Weight Gain Tips: ಸಿಕ್ಕಿದ್ದೆಲ್ಲಾ ತಿಂದ್ರೆ ದಪ್ಪ ಆಗೋದಿಲ್ಲ ಕಣ್ರೀ, ಈ ಟಿಪ್ಸ್​ ಫಾಲೋ ಮಾಡಿ ಸಾಕು!

ಅದೆಷ್ಟೋ ಜನರು ತಾವು ಸಣ್ಣ ಆಗಬೇಕು ಅಂತ ಟ್ರೈ ಮಾಡ್ತಾ ಇದ್ರೆ, ಇನ್ನೂ ಅದೆಷ್ಟೋ ಜನರು ದಪ್ಪ ಆಗಬೇಕು ಅಂತ ತುಂಬಾ ಸಾಹಸ ಮಾಡ್ತಾ ಇರ್ತಾರೆ. ನಿಮಗಾಗಿ ಇಲ್ಲಿದೆ ಒಂದಷ್ಟು ಟಿಪ್ಸ್​.

ಏನೆಲ್ಲಾ ತಿಂದ್ರೆ ದಪ್ಪ ಆಗೋದಿಲ್ಲ. ಈ ರೀತಿಯಾಗಿ ನಿಮ್ಮ ಜೀವನ ಶೈಲಿ ಆಗಲೇಬೇಕು. ಇಲ್ಲದಿದ್ದಲ್ಲಿ ನೀವು ಅಂದುಕೊಂಡ ಹಾಗೆ ಆಗೋದಿಲ್ಲ.

ರಾತ್ರಿಯೇ ನೀರಿನಲ್ಲಿ ಬಾದಾಮಿ ಮತ್ತು ಒಣ ದ್ರಾಕ್ಷಿಯನ್ನು ನೆನೆಸಿಡಿ. ಬೆಳಗ್ಗೆ ಎದ್ದು ಬಾದಾಮಿಯ ಸಿಪ್ಪೆ ತೆಗೆದು ತಿನ್ನಿ ಮತ್ತು ದ್ರಾಕ್ಷಿ ತಿಂದು ಆ ನೀರನ್ನು ಕುಡಿಯಬೇಕು. ಕನಿಷ್ಠ 6 ತಿಂಗಳಾದ್ರೂ ಈ ರೀತಿಯಾಗಿ ಟ್ರೈ ಮಾಡಿ.

ಸ್ನಾಯುಗಳನ್ನು ಬಲಪಡಿಸಲು ಅಧಿಕ ಪ್ರೊಟೀನ್‌ವುಳ್ಳ ಆಹಾರ ತಿನ್ನಿ. ಧಾನ್ಯಗಳು, ರಾಜ್ಮಾ, ಕಡಲೆ ಕಾಳು, ಉದ್ದಿನ ಕಾಳು, ಮೀನು, ಮಾಂಸ, ಮೊಸರು ಮತ್ತು ಮೊಟ್ಟೆ ತಿನ್ನಿ.

ತೂಕ ಹೆಚ್ಚಿಸಿಕೊಳ್ಳಬೇಕಾದರೆ ಹಾಲು ಕುಡಿಯಬೇಕು. ಹಾಲಿನಲ್ಲಿ ಆರೋಗ್ಯಕ್ಕೆ ಉಪಯುಕ್ತವಾದ ಹಲವಾರು ಪೌಷ್ಟಿಕಾಂಶಗಳಿವೆ. ನಿತ್ಯವೂ ಹಾಲಿಗೆ ಅಶ್ವಗಂಧ ಪುಡಿ ಹಾಕಿಕೊಂಡು ಕುಡಿಯುವುದರಿಂದ ತೂಕ ಹೆಚ್ಚಲು ಸಹಾಯ ಆಗುತ್ತದೆ.

ಬಾಳೆಹಣ್ಣು ಮತ್ತು ಹಾಲು ತೂಕ ಹೆಚ್ಚಿಸಲು ಅತ್ಯಂತ ಪ್ರಯೋಜನಕಾರಿ. ಬೆಳಗ್ಗಿನ ಹೊತ್ತು ಬಾಳೆಹಣ್ಣು ಮತ್ತು ಹಾಲನ್ನು ಜೀರ್ಣ ಮಾಡಿಕೊಳ್ಳಲು ಕಷ್ಟ ಆಗುವವರು, ಅದರ ಬದಲಿಗೆ ಬೆಳಗ್ಗೆ ಮೊಸರು ಮತ್ತು ಬಾಳೆ ಹಣ್ಣು ತಿನ್ನಬಹುದು.

ಆರೋಗ್ಯಕರವಾಗಿ ದಪ್ಪ ಆಗಲು ನೀವು ವ್ಯಾಯಾಮವನ್ನು ಮಾಡಿ. ಪ್ರತಿನಿತ್ಯ ನೀವು ಯೋಗಾಸನ, ವ್ಯಾಯಾಮ ಮಾಡೋದ್ರಿಂದ ಪಕ್ಕಾ ಫಿಟ್​ ಆಗ್ತೀರ.

ನಿಮ್ಮ ಎರಡು ಊಟದ ಮಧ್ಯೆ ಏನನ್ನಾದರೂ ತಿನ್ನಿ. ಮನೆಯಲ್ಲೇ ತಯಾರಿಸಿದ ಲಡ್ಡು, ಮಿಲ್ಕ್‌ ಶೇಕ್ , ಬೇಯಿಸಿದ ಕಡಲೆ, ಪನ್ನೀರ್‌ ಸ್ಯಾಂಡ್‍ವಿಚ್, ಸಬ್ಬಕ್ಕಿ ಪಾಯಸ, ಜೋಳದ ಸಲಾಡ್, ಖರ್ಜೂರ, ಬೆಲ್ಲ , ಕಡಲೆ, ಬಾದಾಮಿ-ಒಣ ದ್ರಾಕ್ಷಿ ತಿನ್ನಬಹುದು. ಅದು ನಿಮಗೆ ಶಕ್ತಿ ನೀಡುತ್ತದೆ ಹಾಗೂ ತೂಕವನ್ನೂ ಹೆಚ್ಚಿಸುತ್ತದೆ.

ಶತಾವರಿ ಪುಡಿಯನ್ನು ಆಯುರ್ವೇದದಲ್ಲಿ ಅತ್ಯಂತ ಪರಿಣಾಮಕಾರಿ ಎಂದು ಪರಿಗಣಿಸಲಾಗುತ್ತದೆ. ಅದನ್ನು ಹಾಲಿನೊಂದಿಗೆ ಕುಡಿದರೆ ತೂಕ ಹೆಚ್ಚುತ್ತದೆ. ಅದನ್ನು ತೆಗೆದುಕೊಳ್ಳುವಾಗ, ನೀವು ಅಧಿಕ ಪ್ರೋಟೀನ್‌ವುಳ್ಳ ಆಹಾರ ಸೇವಿಸುವುದು ಕೂಡ ಅಗತ್ಯವಾಗುತ್ತದೆ.