Food Tips: ಯುವ ಜನತೆ ರೆಡಿಮೇಡ್​ ಆಹಾರಗಳನ್ನೇ​ ಯಾಕೆ ಹೆಚ್ಚು ಇಷ್ಟಪಡ್ತಾರೆ?

ಹೆಚ್ಚುತ್ತಿರುವ ನಗರೀಕರಣ, ಬಿಡುವಿಲ್ಲದ ಜೀವನಶೈಲಿ ಮತ್ತು ಪ್ರತಿನಿತ್ಯ ಬದಲಾಗುತ್ತಿರುವ ನಮ್ಮ ಆಹಾರ ಪದ್ಧತಿ, ರೆಡಿಮೇಡ್ ಮಿಲ್ಸ್ಗಳು ಮತ್ತು ಹೋಟೆಲ್, ಕಂಪನಿ ಹೀಗೆ ಎಲ್ಲವೂ ಹೆಚ್ಚಾಗುತ್ತಿದೆ.

ಇಂದಿನ ಯುಗದಲ್ಲಿ ನಾವೆಲ್ಲರೂ ಕಾಲಿಗೆ ಗೆಜ್ಜೆ ಕಟ್ಟಿಕೊಂಡು ಓಡುತ್ತಿದ್ದೇವೆ. ಇಂದಿನ ಪೀಳಿಗೆ ಯುವಕರು ಕೆಲಸ, ಶಿಕ್ಷಣ ಮತ್ತು ಜೀವನದ ಜಂಜಾಟದಲ್ಲಿ ಸಿಲುಕಿಕೊಂಡು ಅಲೆದಾಡುತ್ತಿದ್ದಾರೆ. ಆದ್ದರಿಂದ ಎಲ್ಲರೂ ಹೆಚ್ಚಾಗಿ ರೆಡಿಮೇಡ್ ಫುಡ್ಗಳನ್ನು ತಿನ್ನಲು ಆರಂಭಿಸಿದ್ದಾರೆ.

ಸುಲಭವಾಗಿ ರೆಡಿಮೇಡ್ ಫುಡ್ಗಳು ಲಭ್ಯವಿರುವುದರಿಂದ, ಸಮಯವನ್ನು ಉಳಿಸಲು ಸಾಧ್ಯವಾಗುತ್ತದೆ. ಇದರಿಂದ ಆರಾಮದಾಯಕವಾಗಿ ಕೂಡ ಇರಬಹುದಾಗಿದೆ ಎಂದೇ ಹೇಳಬಹುದು. ನೀವು ಬೆಳಿಗ್ಗೆ ಅಡುಗೆ ಮಾಡದಿದ್ದರೆ, ಅಥವಾ ಅಡುಗೆ ಮಾಡಲು ತಡವಾದರೆ, ಸುಲಭವಾಗಿ ಊಟವನ್ನು ಆರ್ಡರ್ ಮಾಡಿ, ಕೆಲಸಕ್ಕೆ ಹೋಗುವಾಗ ದಾರಿ ಮಧ್ಯದಲ್ಲಿಯೇ ತಿನ್ನಬಹುದಾಗಿದೆ.

ಕಳೆದ ಕೆಲವು ವರ್ಷಗಳಿಂದ, ಹೆಚ್ಚುತ್ತಿರುವ ನಗರೀಕರಣ, ಬ್ಯುಸಿ ಲೈಫ್ ಸ್ಟೈಲ್ ಮತ್ತು ಬದಲಾಗುತ್ತಿರುವ ಆಹಾರ ಪದ್ಧತಿಗಳಿಂದ ಹೋಟೆಲ್, ರೆಸ್ಟೋರೆಂಟ್ಗಳು ಸಾಕಷ್ಟು ಅಭಿವೃದ್ಧಿಗೊಳ್ಳುತ್ತಿದೆ. ಅಷ್ಟಕ್ಕೂ ಯುವಜನತೆ ಹೆಚ್ಚಾಗಿ ರೆಡಿಮೇಡ್ ಫುಡ್ಗಳನ್ನು ಆರ್ಡರ್ ಮಾಡಿಕೊಂಡು ತಿನ್ನಲು ಕಾರಣವೇನು ಗೊತ್ತಾ? ಇಲ್ಲಿದೆ ನೋಡಿ.

ಅನುಕೂಲ: ಟೈ ಟೇಬಲ್ ಫಾಲೋ ಮಾಡುವುದರಲ್ಲಿ ಬ್ಯುಸಿ ಆಗಿರುವ ಯುವಕರಿಗೆ ರೆಡಿ-ಟು-ಈಟ್ ಮಿಲ್ಸ್ ಬಹಳ ಅತ್ಯುತ್ತಮ ಆಯ್ಕೆ ಆಗಿದೆ. ಅಡುಗೆ ಮಾಡಲು ತಿಳಿದಿಲ್ಲದವರಿಗೆ ಇದು ಸಹಾಯಕವಾಗಿದೆ. ಜೀರಾ ರೈಸ್, ಚೋಲೆ ಮಸಾಲ, ಬಿಂದಿ ಮಸಾಲ ಮುಂತಾದ ಹಲವು ರೆಡಿಮೇಡ್ ಫುಡ್ಗಳು ಲಭ್ಯವಿದೆ. ಇವೆಲ್ಲವನ್ನು ಸೆಕೆಂಡುಗಳಲ್ಲಿ ತಯಾರಿಸಬಹುದು ಮತ್ತು ಕೆಲಸಕ್ಕೆ ಹೋಗುವಾಗ ಆರಾಮವಾಗಿ ತಿನ್ನಬಹುದು. ಹಾಗಾಗಿ ಯುವಕರು ಇದರತ್ತ ವಾಲಿದ್ದಾರೆ.

ಲೆಕ್ಕವಿಲ್ಲದಷ್ಟು ವೆರೈಟಿ ಫುಡ್ಗಳು: ಸುಲಭವಾಗಿ ಸಿಗುವುದಷ್ಟೇ ಅಲ್ಲದೇ ಸಾಕಷ್ಟು ವೆರೈಟಿ ಫುಡ್ಗಳು ಲಭ್ಯವಿದ್ದು, ಈ ಟೇಸ್ಟಿ ಆಹಾರಗಳು ಯುವಜನತೆಯನ್ನು ಆಕರ್ಷಿಸುತ್ತಿದೆ. ಸಾಕಷ್ಟು ಸಮಯ, ಹೊಸ ರುಚಿ, ವೆರೈಟಿ ಫುಡ್ ಆನಂದಿಸಲು ಇದು ಸಹಾಯಕವಾಗಿದೆ. ಹಾಗಾಗಿ ರೆಡಿ-ಟು-ಈಟ್ ಫುಡ್ಗೆ ಹೆಚ್ಚಾಗಿ ಜನರು ಆದ್ಯತೆ ನೀಡುತ್ತಾರೆ.

ಕನಿಷ್ಠ ವ್ಯರ್ಥ: RTE ಆಹಾರಗಳು ಸೀಮಿತ ಪ್ರಮಾಣದ ಪ್ಯಾಕೇಜಿಂಗ್ನಲ್ಲಿ ಬರುತ್ತವೆ. ಆದ್ದರಿಂದ, ಇದು ಆಹಾರ ತ್ಯಾಜ್ಯವನ್ನು ಕಡಿಮೆ ಮಾಡುತ್ತದೆ. ಇದು ಪರಿಸರ ಸ್ನೇಹಿ ಆಯ್ಕೆಯಾಗಿದೆ. ಈ ರೀತಿಯ ಆಹಾರಗಳು ಪರಿಸರದ ಮೇಲೆ ಯಾವುದೇ ಪ್ರಭಾವ ಬೀರುವುದಿಲ್ಲ. ಹಾಗಾಗಿ ಇಂದಿನ ಯುಗದಲ್ಲಿ ಬೆಳೆಯುತ್ತಿರುವವರು ಆಹಾರ ತ್ಯಾಜ್ಯವನ್ನು ಬಹಳ ಕಡಿಮೆ ಬಳಸುತ್ತಾರೆ.

ಕೈಗೆಟುಕುವ ಬೆಲೆ : ಹೋಟೆಲ್ನಲ್ಲಿ ತಿನ್ನಲು ಬಜೆಟ್ ಹೊಂದಿರದವರು. ಫುಡ್ ಅಪ್ಲಿಕೇಶನ್ನಲ್ಲಿ ಆಗಾಗ ಆರ್ಡರ್ ಮಾಡಿ ತಿನ್ನುತ್ತಾರೆ. ಇದರಲ್ಲಿ ಅವರ ಬಳಿ ಇರುವ ವೆಚ್ಚದಲ್ಲಿಯೇ ಆಹಾರ ಸಿಗುತ್ತದೆ. ವಿವಿಧ ವಿಧಗಳು, ಬೆಲೆಗಳು ಮತ್ತು ಪ್ಯಾಕ್ ಗಾತ್ರಗಳೊಂದಿಗೆ, RTE ಊಟವು ಯುವಜನತೆಗೆ ಒದಗಿಸುತ್ತಿದೆ. ಅಲ್ಲದೇ ರುಚಿಕರವಾದ ಆಹಾರವನ್ನು ಕೂಡ ಒದಗಿಸುತ್ತದೆ.

ಪ್ರಯಾಣ ಸ್ನೇಹಿ : RTE ಊಟವು ಪ್ರಯಾಣ ಸ್ನೇಹಿಯಾಗಿದೆ. ಪ್ಯಾಕೇಜಿಂಗ್ ಕಾಂಪ್ಯಾಕ್ಟ್ ಆಗಿರುವುದರಿಂದ, ನೀವು ಕೆಲಸಕ್ಕೆ ಹೋಗುವ ದಾರಿಯಲ್ಲಿಯೂ ಅದನ್ನು ಇತರ ಊಟಗಳೊಂದಿಗೆ ಸುಲಭವಾಗಿ ತಿನ್ನಬಹುದು. ಹೆಚ್ಚು ಪ್ರಯಾಣ ಮಾಡುವ ಯುವಕರಿಗೆ ಇದು ಉತ್ತಮ ಆಯ್ಕೆಯಾಗಿದೆ ಎಂಬುದರಲ್ಲಿ ಸಂದೇಹವಿಲ್ಲ.