Mangoes: ಬೇಸಿಗೆಯಲ್ಲಷ್ಟೇ ಅಲ್ಲ ಹೀಗೆ ಮಾಡಿದ್ರೆ ಎಲ್ಲ ಸೀಸನ್​​ನಲ್ಲೂ ಮಾವಿನ ಹಣ್ಣು ತಿನ್ನಬಹುದು!

ಮಾರುಕಟ್ಟೆಯಿಂದ ತಂದ ಮಾವಿನ ಹಣ್ಣು ಸ್ವಲ್ಪ ದಿನಗಳ ನಂತರ ಹಾಳಾಗುತ್ತದೆ. ಫ್ರಿಜ್ನಲ್ಲಿಟ್ಟರೆ ಒಂದೋ, ಎರಡೋ ವಾರ ಶೇಖರಣೆ ಮಾಡಬಹುದು. ಅದಕ್ಕಿಂತ ಹೆಚ್ಚು ದಿನಗಳ ಕಾಲ ಸಂಗ್ರಹಿಸಲು ಸಾಧ್ಯವಾಗುವುದಿಲ್ಲ. ಆದರೆ ಕೆಲವು ಸಿಂಪಲ್ ಟಿಪ್ಸ್ ಮೂಲಕ ಮಾವಿನ ಹಣ್ಣಿನ್ನು ಎಲ್ಲ ಸೀಸನ್ನಲ್ಲಿ ಬೇಕಾದರೂ ಸವಿಯಬಹುದು.

ನೀವು ಮಾವಿನ ಹಣ್ಣನ್ನು ದೀರ್ಘಕಾಲ ಸಂಗ್ರಹಿಸಲು ಬಯಸಿದರೆ, ವಾಟೆ ಜೊತೆಗೆ ಸಿಪ್ಪೆಯನ್ನು ತೆಗೆದುಹಾಕಿ. ಅದಾದ ನಂತರ, ಮಾವಿನ ಹಣ್ಣಿನ ಮೇಲೆ ಸ್ವಲ್ಪ ಸಕ್ಕರೆಯನ್ನು ಸಿಂಪಡಿಸಿ, ಅದನ್ನು ಎರಡು ಮೂರು ಗಂಟೆಗಳ ಕಾಲ ಫ್ರಿಜ್ನಲ್ಲಿಡಿ. ನಂತರ ಅದನ್ನು ಗಾಳಿಯಾಡದ ಕಂಟೇನರ್ ನಲ್ಲಿ ಫ್ರೀಜರ್ ನಲ್ಲಿ ಶೇಖರಿಸಿಡಬಹುದು.

ಮಾವಿನಹಣ್ಣನ್ನು ಆಫ್-ಸೀಸನ್ನಲ್ಲಿ ಆನಂದಿಸಲು ಐಸ್ ಕ್ಯೂಬ್ಗಳ ರೂಪದಲ್ಲಿ ಸಂಗ್ರಹಿಸಬಹುದು. ಇದಕ್ಕಾಗಿ ಮಾವಿನ ಹಣ್ಣಿನ ತಿರುಳಿನಿಂದ ಪ್ಯೂರೀಯನ್ನು ತಯಾರಿಸಿ ಐಸ್ ಟ್ರೇಗೆ ಹಾಕಿ. ಅದು ಹೆಪ್ಪುಗಟ್ಟಿದ ನಂತರ ಈ ಕ್ಯೂಬ್ಗಳನ್ನು ಗಾಳಿಯಾಡದ ಕಂಟೇನರ್ ನಲ್ಲಿ ಫ್ರೀಜರ್ ನಲ್ಲಿ ಶೇಖರಿಸಿಡಬಹುದು.

ಮಾವಿನ ಹಣ್ಣನ್ನು ತಿಂಗಳುಗಟ್ಟಲೆ ಶೇಖರಿಸಿಡಬೇಕೆಂದರೆ, ಅದರ ತಿರುಳನ್ನು ತೆಗೆದು ಮಿಕ್ಸಿಗೆ ಹಾಕಿ, ನುಣ್ಣಗೆ ರುಬ್ಬಿಕೊಳ್ಳಿ. ಇದನ್ನು ಗಾಜಿನ ಬಾಟಲಿ ಅಥವಾ ಪಾತ್ರೆಯಲ್ಲಿ ತುಂಬಿ ಫ್ರಿಜ್ ನಲ್ಲಿಡಬೇಕು. ಮಳೆಗಾಲದಲ್ಲೂ ಇದನ್ನು ಬಳಸಬಹುದು. ಮ್ಯಾಂಗೋ ಶೇಕ್, ಶ್ರೀಖಂಡ್, ಐಸ್ ಕ್ರೀಂ ಮಾಡಲು ಇದನ್ನು ಬಳಸಬಹುದು.

ಬೇಸಿಗೆಯ ಕೊನೆಯಲ್ಲಿ, ಪೂರ್ತಿ ಹಣ್ಣಾಗದ ಮಾವಿನ ಹಣ್ಣುಗಳನ್ನು ತಂದು ಕತ್ತಲಿರುವ ಜಾಗದಲ್ಲಿ ಇಡಬೇಕು. ಹೀಗೆ ಮಾಡಿದರೆ ಸುಮಾರು ಒಂದು ತಿಂಗಳವರೆಗೆ ಮಾವಿನಹಣ್ಣು ಕೆಡುವುದಿಲ್ಲ. ಮೇ ಅಂತ್ಯದಲ್ಲಿ ಹೀಗೆ ಮಾಡಿದರೆ, ಜೂನ್ ಅಂತ್ಯದವರೆಗೂ ಮಾವಿನ ರುಚಿಯನ್ನು ಸವಿಯಬಹುದು.

ಮಾವಿನ ಹಣ್ಣನ್ನು ದೀರ್ಘಕಾಲದವರೆಗೆ ತಾಜಾವಾಗಿಡಲು, ಅವುಗಳನ್ನು ಕಾಗದದಲ್ಲಿ ಸುತ್ತಿ ಕತ್ತಲೆಯ ಸ್ಥಳದಲ್ಲಿ ಸಂಗ್ರಹಿಸಬೇಕು. ಈ ರೀತಿ ಮಾಡುವುದರಿಂದ ಮಾವು ಬೇಗ ಹಾಳಾಗುವುದು ತಪ್ಪುತ್ತದೆ. ಹೆಚ್ಚು ಕಾಲ ಫ್ರೆಶ್ ಆಗಿರುತ್ತದೆ.

(Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)