Marriage: ಮನೆಯಲ್ಲಿ ಮದುವೆ ಮಾಡ್ತಿದ್ದೀರಾ? ಹಾಗಾದ್ರೆ ಈ ಅಂಶಗಳನ್ನು ನೆನಪಿನಲ್ಲಿಟ್ಟುಕೊಳ್ಳಿ!

ನಿಮ್ಮ ಮನೆಯಲ್ಲಿ ಮದುವೆ ಮಾಡುತ್ತಿದ್ದರೆ, ಮದುವೆಗೆ ತಯಾರಿ ನಡೆಸುವಾಗ ಕೆಲವು ಪ್ರಮುಖ ವಿಚಾರಗಳನ್ನು ಗಮನದಲ್ಲಿಟ್ಟುಕೊಳ್ಳಿ. ಈ ಮೂಲಕ ಮದುವೆಯನ್ನು ಜೀವನದುದ್ದಕ್ಕೂ ಸ್ಮರಣೀಯವಾಗಿ ಮಾಡಬಹುದು. ಮದುವೆಗೆ ತಯಾರಿ ನಡೆಸುತ್ತಿದ್ದರೆ ನಾವು ನಿಮಗೆ ಕೆಲವು ಪ್ರಮುಖ ಟಿಪ್ಸ್ಗಳನ್ನು ನೀಡಲಿದ್ದೇವೆ, ಈ ಮೂಲಕ ಮದುವೆಯನ್ನು ನೀವು ವಿಶೇಷವಾಗಿಸಬಹುದು.

ಸ್ಥಳವನ್ನು ಆಯ್ಕೆ ಮಾಡಿ: ಮದುವೆಯನ್ನು ಮಾಡಲು ಉತ್ತಮ ಸ್ಥಳವನ್ನು ಆಯ್ಕೆ ಮಾಡುವುದು ಬಹಳ ಮುಖ್ಯ. ರಾತ್ರಿ ವೇಳೆ ನಡೆಯುವ ಮದುವೆಗಳಲ್ಲಿ ವಿಶೇಷವಾಗಿ ಚಳಿಗಾಲ ಮತ್ತು ಮಳೆಗಾಲದ ಸಮಯದಲ್ಲಿ ಅತಿಥಿಗಳಿಗೆ ಚಳಿಯಾಗಬಹುದು ಹೀಗಾಗಿ ಅಂತಹ ಪರಿಸ್ಥಿತಿಯಲ್ಲಿ ಮದುವೆಗೆ ಹೊರಾಂಗಣ ಸ್ಥಳವನ್ನು ಆಯ್ಕೆ ಮಾಡಬೇಡಿ. ಇದರಿಂದಾಗಿ ಮದುವೆಗೆ ಬರುವ ಎಲ್ಲಾ ಅತಿಥಿಗಳು ಆರಾಮದಾಯಕವಾಗಿರುತ್ತಾರೆ ಮತ್ತು ಮದುವೆಯಲ್ಲಿ ಖುಷಿಯಾಗಿರುತ್ತಾರೆ.

ಮುಂಗಡ ಹನಿಮೂನ್ ಬುಕ್ಕಿಂಗ್: ಕೆಲವರು ಮದುವೆಯ ನಂತರ ಹನಿಮೂನ್ಗೆ ಎಲ್ಲಿಗೆ ಹೋಗಬೇಕೆಂದು ನಿರ್ಧರಿಸುತ್ತಾರೆ. ಆದರೆ ಚಳಿಗಾಲದಲ್ಲಿಹನಿಮೂನ್ಗೆ ಹೋಗುವುದು ಬೆಟರ್ ಎಂದೇ ಹೇಳಬಹುದು. ಈ ವೇಳೆ ನಿಮ್ಮ ಹನಿಮೂನ್ ಟ್ರಿಪ್ ಸ್ವಲ್ಪ ಕಾಸ್ಟ್ಲಿಯಾಗಿರುತ್ತದೆ. ಹಾಗಾಗಿ ಮದುವೆಯ ತಯಾರಿ ವೇಳೆಯೇ ಹನಿಮೂನ್ಗೆ ಟಿಕೆಟ್ ಬುಕ್ ಮಾಡುವುದು ಬೆಸ್ಟ್.

ಅಲಂಕಾರದತ್ತ ಗಮನಹರಿಸಿ: ಮದುವೆಯನ್ನು ಸ್ಮರಣೀಯವಾಗಿಸಲು, ಅದ್ಭುತವಾಗಿ ಅಲಂಕಾರ ಮಾಡುವುದು ಸಹ ಅಗತ್ಯವಾಗಿದೆ. ಹಾಗಾಗಿ ಮದುವೆಗೆ ಶಾಪಿಂಗ್ ಮಾಡುವಾಗ ಅಲಂಕಾರಿಕ ವಸ್ತುಗಳನ್ನು ಖರೀದಿಸಲು ಮರೆಯಬೇಡಿ. ಅಲ್ಲದೇ ಅಲಂಕಾರಿಕ ವಸ್ತುಗಳನ್ನು ಖರೀದಿಸುವ ಮುನ್ನ ನಿಮ್ಮ ಬಜೆಟ್ ಅನ್ನು ನಿರ್ಧರಿಸಿ. ಜೊತೆಗೆ ಚೌಕಾಶಿ ಮಾಡುವ ಮೂಲಕ ನೀವು ಕಡಿಮೆ ಹಣದಲ್ಲಿ ಅತ್ಯುತ್ತಮವಾದ ಅಲಂಕಾರಿಕ ವಸ್ತುಗಳನ್ನು ಕೊಳ್ಳಬಹುದು.

ಸ್ವಾಗತ ಅತಿಥಿಗಳು: ಚಳಿಗಾಲದಲ್ಲಿ ಮದುವೆ ಮಾಡುತ್ತಿದ್ದರೆ, ಈ ವೇಳೆ ರೈಲುಗಳು ಮತ್ತು ವಿಮಾನದಿಂದ ಬರುವ ಅತಿಥಿಗಳು ಸಾಕಷ್ಟು ತೊಂದರೆ ಅನುಭವಿಸಬೇಕಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ , ನೀವು ಅತಿಥಿಗಳಿಗಾಗಿ ಕೆಲವು ವಿಶೇಷ ವ್ಯವಸ್ಥೆಗಳನ್ನು ಮಾಡಬೇಕು. ಇದರಿಂದ ಸರಿಯಾದ ಸಮಯಕ್ಕೆ ಅತಿಥಿಗಳನ್ನು ಸ್ವಾಗತಿಸಬಹುದು ಹಾಗೂ ವಾಸ್ತವ್ಯಕ್ಕೆ ವ್ಯವಸ್ಥೆಯನ್ನು ಮಾಡಲು ಕೂಡ ಸುಲಭವಾಗಿರುತ್ತದೆ. ಇದರಿಂದ ಅತಿಥಿಗಳಿಗೆ ನಿಮ್ಮ ಮೇಲೆ ವಿಶೇಷ ಭಾವನೆ ಮೂಡಿಸಬಹುದು.

ಮದುವೆಯ ಮೆನುವನ್ನು ಪರಿಶೀಲಿಸಿ: ಮದುವೆಯನ್ನು ಮತ್ತಷ್ಟು ನೆನಪಿನಲ್ಲಿ ಉಳಿಯುವಂತೆ ಮಾಡಲು ನೀವು ಮೆನು ಕಾರ್ಡ್ನಲ್ಲಿ ಕೆಲವು ವಿಶೇಷ ಭಕ್ಷ್ಯಗಳನ್ನು ಸೇರಿಸಬಹುದು. ರುಚಿಕರವಾದ ತರಕಾರಿಗಳು, ಗುಲಾಬ್ ಜಾಮೂನ್, ಗಜರ್ ಕಾ ಹಲ್ವಾದಿಂದ ಹಿಡಿದು ಅನೇಕ ಭಕ್ಷ್ಯಗಳನ್ನು ಬಡಿಸುವ ಮೂಲಕ ಮದುವೆಗೆ ಬರುವ ಅತಿಥಿಗಳಿಗೆ ಸಂತಸಗೊಳಿಸಬಹುದು.

ಬೀಟ್ರೂಟ್, ಕಿತ್ತಳೆ ಮತ್ತು ಶುಂಠಿ ರಸವನ್ನು ಮೆನುವಿನಲ್ಲಿ ಸೇರಿಸುವ ಮೂಲಕ, ನೀವು ಅತಿಥಿಗಳ ಆರೋಗ್ಯದ ಬಗ್ಗೆ ಕೂಡ ವಿಶೇಷ ಕಾಳಜಿ ವಹಿಸಬಹುದು. (Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆಗಳು ಮತ್ತು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ . ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)