Food And Health: ಸದಾ ಆರೋಗ್ಯವಾಗಿ ಇರಬೇಕಾ? ಈ ಆಹಾರಗಳಿಂದ ದೂರ ಇರಿ!

ನೀವು ತಿನ್ನುವ ಆಹಾರ ಪದಾರ್ಥಗಳು ನಿಮ್ಮ ಆರೋಗ್ಯ ಚೆನ್ನಾಗಿಡಲು ಮತ್ತು ಹಾಳಾಗಲು ಕಾರಣವಾಗುತ್ತವೆ. ಹಾಗಾಗಿ ನೀವು ತಿನ್ನುವ ಆಹಾರದ ಬಗ್ಗೆ ಹೆಚ್ಚು ಕಾಳಜಿ ವಹಿಸುವುದು ತುಂಬಾ ಮುಖ್ಯ. ಕೆಲವು ಪದಾರ್ಥಗಳು ಮಾರುಕಟ್ಟೆಯಲ್ಲಿ ಸರಾಗವಾಗಿ ಸಿಗುತ್ತವೆ. ಆದರೆ ಅವುಗಳು ಆರೋಗ್ಯಕ್ಕೆ ಸಾಕಷ್ಟು ಹಾನಿ ಮಾಡುವ ಅಪಾಯವಿದೆ.

ಪ್ಯಾಕ್ ಮಾಡಿದ ಆಹಾರಗಳು ಇಂದು ಬಹುತೇಕರ ಮನೆಗಳಲ್ಲಿದೆ. ಬಹಳ ಜನರು ಇವುಗಳನ್ನು ಉತ್ಸಾಹದಿಂದ ಇಷ್ಟಪಟ್ಟು ತಿನ್ನುತ್ತಾರೆ. ಇವುಗಳ ಸೇವನೆಯು ನಮ್ಮ ಆರೋಗ್ಯಕ್ಕೆ ಹಾನಿಕಾರಕ ಆಗಿದೆ ಅಂತಾರೆ ತಜ್ಞರು. ಈ ಪದಾರ್ಥಗಳು ದೇಹಕ್ಕೆ ಒಂದು ದಿನದ ಸಮಸ್ಯೆಯಲ್ಲ. ಜೀವನದುದ್ದಕ್ಕೂ ಸಮಸ್ಯೆ ತಂದೊಡ್ಡುತ್ತವೆ.

ಇವುಗಳ ಅತಿಯಾದ ಸೇವನೆಯು ಯಕೃತ್ತು, ಮೂತ್ರಪಿಂಡ ಮತ್ತು ದೇಹದ ಇತರ ಅಗತ್ಯ ಅಂಗಗಳ ಮೇಲೆ ಪರಿಣಾಮ ಬೀರುತ್ತದೆ. ಬಿಡುವಿಲ್ಲದ ಜೀವನಶೈಲಿಯಲ್ಲಿ ನೀವು ಈ ತರಹದ ಆಹಾರ ಸೇವಿಸುವುದು ನಿಮ್ಮ ಆರೋಗ್ಯವನ್ನು ಸಾಕಷ್ಟು ಹಾಳು ಮಾಡುತ್ತದೆ.

ತ್ವರಿತ ಆಹಾರವು ನಿಮ್ಮ ಆರೋಗ್ಯವನ್ನು ಹಾಳು ಮಾಡುತ್ತದೆ. ತಂಪು ಪಾನೀಯ ಸೇವನೆಯು ಆರೋಗ್ಯ ಹಾಳು ಮಾಡುತ್ತವೆ. ತಂಪು ಪಾನೀಯ ಸೇವನೆಯಿಂದ ಯಕೃತ್ತು, ಮೂತ್ರಪಿಂಡಗಳು, ಹಲ್ಲುಗಳು, ಆಸ್ಟಿಯೊಪೊರೋಸಿಸ್, ಖಿನ್ನತೆ, ಹೃದಯ ಸಂಬಂಧಿ ಕಾಯಿಲೆಗಳು ಇತ್ಯಾದಿಗಳ ಅಪಾಯ ಹೆಚ್ಚಿಸುತ್ತದೆ. ದೇಹದಲ್ಲಿನ ಸಕ್ಕರೆಯ ಪ್ರಮಾಣವೂ ಹೆಚ್ಚುತ್ತದೆ.

ಹಾಟ್ ಡಾಗ್ ಆರೋಗ್ಯಕ್ಕೆ ಹಾನಿಕರ. ಒಮ್ಮೆ ನೀವು ಹಾಟ್ ಡಾಗ್ ಸೇವಿಸಿದರೆ, ಪದೇ ಪದೇ ಸೇವಿಸುವಂತೆ ಮಾಡುತ್ತದೆ. ಇದರ ಸೇವನೆಯಿಂದ ದೇಹಕ್ಕೆ ಸಾಕಷ್ಟು ಹಾನಿಯಾಗುತ್ತೆ. ನಾನ್ ವೆಜ್ ಹಾಟ್ ಡಾಗ್ ಗಳು ಇನ್ನೂ ಹೆಚ್ಚು ಹಾನಿಕಾರಕ. ಮಾಂಸದಲ್ಲಿರುವ ಹಾನಿಕಾರಕ ಬ್ಯಾಕ್ಟೀರಿಯಾಗಳಿವೆ. ಇದು ನಮ್ಮ ಹೊಟ್ಟೆ ಮತ್ತು ಶ್ವಾಸಕೋಶ ಎರಡಕ್ಕೂ ಹಾನಿ ಮಾಡುತ್ತದೆ.

ಪ್ಯಾಕ್ ಮಾಡಿದ ಸ್ಯಾಂಡ್ವಿಚ್ ಸೇವನೆ ತಪ್ಪಿಸಿ. ಪ್ಯಾಕ್ ಮಾಡಿದ ಸ್ಯಾಂಡ್ವಿಚ್ ರುಚಿ ಸಂಪೂರ್ಣವಾಗಿ ಅದ್ಭುತವಾಗಿರುತ್ತದೆ. ಇದನ್ನು ಪದೇ ಪದೇ ತಿನ್ನಲು ಮನಸ್ಸಾಗುತ್ತದೆ. ಇದರ ಸೇವನೆಯು ನಿಮ್ಮ ಆರೋಗ್ಯಕ್ಕೆ ಹಾನಿ ಉಂಟು ಮಾಡುತ್ತದೆ. ಇದು ಹೊಟ್ಟೆ ಸಮಸ್ಯೆ ಉಂಟು ಮಾಡುತ್ತದೆ. ಪ್ರತಿದಿನ ಬೆಳಗಿನ ಉಪಾಹಾರದಲ್ಲಿ ಸೇವಿಸುವುದು ಆರೋಗ್ಯಕ್ಕೆ ಹಾನಿಕಾರಕ.

ಕೃತಕ ಚೀಸ್. ಪ್ಯಾಕ್ ಮಾಡಿದ ಪನೀರ್ ಸೇವನೆಯು ಆರೋಗ್ಯಕ್ಕೆ ಹಾನಿಕರ. ಇದು ಟ್ರಾನ್ಸ್ ಕೊಬ್ಬು, ಸಂರಕ್ಷಕಗಳು, ಸಸ್ಯಜನ್ಯ ಎಣ್ಣೆ ಹೊಂದಿದೆ. ಇದು ಆರೋಗ್ಯಕ್ಕೆ ಉತ್ತಮವಲ್ಲ. ನಕಲಿ ವಸ್ತು ದೇಹವನ್ನು ಆರೋಗ್ಯಕರವಾಗಿಸಲು ಸಾಧ್ಯವಿಲ್ಲ. ದೇಹವನ್ನು ಸರಿಯಾಗಿಡಲು ಕಲಬೆರಕೆ ಇಲ್ಲದೆ ಸಿದ್ಧಪಡಿಸಿದ ವಸ್ತುಗಳನ್ನು ಸೇವಿಸುವುದು ಅವಶ್ಯಕ.

ತ್ವರಿತ ಆಹಾರಕ್ಕಿಂತ ಮನೆಯಲ್ಲಿ ತಯಾರಿಸಿದ ಆಹಾರ ಸೇವನೆ ಉತ್ತಮ. ಜನರು ಮನೆಯಲ್ಲಿ ಮಾಡಿದ ಅಡುಗೆಗಿಂತ ಹೊರಗೆ ಮಾಡಿದ ಕರಿದ, ಹುರಿದ, ಮಸಾಲೆಯುಕ್ತ, ಜಂಕ್ ಫುಡ್ ಸೇವಿಸಲು ಹೆಚ್ಚು ಇಷ್ಟ ಪಡುತ್ತಾರೆ. ಇವುಗಳು ಆರೋಗ್ಯಕ್ಕೆ ಹಾನಿ ಮಾಡುತ್ತವೆ. ಹಾಗಾಗಿ ಶುಚಿಯಾದ ಆರೋಗ್ಯಕರ ಪದಾರ್ಥ ಮನೆಯಲ್ಲೇ ಮಾಡಿ ಸೇವಿಸಿ. ಸಮತೋಲಿತ ಮತ್ತು ಪೌಷ್ಟಿಕ ಆಹಾರ ಸೇವಿಸಿ.