Fennel Seeds: ಊಟ ಆದ್ಮೇಲೆ ಸೋಂಪು ಕಾಳು ತಿನ್ನೋದು ಇದೇ ಕಾರಣಕ್ಕೆ!

ಸಾಮಾನ್ಯವಾಗಿ ನಾವು ಹೋಟೆಲ್​ಗಳಿಗೆ ಊಟ ಮಾಡಲು ಹೋದಾಗ, ಪ್ರತೀ ಟೇಬಲ್ ಮೇಲೆಯೂ ಒಂದು ಬಟ್ಟಲಿನಲ್ಲಿ ಸೋಂಪು ಕಾಳನ್ನು ಇಟ್ಟಿರುವುದನ್ನು ನೋಡಿದ್ದೇವೆ. ಜನರು ಊಟವಾದ ಬಳಿಕ ನಾಲ್ಕು ಕಾಳು ಸೋಂಪನ್ನು ಎತ್ತಿ ಬಾಯಿಗೆ ಹಾಕಿಕೊಳ್ಳುತ್ತಾರೆ. ಈ ಕಾಳುಗಳು ಮೌತ್ ಫ್ರೆಶ್ನರ್​​ ಆಗಿ ಕಾರ್ಯನಿರ್ವಹಿಸುತ್ತವೆ ಎಂದು ಹೇಳಿದರೆ ತಪ್ಪಾಗಲಾರದು. ಅಷ್ಟಕ್ಕೂ ಈ ಸೋಂಪು ಕಾಳನ್ನು ತಿನ್ನುವುದರಿಂದ ಏನೆಲ್ಲಾ ಲಾಭಗಳಿವೆ? ಎಂಬುದನ್ನು ಇಲ್ಲಿ ನೋಡೋಣ.

ಈ ಸೋಂಪು ಕಾಳುಗಳು ನಮ್ಮ ದೇಹವನ್ನು ತಂಪಾಗಿಡುತ್ತವೆ.

ಬಾಯಿಯ ದುರ್ವಾಸನೆ ಹೋಗಲಾಡಿಸಲು ಸೋಂಪು ಉತ್ತಮವಾಗಿದೆ. ಆದ್ದರಿಂದ ಬಾಯಿಯಲ್ಲಿ ಆಹಾರದ ವಾಸನೆ ಬರದಂತೆ ಮೌತ್ ಫ್ರೆಶ್ನರ್​​ ಆಗಿ ನೀಡಲಾಗುತ್ತದೆ.

ಸೋಂಪು ಕಾಳು ಜೀರ್ಣಕ್ರಿಯೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.

ಸೋಂಪು ನೆನೆಸಿದ ನೀರು ಅಸ್ತಮಾಗೆ ತುಂಬಾ ಪ್ರಯೋಜನಕಾರಿಯಾಗಿದೆ.

ರಕ್ತದೊತ್ತಡವನ್ನು ನಿಯಂತ್ರಿಸುವಲ್ಲಿ ಸೋಂಪು ಸಹ ಪರಿಣಾಮಕಾರಿಯಾಗಿದೆ.

ಸೋಂಪು ಕಾಳು ಗರ್ಭಿಣಿಯರಿಗೂ ಒಳ್ಳೆಯದು. ಈ ಮಸಾಲೆ ಪದಾರ್ಥ ವಾಕರಿಕೆಯನ್ನು ಹೋಗಲಾಡಿಸುತ್ತದೆ.

ಕೊಲೆಸ್ಟ್ರಾಲ್ ಅನ್ನು ನಿಯಂತ್ರಿಸುವಲ್ಲಿ ಸೋಂಪು ತುಂಬಾ ಪರಿಣಾಮಕಾರಿಯಾಗಿದೆ. ಆದ್ದರಿಂದ ಕೊಲೆಸ್ಟ್ರಾಲ್ ಸಮಸ್ಯೆಯಿದ್ದರೆ ಸೋಂಪು ಕಾಳು ನೆನೆಸಿದ ನೀರನ್ನು ಕುಡಿಯಬಹುದು. (Disclaimer: ಈ ವರದಿಯು ಸಾಮಾನ್ಯ ಮಾಹಿತಿಗಾಗಿ ಮಾತ್ರ, ಆದ್ದರಿಂದ ಯಾವಾಗಲೂ ವಿವರಗಳಿಗಾಗಿ ತಜ್ಞರ ಸಲಹೆಯನ್ನು ಪಡೆಯಿರಿ.)