Fertility Food: ಬೇಗ ಪ್ರೆಗ್ನೆಂಟ್​ ಆಗ್ಬೇಕು ಅಂದ್ರೆ ಮಿಸ್ ಮಾಡದೇ ಈ ಆಹಾರಗಳನ್ನು ತಿನ್ನಿ

ಕೆಲವೊಮ್ಮೆ ಬಹಳ ಪ್ರಯತ್ನ ಮಾಡಿದರೂ ಸಹ ಗರ್ಭಿಣಿಯಾಗಲು ಸಾಧ್ಯವಾಗುವುದಿಲ್ಲ. ಆದರೆ ತಕ್ಷಣವೇ ಗರ್ಭಿಣಿಯಾಗಲು ಸಹಾಯ ಮಾಡುವ ಕೆಲವು ರೀತಿಯ ಆಹಾರಗಳಿವೆ. ಗಂಡು ಮತ್ತು ಹೆಣ್ಣು ಇಬ್ಬರೂ ಸರಿಯಾದ ಪೋಷಕಾಂಶಯುಕ್ತ ಆಹಾರ ಸೇವನೆ ಮಾಡುವುದು ಬಹಳ ಮುಖ್ಯ.

ನೀವು ಸೇವಿಸುವ ಆಹಾರದ ಆಧಾರದ ಮೇಲೆ, ನಿಮ್ಮ ಕರುಳಿನ ಆರೋಗ್ಯ, ರಕ್ತ ಪರಿಚಲನೆ, ಹಾರ್ಮೋನ್ ಸ್ರವಿಸುವಿಕೆಯು ನಿಯಮಿತವಾಗಿರುತ್ತದೆ. ಇತರ ದೈಹಿಕ ಆರೋಗ್ಯದ ಜೊತೆಗೆ, ನಿಮ್ಮ ಗರ್ಭಧರಿಸುವ ಸಾಧ್ಯತೆಗಳು ಹೆಚ್ಚಾಗುತ್ತದೆ.

ಸಾಲ್ಮನ್
ಸಾಲ್ಮನ್ ಮೀನುಗಳು ಒಮೆಗಾ 3 ಕೊಬ್ಬಿನಾಮ್ಲಗಳನ್ನು ಸಮೃದ್ಧವಾಗಿ ಹೊಂದಿದೆ. ಈ ಮೀನನ್ನು ಬುಲ್ ಕಾರ್ಪ್ ಎಂದೂ ಸಹ ಕರೆಯಲಾಗುತ್ತದೆ. ಈ ಮೀನುಗಳಲ್ಲಿ ಪ್ರೋಟೀನ್ ಅಂಶ ಹೆಚ್ಚಿರುತ್ತದೆ, ಇದನ್ನು ಸೇವನೆ ಮಾಡುವುದರಿಂದ ಸಂತಾನೋತ್ಪತ್ತಿ ಆರೋಗ್ಯ ಸುಧಾರಿಸುತ್ತದೆ.

ಮಾಂಸ
ನೀವು ನಾನ್ ವೆಜ್ ಪ್ರಿಯರಾಗಿದ್ದರೆ ಕೋಳಿ ಹಾಗೂ ಮೇಕೆ ಮಾಂಸ ತಿನ್ನುವುದರ ಬದಲಾಗಿ ಲಿವರ್, ಕಿಡ್ನಿ, ಮೆದುಳು, ಕರುಳು ಮುಂತಾದ ಅಂಗವನ್ನು ತಿನ್ನುವುದು ನಿಮಗೆ ಸಹಾಯ ಮಾಡುತ್ತದೆ. ಇದರಲ್ಲಿ ವಿಟಮಿನ್ ಬಿ, ಕಬ್ಬಿಣ ಹಾಗೂ ಸತು ಹೆಚ್ಚಿರುತ್ತದೆ.

ಮೀನು
ಶೆಲ್ ಹೊಂದಿರುವ ಮೀನುಗಳನ್ನು ನೀವು ಈ ಸಮಯದಲ್ಲಿ ಸೇವಿಸಬೇಕು. ಏಡಿ, ಸೀಗಡಿ, ನಳ್ಳಿ ನಿಮ್ಮ ಫಲವತ್ತತೆ ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇವುಗಳನ್ನು ನಿಯಮಿತವಾಗಿ ಸೇವನೆ ಮಾಡುವುದು ಉತ್ತಮ

ಮೊಟ್ಟೆ
ಮೊಟ್ಟೆಗಳಲ್ಲಿ ಪ್ರೊಟೀನ್ ಸಮೃದ್ಧವಾಗಿರುವುದರಿಂದ ಗರ್ಭಧರಿಸಲು ನಿಮಗೆ ಸಹಾಯ ಮಾಡುತ್ತದೆ. ಇದರಲ್ಲಿ ವಿಟಮಿನ್ ಬಿ 12 ಮತ್ತು ಇ ನಂತಹ ಪೋಷಕಾಂಶಗಳಿದ್ದು, ಇದರ ಹಳದಿ ಲೋಹದಲ್ಲಿರುವ ಪೋಷಕಾಂಶಗಳು ಸಹ ನಿಮಗೆ ಸಹಾಯ ಮಾಡುತ್ತದೆ.

ವಾಲ್ನಟ್ಸ್
ಒಮೆಗಾ 3 ಕೊಬ್ಬಿನಾಮ್ಲಗಳು ಮತ್ತು ಒಮೆಗಾ 6 ಕೊಬ್ಬಿನಾಮ್ಲಗಳನ್ನು ಈ ವಾಲ್ನಟ್ ಸಮೃದ್ಧವಾಗಿ ಹೊಂದಿದ್ದು, ಇದು ಹಾರ್ಮೋನ್ ವ್ಯತ್ಯಾಸವನ್ನು ನಿಯಂತ್ರಿಸಲು ಸಹಕಾರಿ. ಅಲ್ಲದೇ, ಇದು ಮೆದುಳಿನ ಕಾರ್ಯವನ್ನು ಸುಧಾರಿಸುತ್ತದೆ ಹಾಗೂ ಪುರುಷರ ವೀರ್ಯದ ಸಂಖ್ಯೆ ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಬೀನ್ಸ್
ಬೀನ್ಸ್ ಮತ್ತು ಮಸೂರದಂತಹ ಬೇಳೆ ಕಾಳುಗಳಲ್ಲಿ ಪ್ರೋಟೀನ್ ಮತ್ತು ಫೈಬರ್ ಅಧಿಕವಾಗಿದ್ದು, ಇದು ಗರ್ಭಾಶಯದ ಆರೋಗ್ಯವನ್ನು ಸುಧಾರಿಸುತ್ತದೆ. ಇದನ್ನು ದಿನನಿತ್ಯ ನಿಮ್ಮ ಆಹಾರದಲ್ಲಿ ಸೇರಿಸುವುದು ಒಳ್ಳೆಯದು.

ಮೊಸರು
ಮೊಸರು ಮತ್ತು ಬೆಣ್ಣೆಯಲ್ಲಿ ಕ್ಯಾಲ್ಸಿಯಂ, ಪ್ರೋಬಯಾಟಿಕ್, ವಿಟಮಿನ್ ಡಿ ಸಮೃದ್ಧವಾಗಿದ್ದು, ಗರ್ಭಾಶಯದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಮತ್ತು ಬೇಗ ಗರ್ಭಿಣಿಯಾಗಲು ಸಹಾಯ ಮಾಡುತ್ತದೆ.