ ಉಡುಗೊರೆಯಾಗಿ ನೀಡುವ ಮೂಲಕ ನಿಮ್ಮ ಸಂಗಾತಿಯ ಮನಗೆಲ್ಲಬಹುದು.

ಫೆಬ್ರವರಿ 11- ಪ್ರಾಮಿಸ್ ಡೇ: ಈ ದಿನದಂದು ನಿಮ್ಮ ಸಂಗಾತಿಗೆ ಭರವಸೆ ನೀಡುವುದನ್ನು ಮರೆಯಬೇಡಿ. ಏಕೆಂದರೆ ಪ್ರೇಮಿಗಳು ಏಳೇಳು ಜನ್ಮದಲ್ಲೂ ಜೊತೆಯಾಗಿರುತ್ತಾರೆ ಎಂದು ಹೇಳಲಾಗುತ್ತದೆ. ಅದರಂತೆ ವಿಶೇಷವಾಗಿ ನಿಮ್ಮ ಇನಿಯ ಅಥವಾ ಇನಿಯಳಿಗೆ ಆಶ್ವಾಸನೆ ನೀಡಬಹುದು.

ಫೆಬ್ರವರಿ 12 - ಹಗ್​ ಡೇ: ಒಂದು ಪ್ರೀತಿಯ ಅಪ್ಪುಗೆ ನಿಮ್ಮ ಮನದಾಳದ ಮಾತನ್ನು ತಿಳಿಸಬಹುದು. ಹೀಗಾಗಿ ಫೆ.12 ರಂದು ನಿಮ್ಮ ಪ್ರಿಯತಮೆ ಅಥವಾ ಪ್ರಿಯತಮನನ್ನು ಅಪ್ಪಿಕೊಳ್ಳುವ ಮೂಲಕ ಪ್ರೇಮಲೋಕಕ್ಕೆ ಬರಮಾಡಿಕೊಳ್ಳಬಹುದು.

ಫೆಬ್ರವರಿ 13 - ಕಿಸ್ ಡೇ: ನಿಮ್ಮ ಪ್ರೀತಿಯನ್ನು ಮಧುರ ಮುತ್ತಿನೊಂದಿಗೆ ವ್ಯಕ್ತಪಡಿಸಬಹುದು. ನೀವು ನೀಡುವ ಒಂದು ಸಿಹಿಮುತ್ತು ಸಂಗಾತಿಯ ಹೃದವನ್ನು ಗೆಲ್ಲಬಹುದು.

ಫೆಬ್ರವರಿ 14 - ವ್ಯಾಲೆಂಟೈನ್ಸ್ ಡೇ: ಒಂದು ವಾರಗಳ ಕಾಲ ನೀವು ತೋರಿಸಿದ ಪ್ರತಿ ಕ್ಷಣಗಳ ಪ್ರೀತಿಯನ್ನು  ಒಂದೇ ದಿನದಲ್ಲಿ ಆಚರಿಸಿಕೊಳ್ಳುವ  ಸುಂದರ ಹಬ್ಬ. ನಿಮ್ಮ ಸಾಥಿಗೆ ಪ್ರೇಮ ನಿವೇದನೆ ಮಾಡಿಕೊಂಡು ಸಂಬಂಧವನ್ನು ಮತ್ತಷ್ಟು ಗಟ್ಟಿಯಾಗಿಸಿಕೊಳ್ಳಲು  ಈ ದಿನ ಮೀಸಲು.