Weight Loss: ತೂಕ ಇಳಿಸಲು ಬಯಸುವವರು ಬೆಳಗಿನ ಡಯಟ್ ಪ್ಲಾನ್​ ಹೀಗೆ ಮಾಡಿ

ತಿನ್ನುವುದನ್ನು ಬಿಟ್ರೆ ತೂಕವನ್ನು ಕಳೆದುಕೊಳ್ಳಬಹುದು ಎಂದು ಹಲವರು ಭಾವಿಸುತ್ತಾರೆ. ಅದು ನಿಜವಲ್ಲ. ಊಟ ಬಿಡುವುದಕ್ಕಿಂತ ನೀವು ಸರಿಯಾದ ಆಹಾರವನ್ನು ಸೇವಿಸಿದರೆ ತೂಕವನ್ನು ಸುಲಭವಾಗಿ ಇಳಿಸಿಕೊಳ್ಳಬಹುದು. ಜೊತೆಗೆ ವ್ಯಾಯಾಮ, ವರ್ಕೌಟ್ ಇತ್ಯಾದಿಗಳನ್ನು ಮಾಡಬೇಕು. ಅತಿಯಾದ ವರ್ಕೌಟ್ ಮಾಡುವುದೂ ಸರಿಯಲ್ಲ.

ಹೆಚ್ಚಿನ ಹಸಿವು ಎಂದಿಗಿಂತಲೂ ಹೆಚ್ಚು ತಿನ್ನುವಂತೆ ಮಾಡುತ್ತದೆ. ಆದ್ದರಿಂದ ಏನು ತಿನ್ನಬೇಕು ಮತ್ತು ಎಷ್ಟು ತಿನ್ನಬೇಕು ಎಂಬುದರ ಬಗ್ಗೆ ತಿಳಿದುಕೊಳ್ಳೋದು ಮುಖ್ಯ. ನೀವು ಆರೋಗ್ಯವನ್ನು ಕಾಪಾಡಿಕೊಳ್ಳಲು ಉತ್ತಮ ಜೀವನ ಶೈಲಿ ಅನುಸರಿಸಿ.

ಹೆಚ್ಚಿನ ಪ್ರೊಟೀನ್ ಉಪಹಾರ ಸೇವಿಸಿ: ನೀವು ತೂಕ ಇಳಿಸಿಕೊಳ್ಳಲು ಬಯಸಿದರೆ ಹೆಚ್ಚಿನ ಪ್ರೋಟೀನ್ ಆಹಾರವನ್ನು ಸೇವಿಸಿ. ಏಕೆಂದರೆ ಪ್ರೋಟೀನ್ ಗಳು ಬೇಗ ಜೀರ್ಣವಾಗುವುದಿಲ್ಲ. ಅವುಗಳನ್ನು ಜೀರ್ಣಿಸಿಕೊಳ್ಳಲು ನಮ್ಮ ದೇಹವು ಹೆಚ್ಚಿನ ಕ್ಯಾಲೊರಿಗಳನ್ನು ಬಳಸುತ್ತದೆ.

ಕೊಬ್ಬುಗಳು, ಕಾರ್ಬೋಹೈಡ್ರೇಟ್ಗಳಿಗಿಂತ ಪ್ರೋಟೀನ್ಗಳು ಹೆಚ್ಚು ಕಾಲ ಹಸಿವು ಇಲ್ಲದಂತೆ ಮಾಡುತ್ತವೆ. ಮೊಟ್ಟೆ, ಮೊಸರು ಮತ್ತು ಮಿಲ್ಕ್ ಶೇಕ್ ಗಳಲ್ಲಿ ಹೆಚ್ಚಿನ ಪ್ರಮಾಣದ ಪ್ರೋಟೀನ್ ಇರುತ್ತದೆ. ಬೆಳಗಿನ ಉಪಹಾರವನ್ನು ಹೆಚ್ಚು ಸೇವಿಸುವುದು ಉತ್ತಮ ಎಂದು ವೈದ್ಯರು ಸೂಚಿಸುತ್ತಾರೆ.

ಸಕ್ಕರೆ ಪಾನೀಯಗಳು ಮತ್ತು ಹಣ್ಣಿನ ರಸವನ್ನು ತಪ್ಪಿಸಿ: ಸಕ್ಕರೆ ಸೇವನೆ ಕಡಿಮೆ ಮಾಡೋದು ಉತ್ತಮ. ಸಕ್ಕರೆಯ ಬದಲು ಕಪ್ಪು ಬೆಲ್ಲವನ್ನು ಬಳಸುವುದು ಇನ್ನೂ ಉತ್ತಮ. ಕೂಲ್ ಡ್ರಿಂಕ್ಸ್ ಮತ್ತು ಸಕ್ಕರೆ ಅಂಶವಿರುವ ಹಣ್ಣಿನ ರಸಗಳನ್ನು ಆದಷ್ಟು ಕಡಿಮೆ ಮಾಡಬೇಕು. ಟೆಟ್ರಾ ಪ್ಯಾಕೆಟ್ಗಳು 100% ನೈಜ ಹಣ್ಣಿನ ರಸವನ್ನು ಹೊಂದಿರುತ್ತವೆ ಎಂದು ಕಂಪನಿಗಳು ಹೇಳುತ್ತವೆ ಅದು ನಿಜವಲ್ಲ

ಊಟಕ್ಕೆ ಅರ್ಧ ಗಂಟೆ ಮೊದಲು ನೀರು ಕುಡಿಯಿರಿ: ದಿನವಿಡೀ ಹೆಚ್ಚು ನೀರು ಕುಡಿಯಿರಿ. ತೂಕ ನಷ್ಟ ಸುಲಭವಾಗುತ್ತದೆ. ಚರ್ಮವು ಆರೋಗ್ಯಕರವಾಗಿರುತ್ತದೆ. ಸಾಮಾನ್ಯವಾಗಿ ಉಪಹಾರದ ನಂತರ ನಾವು ಏನನ್ನೂ ತಿನ್ನುವುದಿಲ್ಲ. ಊಟಕ್ಕೆ ಅರ್ಧ ಗಂಟೆ ಮೊದಲು ಎಳನೀರು ಕುಡಿದರೆ... ಆಹಾರ ಚೆನ್ನಾಗಿ ಜೀರ್ಣವಾಗುತ್ತದೆ.

ಕೆಫೀನ್: ನಮ್ಮ ದೇಹವನ್ನು ಕ್ರಮವಾಗಿ ಇರಿಸಿಕೊಳ್ಳಲು ಕೆಫೀನ್ ಇರುವ ಕಾಫಿ ಮತ್ತು ಟೀ ಕುಡಿಯುವುದು ಉತ್ತಮ. ಹಾಗಾಗಿ ಇವುಗಳನ್ನು ಹೆಚ್ಚು ಕುಡಿಯಬೇಡಿ. ದಿನಕ್ಕೆ ಎರಡು ಕಪ್ಗಳಿಗಿಂತ ಹೆಚ್ಚು ಕಾಫಿ ಕುಡಿಬೇಡಿ

ನಿಮ್ಮ ಆಹಾರ ಯೋಜನೆಯನ್ನು ಕಟ್ಟುನಿಟ್ಟಾಗಿ ಅನುಸರಿಸಿ: ನೀವು ತಿನ್ನುವ ಆಹಾರದ ಬಗ್ಗೆ ಕಟ್ಟುನಿಟ್ಟಾದ ಯೋಜನೆ ರೂಪಿಸಿಕೊಳ್ಳಿ. ಪ್ರತಿದಿನ ಬೆಳಿಗ್ಗೆ ಉಪಹಾರ ತೆಗೆದುಕೊಳ್ಳಿ. ವಾರದಲ್ಲಿ ಒಂದು ದಿನ ಮೊಟ್ಟೆ ಮತ್ತು ಒಂದು ದಿನ ಮಾಂಸ ಅಥವಾ ಮೀನು ತಿನ್ನಿ. ಉತ್ತಮ ಆಹಾರ ಯೋಜನೆಯಿಂದ ಅಧಿಕ ತೂಕವನ್ನು ಸುಲಭವಾಗಿ ಇಳಿಸಿಕೊಳ್ಳಬೇಕು.