Glowing Skin: ಪೂಜೆಗಷ್ಟೇ ಅಲ್ಲ ಮುಖದ ಸೌಂದರ್ಯನೂ ಹೆಚ್ಚಿಸುತ್ತೆ ಚೆಂಡು ಹೂ!

ಚೆಂಡು ಹೂವನ್ನು (ಮಾರಿಗೋಲ್ಡ್) ಹೆಚ್ಚಾಗಿ ಪೂಜೆಗೆ ಬಳಸಲಾಗುತ್ತದೆ. ಚೆಂಡು ಹೂವನ್ನು ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗುತ್ತದೆ. ಹಾಗಾಗಿ ಇವುಗಳನ್ನು ಪೂಜೆ ವೇಳೆ ಹೆಚ್ಚಾಗಿ ಬಳಸಲಾಗುತ್ತದೆ. ಆದರೆ ಆಯುರ್ವೇದದ ಪ್ರಕಾರ ಚೆಂಡು ಹೂವನ್ನು ವಿವಿಧ ಔಷಧಿಗಳಿಗೆ ಬಳಸಲಾಗುತ್ತದೆ. ಇದು ಚರ್ಮಕ್ಕೆ ಅನೇಕ ರೀತಿಯ ಪ್ರಯೋಜನಗಳನ್ನು ನೀಡುತ್ತದೆ.

ಚೆಂಡು ಹೂವಿನಿಂದ ಮಾಡಿದ ಫೇಸ್ ಮಾಸ್ಕ್ ನಿಮಗೆ ಹೊಳೆಯುವ ತ್ವಚೆಯನ್ನು ನೀಡುತ್ತದೆ. ಈ ಫೇಸ್ ಪ್ಯಾಕ್ ಅನೇಕ ಚರ್ಮದ ಕಾಯಿಲೆಗಳನ್ನು ಸಹ ನಿವಾರಿಸುತ್ತದೆ. ಹಾಗಾದ್ರೆ ಚೆಂಡು ಹೂವನ್ನು ಬಳಸಿ ಫೇಸ್ ಪ್ಯಾಕ್ ಮಾಡುವುದು ಹೇಗೆ ಎಂದು ತಿಳಿದು ಕೊಳ್ಳೋಣ ಬನ್ನಿ.

ಒಂದು ಬಟ್ಟಲಿನಲ್ಲಿ 80 ಮಿಲಿ ಬಾದಾಮಿ ಎಣ್ಣೆಯನ್ನು ಸೇರಿಸಿ, ಅದಕ್ಕೆ ಚೆಂಡು ಹೂ ದಳಗಳನ್ನು ಸೇರಿಸಿ. ಸುಮಾರು 15 ದಿನಗಳ ಕಾಲ ಹಾಗೆಯೇ ಬಿಡಿ. 15 ದಿನಗಳ ನಂತರ ಮಿಶ್ರಣವನ್ನು ಬಟ್ಟೆಯ ಮೂಲಕ  ಎಣ್ಣೆಯಿಂದ ಚೆಂಡು ಹೂವಿನ ದಳಗಳನ್ನು ಬೇರ್ಪಡಿಸಿ.

ಪ್ರತಿದಿನ ರಾತ್ರಿ ಮಲಗುವ ಮುನ್ನ ತಯಾರಾದ ಎಣ್ಣೆಯನ್ನು ತ್ವಚೆಯ ಮೇಲೆ ಬಳಸಿ. ಬೆಳಗ್ಗೆ ಬೆಚ್ಚಗಿನ ನೀರಿನಿಂದ ನಿಮ್ಮ ಮುಖವನ್ನು ತೊಳೆಯಿರಿ. ಈ ಪ್ಯಾಕ್ ಅನ್ನು ಬಳಸುವುದು ಚಳಿಗಾಲದಲ್ಲಿ ಒಣ ತ್ವಚೆಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ಈ ಎಣ್ಣೆಯನ್ನು ನಿಯಮಿತವಾಗಿ ಬಳಸುವುದರಿಂದ ಕೆಲವೇ ದಿನಗಳಲ್ಲಿ ನಿಮ್ಮ ಚರ್ಮವು ಹೊಳೆಯುತ್ತದೆ.

ತ್ವಚೆಯ ಮೇಲೆ ತಕ್ಷಣದ ಹೊಳಪಿಗಾಗಿ: 1/2 ಕಪ್ ಮಾರಿಗೋಲ್ಡ್ ದಳಗಳು, 5 ಚಮಚ ರೋಸ್ ವಾಟರ್, 1/4 ಕಪ್ ಸಿಪ್ಪೆ ತೆಗೆದ ಸೇಬಿನ ತುಂಡುಗಳನ್ನು ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಿ. ನಂತರ ತಯಾರಿಸಿದ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿ 15 ನಿಮಿಷಗಳ ಕಾಲ ಬಿಡಿ. ನಂತರ ನೀರಿನಿಂದ ಮುಖವನ್ನು ತೊಳೆಯಿರಿ.ಈ ಫೇಸ್ ಪ್ಯಾಕ್ ಅನ್ನು ವಾರಕ್ಕೆ ಒಂದು ಅಥವಾ ಎರಡು ಬಾರಿ ಬಳಸುವುದರಿಂದ ನಿಮ್ಮ ಮುಖ ಕಾಂತಿಯತೆಯಿಂದ ಕೂಡಿರುತ್ತದೆ.

ಎಣ್ಣೆಯುಕ್ತ ಚರ್ಮ: 1 ಚಮಚ ಚೆಂಡು ಹೂವಿನ ಪೇಸ್ಟ್, 1 ಚಮಚ ಮೊಸರು, 1/2 ಚಮಚ ನಿಂಬೆ ರಸ, 1 ಚಮಚ ರೋಸ್ ವಾಟರ್ ಮಿಶ್ರಣ ಮಾಡಿ ನಯವಾದ ಪೇಸ್ಟ್ ಮಾಡಿ, ತಯಾರಿಸಿದ ಫೇಸ್ ಪ್ಯಾಕ್ ಅನ್ನು ಮುಖ ಮತ್ತು ಕುತ್ತಿಗೆಗೆ ಸಮವಾಗಿ ಅನ್ವಯಿಸಿ. ಪ್ಯಾಕ್ ಸಂಪೂರ್ಣವಾಗಿ ಒಣಗಲು ಬಿಡಿ. ಫೇಸ್ ಪ್ಯಾಕ್ ಒಣಗಿದ ನಂತರ ಬೆಚ್ಚಗಿನ ನೀರಿನಿಂದ ಮುಖವನ್ನು ತೊಳೆಯಿರಿ.ಈ ಪ್ಯಾಕ್ ಅನ್ನು ವಾರಕ್ಕೆ ಎರಡು ಬಾರಿ ಬಳಸುವುದರಿಂದ ಎಣ್ಣೆಯುಕ್ತ ಚರ್ಮ ನಿವಾರಣೆ ಆಗುತ್ತದೆ.

ಸಾಮಾನ್ಯ ತ್ವಚೆಗೆ: 1 ಚಮಚ ಚೆಂಡು ಹೂವಿನ ಪೇಸ್ಟ್, 1 ಚಮಚ ಬೇಳೆ ಹಿಟ್ಟು, 1 ಚಮಚ ಹಸಿ ಹಾಲು ಈ ಎಲ್ಲಾ ಪದಾರ್ಥಗಳನ್ನು ಚೆನ್ನಾಗಿ ಮಿಶ್ರಣ ಮಾಡಿ ಪ್ಯಾಕ್ ಮಾಡಿ. ಈ ಪ್ಯಾಕ್ ಅನ್ನು ನಿಮ್ಮ ಮುಖ ಮತ್ತು ಕುತ್ತಿಗೆಗೆ ಸಮವಾಗಿ ಅನ್ವಯಿಸಿ. ಇದು ಸಂಪೂರ್ಣವಾಗಿ ಒಣಗಲು ಬಿಡಿ. ಪ್ಯಾಕ್ ಒಣಗಿದ ನಂತರ ಬೆಚ್ಚಗಿನ ನೀರಿನಿಂದ ನಿಮ್ಮ ಮುಖವನ್ನು ತೊಳೆಯಿರಿ. ಈ ಫೇಸ್ ಪ್ಯಾಕ್ ಅನ್ನು ವಾರಕ್ಕೆ ಮೂರು ಬಾರಿ ಅನ್ವಯಿಸುವುದರಿಂದ ನಿಮ್ಮ ತ್ವಚೆ ಬೇಗ ಹೊಳೆಯುತ್ತದೆ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)