Hair Care Tips: ಶಾಂಪೂ ಜೊತೆ ಈ ವಸ್ತುಗಳನ್ನು ಮಿಕ್ಸ್ ಮಾಡಿದ್ರೆ ಕೂದಲು ಉದುರುವ ಟೆನ್ಷನ್ ಇರಲ್ಲ

ಮಹಿಳೆಯರು ತಮ್ಮ ಕೂದಲ ಆರೈಕೆ ಮಾಡಲು ವಿವಿಧ ಪ್ರಯೋಗಗಳನ್ನು ಮಾಡುತ್ತಾರೆ. ಮಾರುಕಟ್ಟೆಯಲ್ಲಿ ಸಿಗುವ ವಿವಿಧ ಎಣ್ಣೆಗಳನ್ನು ಹಚ್ಚುವುದು, ಹೇರ್ ಪ್ಯಾಕ್ ಬಳಕೆ ಮಾಡುವುದು ಹೀಗೆ. ಅದರ ಜೊತೆಗೆ ಶ್ಯಾಂಪೂಗಳನ್ನು ಸಹ ಬಳಸಲಾಗುತ್ತದೆ. ಆದರೆ ಕೆಲವು ಬಗೆಯ ಶಾಂಪೂಗಳಲ್ಲಿ ರಾಸಾಯನಿಕಗಳು ಅಧಿಕವಾಗಿದ್ದು ಕೂದಲು ಉದುರುವಿಕೆಗೆ ಕಾರಣವಾಗಬಹುದು.

ಆದರೆ ನಾವು ಶಾಂಪೂ ಬಳಕೆ ಮಾಡುವಾಗ ಅದನ್ನು ನೇರವಾಗಿ ತಲೆಗೆ ಹಚ್ಚಿಕೊಳ್ಳಬಾರದು. ಶಾಂಪೂವನ್ನು ನೀರಿನೊಂದಿಗೆ ಮಿಶ್ರಣ ಮಾಡಿ ಬಳಸಲು ಅನೇಕ ತಜ್ಞರು ಹೇಳುತ್ತಾರೆ. ಆದರೆ ತಲೆಗೆ ಶಾಂಪೂ ಬಳಸುವಾಗ ಈ ಚಿಕ್ಕ ಸಲಹೆ ಪಾಲಿಸಿದರೆ ಕೂದಲು ಉದುರುವುದಿಲ್ಲ.

ನೆಲ್ಲಿಕಾಯಿ
ನೆಲ್ಲಿಕಾಯಿ ಅನೇಕ ರೋಗಗಳನ್ನು ತಡೆಯುತ್ತದೆ. ಇದಲ್ಲದೆ ನಮ್ಮ ಕೂದಲಿಗೆ ನೆಲ್ಲಿಕಾಯಿ ಅನೇಕ ಪ್ರಯೋಜನಗಳನ್ನು ಸಹ ನೀಡುತ್ತದೆ. ನೆಲ್ಲಿಕಾಯಿ ರಸವನ್ನು ಶಾಂಪೂ ಜೊತೆ ನೀರಿನಲ್ಲಿ ಬೆರೆಸಿ ತಲೆಗೆ ಹಚ್ಚಿದರೆ ಕೂದಲು ಉದುರದೆ ದಟ್ಟವಾಗಿ ಉದ್ದವಾಗಿ ಬೆಳೆಯುತ್ತದೆ.

ಅಮೃತಬಳ್ಳಿ ಮತ್ತು ಭೃಂಗರಾಜ್
ಶ್ಯಾಂಪೂವಿನ ಜೊತೆ ಅಮೃತಬಳ್ಳಿಯ ರಸವನ್ನು ಹಾಗೂ ಭೃಂಗರಾಜ್ ಎಲೆಯ ರಸವನ್ನು ಮಿಕ್ಸ್ ಮಾಡಿ ಹಚ್ಚಿದರೆ ಎಲ್ಲಾ ರೀತಿಯ ಕೂದಲಿಗೆ ಸಂಬಂಧಿಸಿದ ಸಮಸ್ಯೆಗಳು ಕಡಿಮೆಯಾಗುವುದಲ್ಲದೆ ಬಿಳಿ ಕೂದಲಿನ ಸಮಸ್ಯೆ ಸಹ ಬರುವುದಿಲ್ಲ.

ಕೆಲವರು ತಲೆಹೊಟ್ಟು ಇರುವಾಗ ತಲೆಗೆ ಎಣ್ಣೆ ಹಚ್ಚುತ್ತಾರೆ. ಇನ್ನೂ ಕೆಲವರು ಎಣ್ಣೆ ಬಳಕೆ ಮಾಡುವುದಿಲ್ಲ. ಎಣ್ಣೆಯನ್ನು ಹಚ್ಚುವುದರಿಂದ ತಲೆಹೊಟ್ಟು ತಲೆಗೆ ಅಂಟಿಕೊಳ್ಳುತ್ತದೆ ಮತ್ತು ಅದು ಹೆಚ್ಚಾಗಲು ಕಾರಣವಾಗುತ್ತದೆ ಎಂದು ಕೆಲವರು ಹೇಳುತ್ತಾರೆ. ಆದರೆ ತಲೆಹೊಟ್ಟು ಸಮಸ್ಯೆ ಇರುವವರು ಶಾಂಪೂವಿನಲ್ಲಿ ಬೇವಿನ ರಸವನ್ನು ತಲೆಗೆ ಹಚ್ಚಿದರೆ ತಲೆ ಹೊಟ್ಟು ಸಮಸ್ಯೆ ಕಡಿಮೆಯಾಗುತ್ತದೆ.

ಸ್ನಾನ ಮಾಡುವ ಮೊದಲು ಸ್ವಲ್ಪ ಬೆಚ್ಚಗಿನ ನೀರಿನಿಂದ ತಲೆಯನ್ನು ಒದ್ದೆ ಮಾಡುವುದರಿಂದ ತಲೆಯಲ್ಲಿರುವ ಚರ್ಮದ ಕೋಶಗಳು ತೆರೆದುಕೊಳ್ಳುತ್ತವೆ. ನಂತರ ನಾವು ಹಚ್ಚುವ ಪದಾರ್ಥಗಳು ಕೂದಲಿನ ಕೋಶಗಳಿಗೆ ಹೋಗುತ್ತವೆ ಮತ್ತು ಕೂದಲು ಆರೋಗ್ಯಕರವಾಗಿ ಮತ್ತು ಬಲವಾಗಿ ಬೆಳೆಯಲು ಸಹಾಯ ಮಾಡುತ್ತದೆ.

ಪ್ರಾಚೀನ ಕಾಲದಿಂದಲೂ ಹೇರ್ ಕೇರ್ನಲ್ಲಿ ನೆಲ್ಲಿಕಾಯಿ ಮತ್ತು ಬೇವು ಬಳಸಲಾಗುತ್ತಿದೆ. ಇದರಿಂದ ತಲೆಹೊಟ್ಟು ಮತ್ತು ಕೂದಲು ಉದುರುವಿಕೆಯ ಸಮಸ್ಯೆ ನಿವಾರಣೆಯಾಗುತ್ತದೆ ಮತ್ತು ಕೂದಲು ದಟ್ಟವಾಗಿ ಮತ್ತು ಉದ್ದವಾಗಿ ಬೆಳೆಯುತ್ತದೆ.