Weight Loss: ತೂಕ ಇಳಿಸಿಕೊಳ್ಳೋದು ಸಹ ಒಂದು ಕಲೆ; ಈ ನಿಯಮ ಅನುಸರಿಸಿ ಸ್ಲಿಮ್ & ಫಿಟ್ ಆಗಿರಿ

ಹೊಟ್ಟೆಯ ಕೊಬ್ಬು ಅತ್ಯಂತ ಅಪಾಯಕಾರಿ ಕೊಬ್ಬು. ಇದು ಮುಂದೆ ನೇತಾಡುತ್ತದೆ. ಇದರಿಂದ ದೇಹದ ಶೇಪ್ ಹಾಳಾಗುತ್ತದೆ. ನೇತಾಡುವ ಹೊಟ್ಟೆಯು ಅನೇಕ ರಿತಿಯ ಅಸ್ವಸ್ಥತೆಗೆ ನಿಮ್ಮನ್ನು ಗುರಿಯಾಗಿಸುತ್ತದೆ. ದೇಹದಲ್ಲಿ ಸಂಗ್ರಹವಾಗುವ ಚರ್ಬಿ, ಕೆಟ್ಟ ಕೊಬ್ಬು ಅನೇಕ ರೋಗಗಳ ಸಮಸ್ಯೆ ಹೆಚ್ಚಿಸುತ್ತದೆ. ಹೊಟ್ಟೆಯ ಕೊಬ್ಬು ಕೆಲವೊಮ್ಮೆ ನಿಮಗೆ ಅನಾನುಕೂಲತೆ ಉಂಟು ಮಾಡುತ್ತದೆ.

ಹೊಟ್ಟೆಯ ಕೊಬ್ಬು ಕಾಣಿಸಲು ಹಲವು ಕಾರಣಗಳಿವೆ. ಕೆಲವೊಮ್ಮೆ ಈ ಮೊಂಡುತನದ ಕೊಬ್ಬು ನಿಮ್ಮ ದೇಹದ ವಿನ್ಯಾಸ ಸಹ ಹಾಳು ಮಾಡುತ್ತದೆ. ನಿಮ್ಮ ಕೆಲವು ಕೆಟ್ಟ ಅಭ್ಯಾಸಗಳು ಸಹ ಇದಕ್ಕೆ ಕಾರಣ. ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ಸಾಕಷ್ಟು ಶ್ರಮ ಪಡಬೇಕಾಗುತ್ತದೆ. ಸೂಕ್ತ ಮತ್ತು ಸಿಂಪಲ್ ಡಯಟ್ ಪ್ಲಾನ್ ಮಾಡಿ. ಆಹಾರವನ್ನು ಸರಿಯಾದ ಕ್ರಮದಲ್ಲಿ ಸೇವಿಸಿ.

ತೂಕ ನಷ್ಟಕ್ಕಾಗಿ ಆಹಾರ ತ್ಯಜಿಸಬೇಡಿ. ಇದು ತಪ್ಪು. ಏಕೆಂದರೆ ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ಹಲವು ಮಾರ್ಗಗಳಿವೆ. ನೀವು ಊಟ ಬಿಟ್ಟರೆ ಅದು ಇತರೆ ಅಸ್ವಸ್ಥತೆ ಹೆಚ್ಚಿಸುತ್ತದೆ. ಇದನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ ಮತ್ತು ನಂತರ ಅದನ್ನು ಕಡಿಮೆ ಮಾಡಲು ಸೂಕ್ತ ಗಮನ ಹರಿಸಬೇಕು. ಹೊಟ್ಟೆಯ ಕೊಬ್ಬನ್ನು ಹೆಚ್ಚಿಸುವ ಕೆಲವು ಕೆಟ್ಟ ಅಭ್ಯಾಸ ಬಿಡಬೇಕು.

ಹೊಟ್ಟೆಯ ಕೊಬ್ಬಿಗೆ ಕಾರಣವಾಗುವ ಕೆಲವು ಪ್ರಮುಖ ಅಂಶಗಳು ಇವೆ. ದೀರ್ಘಕಾಲ ಕುಳಿತುಕೊಳ್ಳುವ ಜೀವನಶೈಲಿ. ದೇಹದ ಚಟುವಟಿಕೆ ಕಡಿಮೆ ಇರುವುದು. ಯಾವುದೇ ಕೆಲಸ ಮಾಡದೇ ದೀರ್ಘಕಾಲ ಕುಳಿತೇ ಇರುವುದು, ಇದು ನಿಮ್ಮ ಹೊಟ್ಟೆಯ ಕೊಬ್ಬು ಹೆಚ್ಚಾಗಬಹುದು. ಕಡಿಮೆ ದೈಹಿಕ ಚಟುವಟಿಕೆಯೊಂದಿಗೆ ಜಡ ಜೀವನಶೈಲಿಯು ಹೊಟ್ಟೆಯ ಕೊಬ್ಬನ್ನು ಹೆಚ್ಚಿಸುತ್ತದೆ.

ಒಂದೇ ಸ್ಥಳದಲ್ಲಿ ಕುಳಿತು ಗಂಟೆಗಟ್ಟಲೇ ಕೆಲಸ ಮಾಡುವುದು ಹೊಟ್ಟೆಯ ಕೊಬ್ಬು ಹೆಚ್ಚಳ ಮತ್ತು ಅನೇಕ ಸಮಸ್ಯೆಗಳಿಗೆ ಕಾರಣವಾಗಬಹುದು. ಕಳಪೆ ಆಹಾರ. ಅಧಿಕ ಸಕ್ಕರೆ, ಸಂಸ್ಕರಿಸಿದ ಆಹಾರಗಳು ಮತ್ತು ಸ್ಯಾಚುರೇಟೆಡ್ ಕೊಬ್ಬನ್ನು ಹೊಂದಿರುವ ಆಹಾರ ತಿನ್ನುವುದು ಹೊಟ್ಟೆಯ ಕೊಬ್ಬನ್ನು ಹೆಚ್ಚಿಸುತ್ತದೆ.

ಜಂಕ್ ಫುಡ್‌ ಅತಿಯಾದ ಸೇವನನೆಯು ಹೊಟ್ಟೆಯ ಕೊಬ್ಬನ್ನು ಹೆಚ್ಚಿಸುತ್ತದೆ. ಹೆಚ್ಚು ಕರಿದ ಅಥವಾ ಹೆಚ್ಚು ಸಂಸ್ಕರಿಸಿದ ಆಹಾರ ಸೇವಿಸುವುದನ್ನು ತಪ್ಪಿಸಿ. ಇದು ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಬಹುದು. ಜಂಕ್ ಫುಡ್‌ಗಳು ಹೆಚ್ಚಿನ ಕ್ಯಾಲೋರಿ ಹೊಂದಿವೆ. ಸ್ವಲ್ಪ ಪ್ರಮಾಣದ ಜಂಕ್ ಫುಡ್ ಸೇವನೆಯು ಸಾಕಷ್ಟು ಕ್ಯಾಲೊರಿ ಸೇವಿಸಬಹುದು.

ಭಾರೀ ಕುಡಿತ. ಆಲ್ಕೊಹಾಲ್ ಸೇವನೆಯು ಕೆಟ್ಟ ಅಭ್ಯಾಸ. ಇದು ಮೂತ್ರಪಿಂಡದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ, ಇದು ಮೂತ್ರಪಿಂಡ ವೈಫಲ್ಯಕ್ಕೆ ಕಾರಣವಾಗುತ್ತದೆ. ಆಲ್ಕೋಹಾಲ್ ಬಹಳಷ್ಟು ಕ್ಯಾಲೊರಿ ಹೊಂದಿದೆ. ಇದು ತೂಕ ಹೆಚ್ಚಿಸುತ್ತದೆ. ನಿದ್ರೆಯ ಕೊರತೆ. ಕಳಪೆ ನಿದ್ರೆ ಹಸಿವು ಮತ್ತು ಚಯಾಪಚಯವನ್ನು ನಿಯಂತ್ರಿಸುವ ಹಾರ್ಮೋನುಗಳ ಮೇಲೆ ಪರಿಣಾಮ ಬೀರುತ್ತದೆ,. ಇದು ಕೊಬ್ಬು ಹೆಚ್ಚಿಸುತ್ತದೆ.

ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು ದಿನವೂ ವ್ಯಾಯಾಮ ಮಾಡಿ. ಆರೋಗ್ಯಕರ ಆಹಾರ ತಿನ್ನಿರಿ. ಹಣ್ಣುಗಳು, ತರಕಾರಿಗಳು, ಧಾನ್ಯಗಳು, ನೇರ ಪ್ರೋಟೀನ್ಗಳು ಮತ್ತು ಆರೋಗ್ಯಕರ ಕೊಬ್ಬುಗಳಂತಹ ಸಂಪೂರ್ಣ ಆಹಾರ ಸೇವಿಸಿ. ಆಲ್ಕೊಹಾಲ್ ಸೇವನೆ ತ್ಯಜಿಸಿ. ಸಾಕಷ್ಟು ನಿದ್ರೆ ಮಾಡಿ. ಒತ್ತಡ ಮಟ್ಟ ನಿರ್ವಹಿಸಿ.