Health Food: ತುಪ್ಪದ ಬೆಲೆ ದುಬಾರಿ ಅನಿಸ್ತಿದ್ಯಾ? ಹಾಗಾದ್ರೆ ಮನೆಯಲ್ಲಿಯೇ ತಯಾರಿಸಿ, ಆರೋಗ್ಯ ಕಾಪಾಡಿ

ಅಡುಗೆ ಮಾಡುವಾಗ ತುಪ್ಪ ಬಳಸದೇ ಇರುವ ಮನೆಯೇ ಇಲ್ಲ. ಸಾಂಬಾರ್ ಅನ್ನದಿಂದ ಹಿಡಿದು ಬಿರಿಯಾನಿಯವರೆಗೆ ತುಪ್ಪವನ್ನು ಅನೇಕ ಭಕ್ಷ್ಯಗಳಲ್ಲಿ ಸುವಾಸನೆ ಮತ್ತು ಪರಿಮಳಕ್ಕಾಗಿ ಬಳಸಲಾಗುತ್ತದೆ. ಹೀಗಾಗಿ ತುಪ್ಪವು ಅಗತ್ಯ ಮಾಸಿಕ ದಿನಸಿ ವಸ್ತುಗಳ ಪಟ್ಟಿಯಲ್ಲಿ ಸೇರಿದೆ.

ಆದರೆ ತುಪ್ಪ ಕೊಳ್ಳಲು ಸಾಕಷ್ಟು ಹಣ ಖರ್ಚು ಮಾಡಬೇಕು. ಏಕೆಂದರೆ ಅದರ ಬೆಲೆ ದುಬಾರಿ. ಹಾಗಾಗಿ ಕೆಲ ಮಂದಿ ಮನೆಯಲ್ಲಿಯೇ ತುಪ್ಪ ತಯಾರಿಸುತ್ತಾರೆ. ಆದರೆ ತುಪ್ಪ ತಯಾರಿಸಲು ಪ್ರಯತ್ನಿಸಿದಾಗ ಅನೇಕ ಮಂದಿ ವಿಫಲರಾಗುತ್ತಾರೆ. ಅಂತಹವರು ಈ ಟಿಪ್ಸ್ ಫಾಲೋ ಮಾಡಿದರೆ ತುಪ್ಪವನ್ನು ಮನೆಯಲ್ಲಿಯೇ ಸುಲಭವಾಗಿ ತಯಾರಿಸಬಹುದು.

ಮೊಸರು: ಮೊಸರಿನಿಂದ ತುಪ್ಪವನ್ನು ತಯಾರಿಸಬಹುದು. ಪ್ರತಿದಿನ ಬೆಳಗ್ಗೆ ಹಾಲಿನಿಂದ ಮೊಸರನ್ನು ಸಂಗ್ರಹಿಸಿ. ನಂತರ ಅದನ್ನು ಕಂಟೇನರ್ನಲ್ಲಿ ಸಂಗ್ರಹಿಸಿ ಫ್ರಿಜ್ನಲ್ಲಿಡಿ. ಪ್ರತಿದಿನ ಬೆಳಗ್ಗೆ ಮತ್ತು ಸಂಜೆ ಹಾಲು ಕುದಿಸಿದಾಗ ಬರುವ ಕೆನೆಯನ್ನು ಡಬ್ಬಿಯಲ್ಲಿ ತುಂಬಿ. ಹೀಗೆ ಕೆನೆಯನ್ನು 15 ದಿನಗಳವರೆಗೆ ಸಂಗ್ರಹಿಸಿಡಿ.

ಬೆಣ್ಣೆಯನ್ನು ಬೇರ್ಪಡಿಸಿ: ತುಪ್ಪ ಮಾಡಲು ಬೆಣ್ಣೆಯನ್ನು ಮೊದಲು ತೆಗೆಯಬೇಕು. ಹಾಗಾಗಿ ರೆಫ್ರಿಜರೇಟರ್ನಿಂದ ಮೊಸರು ಹಾಕಿದ ಕೆನೆ ಹೆಪ್ಪಾಗಲು 2 ರಿಂದ 3 ಗಂಟೆಗಳ ಕಾಲ ನಾರ್ಮಲ್ ಉಷ್ಣಾಂಶದಲ್ಲಿಡಬೇಕು. ನಂತರ ಮಿಕ್ಸರ್ ಜಾರ್ ಗೆ ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ. ಹಾಗೆ ರುಬ್ಬಿದಾಗ ಬೆಣ್ಣೆ ಬೇರ್ಪಟ್ಟು ಗಟ್ಟಿಯಾಗುತ್ತದೆ. ನಂತರ ದೊಡ್ಡ ಉಂಡೆ  ಆಗುವವರೆಗೂ ಬೆಣ್ಣೆಯನ್ನು ಚೆನ್ನಾಗಿ ರುಬ್ಬಿಕೊಳ್ಳಿ.

ತುಪ್ಪವನ್ನು ಕರಗಿಸಿ : ಬೆಣ್ಣೆಯನ್ನು ಪ್ರತ್ಯೇಕವಾಗಿ ತೆಗೆದುಕೊಂಡ ನಂತರ, ಮೊದಲು ಬಾಣಲೆಯನ್ನು ಒಲೆಯ ಮೇಲೆ ಇಟ್ಟು ಕಾಯಲು ಬಿಡಿ. ಬಳಿಕ ಬೆಣ್ಣೆಯನ್ನು ತೆಗೆದುಕೊಂಡು ಬಾಣಲೆಗೆ ಹಾಕಿ. ಈಗ ಚಮಚದ ಸಹಾಯದಿಂದ ಕಲಕುತ್ತಿರಿ. ಕೆಲವು ನಿಮಿಷಗಳಲ್ಲಿ ಬೆಣ್ಣೆಯು ಕರಗಲು ಪ್ರಾರಂಭವಾಗುತ್ತದೆ.

ನಿಧಾನವಾಗಿ ಬೆಣ್ಣೆಯೆಲ್ಲ ಕರಗಿ ತುಪ್ಪ ಬರಲಾರಂಭಿಸುತ್ತದೆ. ತುಪ್ಪ ಸಂಪೂರ್ಣವಾಗಿ ಹೊರಬಂದ ನಂತರ, ಸ್ಟೌವ್ ಆಫ್ ಮಾಡಿ, ತುಪ್ಪವನ್ನು ಸೋಸಿಕೊಂಡು ಪಾತ್ರೆಯಲ್ಲಿ ಸಂಗ್ರಹಿಸಿ. ಕೆಲವರು ಇದಕ್ಕೆ ಕೆಲವು ಕರಿಬೇವಿನ ಎಲೆಗಳನ್ನು ಸೇರಿಸುತ್ತಾರೆ. ಏಕೆಂದರೆ ಇದನ್ನು ಸೇರಿಸುವುದರಿಂದ ಸುವಾಸನೆಯು ಇನ್ನಷ್ಟು ಹೆಚ್ಚಾಗುತ್ತದೆ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)