Jewellery Health Benefits: ಮಹಿಳೆಯರ ದಿಲ್ ಕದಿಯೋ ಆಭರಣ, ಆರೋಗ್ಯನೂ ವೃದ್ಧಿಸುತ್ತಂತೆ!

ಹಿಂದೂ ಸಂಪ್ರದಾಯಗಳ ಪ್ರಕಾರ, ಮಹಿಳೆಯರು ಧರಿಸುವ ಕುಂಕುಮವು ಜ್ಞಾನ ಚಕ್ರವನ್ನು ಸಕ್ರಿಯವಾಗಿರಿಸುತ್ತದೆ. ಎರಡೂ ಹುಬ್ಬುಗಳ ನಡುವೆ ಕುಂಕುಮವನ್ನು ಇಡುವುದರಿಂದ ಮಾನಸಿಕ ಶಕ್ತಿ ಮತ್ತು ಸ್ಮರಣಶಕ್ತಿ ಹೆಚ್ಚುತ್ತದೆ ಎಂಬ ನಂಬಿಕೆ ಇದೆ.

ಮಹಿಳೆಯರು ಎಡಗಡೆ ಮೂಗನ್ನು ಚುಚ್ಚಿಸಿಕೊಳ್ಳುವುದರಿಂದ ಮೂಗಿನ ಮೂಲಕ ಹಾದುಹೋಗುವ ಕೆಲವು ರಕ್ತನಾಳಗಳು ಗರ್ಭಾಶಯಕ್ಕೆ ಸಂಪರ್ಕ ಹೊಂದಿವೆ. ಆದ್ದರಿಂದಲೇ ಮೂಗಿನ್ನು ಚುಚ್ಚಿಸಿಕೊಂಡರೆ, ಹೆರಿಗೆ ನೋವು ಕಡಿಮೆಯಾಗುತ್ತದೆ ಎಂದು ದೊಡ್ಡವರು ಹೇಳುತ್ತಾರೆ.

ಮಂಗಳಸೂತ್ರವು ಚಿನ್ನದಿಂದ ಮಾಡಲ್ಪಟ್ಟಿದೆ. ಕೆಲವೊಮ್ಮೆ ಬೆಳ್ಳಿಯನ್ನು ಸಹ ಬಳಸಲಾಗುತ್ತದೆ. ಈ ಎರಡು ಲೋಹಗಳು ಮಹಿಳೆಯರ ಹೃದಯವನ್ನು ಆರೋಗ್ಯವಾಗಿರಿಸುತ್ತದೆ. ಇದು ಅಧಿಕ ರಕ್ತದೊತ್ತಡದ ಅಪಾಯವನ್ನು ಸಹ ಕಡಿಮೆ ಮಾಡುತ್ತದೆ.

ಆದ್ದರಿಂದ ಇದನ್ನು ಕುತ್ತಿಗೆಗೆ ಧರಿಸುವ ಮತ್ತು ಇತರ ಆಭರಣಗಳು ಸಹ ಧರಿಸುವುದರಿಂದ ನಮಗೆ ಪ್ರಯೋಜನ ಸಿಗುತ್ತದೆ. ಈ ಆಭರಣಗಳು ಕತ್ತಿನ ಕೆಲವು ಭಾಗಗಳ ಮೇಲೆ ಒತ್ತಡವನ್ನು ಉಂಟುಮಾಡುತ್ತವೆ ಮತ್ತು ಕುತ್ತಿಗೆಯ ಕೆಳಗಿರುವ ಗಾಯಿಟರ್ ಮತ್ತು ಮೂಳೆಗಳ ಮೇಲೆ ಕೆಟ್ಟ ಪರಿಣಾಮವನ್ನು ಕಡಿಮೆ ಮಾಡುತ್ತದೆ.

ಅನೇಕ ಮಹಿಳೆಯರು ಗಾಜಿನ ಬಳೆಯನ್ನು ಬಳಸುತ್ತಾರೆ. ಕೆಲವು ಕಾಯಿಲೆಗಳಿಗೆ ಮಹಿಳೆಯರಿಗೆ ಗಾಜಿನ ಬಳೆ ಪ್ರಯೋಜನಕಾರಿಯಾಗಿದೆ. ಈ ಬಳೆಯು ಮುಖವನ್ನು ಕಾಂತಿಯುತವಾಗಿಸುತ್ತದೆ. ಹಲ್ಲುನೋವು, ರಕ್ತದೊತ್ತಡ ಮತ್ತು ಬೊಜ್ಜು ಕಡಿಮೆ ಮಾಡಲು ಸಹಾಯಕವಾಗಿದೆ.

ತೋಳುಬಂದಿ ವಿಶಿಷ್ಟವಾದ ಪ್ರಯೋಜನಗಳನ್ನು ಹೊಂದಿದೆ. ಈ ತೋಳುಪಟ್ಟಿಗಳು ಹೃದಯದ ಕಾರ್ಯವನ್ನು ಸುಧಾರಿಸುತ್ತದೆ. ಇದು ಭುಜ ಮತ್ತು ತೋಳಿನ ನೋವನ್ನು ನಿವಾರಿಸುತ್ತದೆ.

ಸೊಂಟದ ಮೇಲೆ ಡಾಬು ಹಾಕಿಕೊಂಡರೆ ಜೀರ್ಣ ಶಕ್ತಿ ಹೆಚ್ಚುತ್ತದೆ, ಮುಟ್ಟಿನ ಸಮಯದಲ್ಲಿ ಯಾವುದೇ ತೊಂದರೆ ಆಗುವುದಿಲ್ಲ, ಸೊಂಟ ನೋವು, ಬೆನ್ನು ನೋವು ಕೂಡ ಕಡಿಮೆಯಾಗುತ್ತದೆ ಎಂಬ ನಂಬಿಕೆ ಇದೆ.

ಪಾದಗಳಿಗೆ ಧರಿಸಿರುವ ಕಾಲ್ಗೆಜ್ಜೆ ಮೂಳೆಗಳನ್ನು ಬಲಪಡಿಸುತ್ತದೆ. ಅಲ್ಲದೇ ಬೆಳ್ಳಿಯ ತಂಪಿನಿಂದ ದೇಹದಲ್ಲಿನ ಉಷ್ಣವೂ ಕಡಿಮೆಯಾಗುತ್ತದೆ, ಋತುಸ್ರಾವದಿಂದ ಉಂಟಾಗುವ ನೋವುಗಳೂ ಕಡಿಮೆಯಾಗುತ್ತವೆ.

ಮದುವೆಯ ನಂತರ, ಮಹಿಳೆಯರು ತಮ್ಮ ಕಾಲ್ಬೆರಳುಗಳಿಗೆ ಕಾಲುಂಗುರ ಧರಿಸುತ್ತಾರೆ. ಇದು ಥೈರಾಯ್ಡ್ ಅಪಾಯವನ್ನು ಕಡಿಮೆ ಮಾಡುತ್ತದೆ. ಹಾರ್ಮೋನ್ ವ್ಯವಸ್ಥೆಯು ಸರಿಯಾಗಿ ಕಾರ್ಯನಿರ್ವಹಿಸಲು ಸಹಾಯ ಮಾಡುತ್ತದೆ. ನರಮಂಡಲವನ್ನು ಮತ್ತು ದೇಹದ ಕೆಳಗಿನ ಅಂಗಗಳ ಸ್ನಾಯುಗಳನ್ನು ಬಲಪಡಿಸುತ್ತದೆ.

(Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆಗಳನ್ನು ಆಧರಿಸಿದೆ, ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)