Fish Bone Stuck in Throat: ಬಾಳೆಹಣ್ಣು ತಿಂದಷ್ಟು ಸುಲಭವಲ್ಲ ಮೀನು ತಿನ್ನೋದು; ಗಂಟಲಲ್ಲಿ ಮುಳ್ಳು ಸಿಲುಕಿಕೊಂಡ್ರೆ ಹೀಗೆ ಮಾಡಿ!

ಮೀನು ತಿನ್ನುವುದು ಅಂದ್ರೆ ಬಾಳೆಹಣ್ಣು ತಿಂದಷ್ಟು ಸುಲಭವಲ್ಲ. ಆದರೆ ಮೀನಿನಲ್ಲಿರುವ ಪ್ರಯೋಜನಗಳನ್ನು ತಿಳಿದವರು ಮೀನಿನಿಂದ ದೂರ ಇರಲಾರರು. ಅಲ್ಲದೇ ಮೀನು ಅಂದರೆ ಅದೆಷ್ಟೋ ಮಂದಿಗೆ ತುಂಬಾ ಇಷ್ಟ. ಇಂತಹ ಮೀನನ್ನು ತಿನ್ನುವಾಗ ಮುಳ್ಳು ಸಿಗುವುದು ತುಂಬಾ ಸಾಮಾನ್ಯ.

ಒಂದು ಬಾರಿ ಮೀನಿನ ಮುಳ್ಳು ಗಂಟಲಿಗೆ ಸಿಲುಕಿಕೊಂಡರೆ, ಅದನ್ನು ಹೊರಗೆ ತೆಗೆಯುವುದು ತುಂಬಾ ಕಷ್ಟ. ನೀವು ಎಷ್ಟೇ ಪ್ರಯತ್ನಿಸಿದರೂ ಮುಳ್ಳನ್ನು ತೆಗೆಯಲು ಆಗುವುದಿಲ್ಲ. ಇಂತಹ ವೇಳೆ ಮೀನಿನ ಮುಳ್ಳನ್ನು ಈ ಟಿಪ್ಸ್ ಫಾಲೋ ಮಾಡುವ ಮೂಲಕ  ಸುಲಭವಾಗಿ ತೆಗೆಯಬಹುದು.

ಮೀನು ತಿನ್ನುವಾಗ ತುಂಬಾ ಜಾಗರೂಕರಾಗಿರಿ. ಕೇರ್​ಲೆಸ್ ಆಗಿ ತಿನ್ನಬೇಡಿ. ಒಂದು ವೇಳೆ ಮೀನಿನ ಮುಳ್ಳು ಗಂಟಲಲ್ಲಿ ಸಿಲುಕಿಕೊಂಡರೆ ಬಾಳೆಹಣ್ಣು ತಿನ್ನಿ. ಬಾಳೆಹಣ್ಣು ಜಾರು ಸ್ವಭಾವದವು. ಇದು ಗಂಟಲಿನಿಂದ ಮುಳ್ಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ಬಾಳೆಹಣ್ಣಿನೊಂದಿಗೆ ಮುಳ್ಳು ಕೂಡ ಹೊಟ್ಟೆಯೊಳಗೆ ಹೋಗುತ್ತದೆ. ಕ್ರಮೇಣ ಆಮ್ಲವು ಮುಳ್ಳನ್ನು ಕರಗಿಸಲು ಸಾಧ್ಯವಾಗುತ್ತದೆ.

ನಿಂಬೆ ಹಣ್ಣಿಗೆ ಸ್ವಲ್ಪ ಉಪ್ಪು ಸೇರಿಸಿ, ಆ ರಸವನ್ನು ಕುಡಿಯಿರಿ. ನಿಂಬೆಯ ಸಿಟ್ರಿಕ್ ಆಮ್ಲವು ಮುಳ್ಳನ್ನು ಮೃದುಗೊಳಿಸುತ್ತದೆ ಮತ್ತು ಹೊಟ್ಟೆಗೆ ಹೋಗುತ್ತದೆ. ಇದು ವಿನೆಗರ್ ಅನ್ನು ನೀರಿನಲ್ಲಿ ಬೆರೆಸಿ ಕುಡಿಯುವುದು ಅಥವಾ ಸೋಡಾ ಕುಡಿದಂತೆ ಇರುತ್ತದೆ.

ಅನ್ನವನ್ನು ಸಣ್ಣ ಉಂಡೆಗಳನ್ನಾಗಿ ಮಾಡಿ ಮತ್ತು ಅವುಗಳನ್ನು ಒಂದೊಂದಾಗಿ ನುಂಗುತ್ತ ಬನ್ನಿ.  ಬಾಳೆಹಣ್ಣಿನಂತೆಯೇ, ಅನ್ನವು ಮುಳ್ಳನ್ನು ಕೆಳಕ್ಕೆ ಕಳುಹಿಸಲು ಸಾಧ್ಯವಾಗುತ್ತದೆ. ಆದರೆ ಅಗಿಯಬೇಡಿ. ಅದು ಕೆಲಸ ಮಾಡುವುದಿಲ್ಲ. ಹೀಗೆ ಮಾಡುವ ಮೂಲಕ ಮೀನಿನ ಮುಳ್ಳಿನ ಸಮಸ್ಯೆಗೆ ಪರಿಹಾರ ಸಿಗುತ್ತದೆ.

ಜೋರಾಗಿ ಕೆಮ್ಮಲು ಪ್ರಯತ್ನಿಸಿ. ಹೆಚ್ಚಾಗಿ ಮೀನಿನ ಮುಳ್ಳುಗಳು ನಿಮ್ಮ ಗಂಟಲಿನ ಹಿಂಭಾಗದಲ್ಲಿ, ಟಾನ್ಸಿಲ್ಗಳ ಸುತ್ತಲೂ ಸಿಲುಕಿಕೊಳ್ಳುತ್ತವೆ. ಜೋರಾಗಿ ಕೆಮ್ಮಿದರೆ ಮುಳ್ಳು ಕಿತ್ತು ಹೋಗಿ, ಹೊರಗೆ ಬರಬಹುದು.

ಆಪಲ್ ಸೈಡರ್ ವಿನೆಗರ್ ಅನ್ನು ನೇರವಾಗಿ ತೆಗೆದುಕೊಳ್ಳಬಾರದು. ಇದನ್ನು ಸ್ವಲ್ಪ ನೀರಿನಲ್ಲಿ ಬೆರೆಸಿ ಕುಡಿಯಿರಿ. ವಿನೆಗರ್ ನಿಂಬೆಯಂತೆ ಕೆಲಸ ಮಾಡುತ್ತದೆ. (Disclaimer: ಈ ಲೇಖನವು ಅಂತರ್ಜಾಲದಲ್ಲಿ ಲಭ್ಯವಿರುವ ವರದಿಗಳು, ಮಾಹಿತಿಯನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)