Life Hacks: ಮದುವೆಯ ನಂತರ ಹುಡುಗಿಯರು ಮಿಸ್ ಮಾಡದೇ ಈ ಕೆಲಸ ಮಾಡ್ಬೇಕು

ಮಹಿಳೆಯರೂ ಅಪ್ಪಿ-ತಪ್ಪಿ ಮದುವೆಯ ನಂತರ ಕೆಲಸ ಬಿಡಬಾರದು. ಇದು ಆರ್ಥಿಕವಾಗಿ ನಿಮ್ಮನ್ನ ಸದೃಢವಾಗಿಡಲು ಇದು ಬಹಳ ಅವಶ್ಯಕ ಎಂಬುದು ನೆನಪಿರಲಿ. ಇದು ನಿಮಗೆ ವಿವಿಧ ರೀತಿಯಲ್ಲಿ ಸಹ ಸಹಾಯ ಮಾಡುತ್ತದೆ ಎಂಬುದು ಮುಖ್ಯ.

ಮದುವೆಯ ನಂತರ ಹೊಸ ಮನೆಗೆ ಹೋಗುವುದರಿಂದ, ಜನ ಕೂಡ ಹೊಸಬರೇ ಆಗಿರುತ್ತಾರೆ. ಅವರ ಜೊತೆ ಕೆಲ ಸಮಯ ಕಳೆಯುವುದು, ನಿಮ್ಮ ಹೊಸ ಕುಟುಂಬದವರನ್ನು ಅರ್ಥ ಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಇದರಿಂದ ನಿಮ್ಮ ಮತ್ತು ಅವರ ಸಂಬಂಧ ಗಟ್ಟಿಯಾಗುತ್ತದೆ.

ಮದುವೆಯ ರಿಜಿಸ್ಟ್ರೇಷನ್ ಮಾಡುವುದು ಎಲ್ಲದಕ್ಕಿಂತ ಬಹಳ ಮುಖ್ಯ ಎಂಬುದನ್ನ ಮರೆಯಬೇಡಿ. ಇದು ಕಾನೂನಾತ್ಮಕವಾಗಿ ಹಾಗೂ ವಿವಿಧ ರೀತಿಯಲ್ಲಿ ನಿಮಗೆ ಮುಂದಿನ ದಿನಗಳಲ್ಲಿ ಮುಖ್ಯವಾಗುತ್ತದೆ.

ಮದುವೆಯ ನಂತರ ಸಾಮಾನ್ಯವಾಗಿ ಮಹಿಳೆಯರು ತಮ್ಮ ಸ್ನೇಹಿತರಿಂದ ದೂರವಾಗುತ್ತಾರೆ. ಆದರೆ ಇದು ತಪ್ಪು. ಎಂದಿಗೂ ಈ ಕೆಲಸ ಮಾಡಬೇಡಿ. ಆಗಾಗ ಅವರ ಜೊತೆ ಸಂಪರ್ಕದಲ್ಲಿರುವುದು ಬಹಳ ಒಳ್ಳೆಯದು. ಇದು ನಿಮ್ಮ ಮನಸ್ಸಿನ ಭಾವನೆಯನ್ನು ಹಂಚಿಕೊಳ್ಳಲು ಒಂದು ಹೆಗಲು ಸಿಗುತ್ತದೆ.

ಹಾಗೆಯೇ ಮದುವೆಯಾದ ಮೇಲೆ ಜವಾಬ್ದಾರಿಗಳು ಹೆಚ್ಚಾಗುತ್ತದೆ. ಇದರಿಂದ ಪೋಷಕರ ಜೊತೆ ಮಾತನಾಡಲು ಪ್ರತಿದಿನ ಸಮಯ ಸಿಗುವುದಿಲ್ಲ. ಈ ತಪ್ಪು ಮಾಡಬಾರದು. ಅನಿವಾರ್ಯ ಇದ್ದಾಗ ಮಾತ್ರ ಫೋನ್ ಮಾಡದಿರುವುದು ಒಪ್ಪಬಹುದು, ಆದರೆ ಸಾಧ್ಯವಾದಷ್ಟು ನೀವು ನಿಮ್ಮ ಪೋಷಕರ ಜೊತೆ ಪ್ರತಿದಿನ ಸಂಪರ್ಕದಲ್ಲಿರಿ.

ಹುಡುಗಿಯರು ಮದುವೆಯಾದ ನಂತರ ಮಾಡುವ ಮೊದಲ ತಪ್ಪು ಎಂದರೆ ಮನೆಯ ಕೆಲಸವನ್ನು ವಹಿಸಿಕೊಳ್ಳುವುದು. ಇದು ಸುಲಭದ ಮಾತಲ್ಲ. ಮನೆಯ ಕೆಲಸ ಹಾಗೂ ಆಫೀಸ್​ ಒಟ್ಟಿಗೆ ನಿಭಾಯಿಸುವುದು ಮದುವೆಯಾದ ಆರಂಭದಲ್ಲಿ ಕಷ್ಟವಾಗುತ್ತದೆ. ಹಾಗಾಗಿ ಸ್ವಲ್ಪ ಸಮಯ ತೆಗೆದುಕೊಳ್ಳಿ.

ನಿಮ್ಮ ಪಾಲಿಸಿ ಹಾಗೂ ಆರ್ಥಿಕ ವ್ಯವಹಾರದಲ್ಲಿ ಕೆಲ ಬದಲಾವಣೆಗಳು ಉಂಟಾಗುತ್ತದೆ. ಈ ಬಗ್ಗೆ ಆಫೀಸ್​ನಲ್ಲಿ ಚರ್ಚಿಸಿ, ಪಾಲಿಸಿ ಬದಲಾವಣೆ ಮಾಡಬೇಕಾಗುತ್ತದೆ. ಈ ಬಗ್ಗೆ ಸರಿಯಾದ ಮಾಹಿತಿ ಇಲ್ಲದೇ, ಯಾವುದೇ ತಪ್ಪು ನಿರ್ಧಾರ ತೆಗೆದುಕೊಳ್ಳಬೇಡಿ.

ಸಾಮಾನ್ಯವಾಗಿ ಮದುವೆಯ ಮೊದಲು ಸಹ ಜೋಡಿ ಆರ್ಥಿಕ ವ್ಯವಸ್ಥೆಯ ಬಗ್ಗೆ ಚರ್ಚೆ ಮಾಡಿರಬೇಕು. ಹಾಗೆಯೇ ಮದುವೆಯ ನಂತರ ಕೂಡ ಒಂದು ಬಜೆಟ್​ ಹಾಕಿಕೊಳ್ಳುವುದು ನಿಮಗೆ ಸಹಾಯ ಮಾಡುತ್ತದೆ. ಇದು ಆರ್ಥಿಕ ಹೊರೆಯನ್ನು ತಪ್ಪಿಸಬಹುದು.