Healthy Food: ನಿಮಗೆ ಫ್ರೆಂಚ್​​ಫ್ರೈಸ್ ಅಂದ್ರೆ ತುಂಬಾ ಇಷ್ಟನಾ? ಹಾಗಾದ್ರೆ ಈ ರೋಗ ಬರೋದು ಫಿಕ್ಸ್!

ಫ್ರೆಂಚ್ ಫ್ರೈಸ್ ಹೆಸರು ಕೇಳಿದ ತಕ್ಷಣ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಬಾಯಲ್ಲಿ ನೀರೂರುತ್ತದೆ. ಕಳೆದ ಕೆಲವು ವರ್ಷಗಳಿಂದ ಫ್ರೆಂಚ್ ಫ್ರೈಸ್ ತುಂಬಾ ಫೇಮಸ್ ಆಗಿದೆ. ಈ ಖಾದ್ಯವನ್ನು ಬೀದಿ ಬದಿಯಲ್ಲಿ ಕೂಡ ಮಾರಾಟ ಮಾಡಲಾಗುತ್ತದೆ. ಅಲ್ಲದೇ ಹೆಚ್ಚಾಗಿ ಇದನ್ನು ಜನ ರೆಸ್ಟೋರೆಂಟ್ನಲ್ಲಿ ತಿನ್ನುತ್ತಾರೆ. ಆದರೆ ಟೇಸ್ಟಿ ಆಗಿರುವ ಈ ಫ್ರೆಂಚ್ ಫ್ರೈಸ್ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದು ಎಲ್ಲರಿಗೂ ಗೊತ್ತಿದೆ.

ಆದರೆ ಅತಿಯಾಗಿ ಫ್ರೆಂಚ್ ಫ್ರೈಸ್ ತಿನ್ನುವುದರಿಂದ ಆತಂಕ ಮತ್ತು ಖಿನ್ನತೆಗೆ ಒಳಗಾಗುತ್ತೀರಾ ಎಂದು ನಿಮಗೆ ತಿಳಿದಿದ್ಯಾ? ಹೌದು, ಇತ್ತೀಚೆಗೆ ನಡೆಸಿದ ಸಂಶೋಧನೆಯಲ್ಲಿ ಈ ವಿಚಾರ ಬೆಳಕಿಗೆ ಬಂದಿದೆ.

ಫ್ರೆಂಚ್ ಫ್ರೈಸ್ ಅನ್ನು ದೈಹಿಕವಾಗಿ ಅನಾರೋಗ್ಯಕರವೆಂದು ಪರಿಗಣಿಸಲಾಗಿದ್ದರೂ, ಅವು ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ. wionews.com ಪ್ರಕಾರ, ಕರಿದ ಆಹಾರಗಳು, ವಿಶೇಷವಾಗಿ ಹುರಿದ ಆಲೂಗಡ್ಡೆ, ಆತಂಕ ಮತ್ತು ಖಿನ್ನತೆಯ ಅಪಾಯವನ್ನು ಹೆಚ್ಚಿಸುತ್ತದೆ.

ಯುವಕರು ಖಿನ್ನತೆಗೆ ಒಳಗಾಗಬಹುದು: ಫ್ರೆಂಚ್ ಫ್ರೈಸ್ಗಳು, ವಿಶೇಷವಾಗಿ ಯುವಜನತೆ ಸೇವಿಸುವ ಫಾಸ್ಟ್ ಫುಡ್ಗಳಲ್ಲಿ ಬಹಳ ಜನಪ್ರಿಯವಾಗಿವೆ. ಇದನ್ನು ತಿನ್ನುವುದರಿಂದ ಅನಾರೋಗ್ಯ ಉಂಟಾಗುತ್ತದೆ ಎಂದು ತಿಳಿಸಿದ್ದರೂ, ಹೆಚ್ಚಾಗಿ ಫ್ರೆಂಚ್ ಫ್ರೈಸ್ ಅನ್ನೇ ತಿನ್ನುತ್ತಾರೆ.

ಆದರೆ ಇತ್ತೀಚಿಗೆ ನಡೆದ ಸಂಶೋಧನೆಯಲ್ಲಿ ಆಘಾತಕಾರಿ ವಿಚಾರ ಬಹಿರಂಗಗೊಂಡಿದೆ. ಚೀನಾದಲ್ಲಿ ನಡೆಸಿದ ಸಂಶೋಧನೆಯು ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೆರಿಕ (PNAS) ನ ನ್ಯಾಷನಲ್ ಅಕಾಡೆಮಿ ಆಫ್ ಸೈನ್ಸಸ್‌ನ ಪ್ರೊಸೀಡಿಂಗ್ಸ್‌ನಲ್ಲಿ ಫ್ರೆಂಚ್ ಫ್ರೈಸ್ ಆರೋಗ್ಯಕ್ಕೆ ಹಾನಿಕರಕ ಎಂದು ಪ್ರಕಟವಾಗಿದೆ.

ಹುರಿದ ಆಹಾರವನ್ನು, ವಿಶೇಷವಾಗಿ ಹುರಿದ ಆಲೂಗಡ್ಡೆಗಳನ್ನು ಆಗಾಗ್ಗೆ ಸೇವಿಸುವುದರಿಂದ ಖಿನ್ನತೆ ಮತ್ತು ಆತಂಕದ ಅಪಾಯವನ್ನು ಗಣನೀಯವಾಗಿ ಹೆಚ್ಚಿಸುತ್ತದೆ ಎಂದು ತಿಳಿದುಬಂದಿದೆ.

ನಿಯಮಿತವಾಗಿ ಕರಿದ ಆಹಾರವನ್ನು ಸೇವಿಸುವ ಜನರು ಕರಿದ ಆಹಾರವನ್ನು ಸೇವಿಸದ ಜನರಿಗಿಂತ 12 ಪ್ರತಿಶತದಷ್ಟು ಹೆಚ್ಚು ಆತಂಕದ ಸಮಸ್ಯೆಗಳನ್ನು ಹೊಂದಿರುತ್ತಾರೆ ಎಂದು ಸಂಶೋಧನೆಯಲ್ಲಿ ಕಂಡುಹಿಡಿದಿದೆ. ಅಲ್ಲದೇ, ಖಿನ್ನತೆಯ ಪ್ರಮಾಣವು ಶೇಕಡಾ 7 ರಷ್ಟು ಹೆಚ್ಚು ಎಂದು ತಿಳಿದುಬಂದಿದೆ. ಈ ಅನುಪಾತವು ಯುವ ಜನತೆಯಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ.