Papaya And Skin: ನಿಮ್ಮ ಮುಖದ ಸೌಂದರ್ಯ ಹೆಚ್ಚಿಸಲು ಪಪ್ಪಾಯಿ ಫೇಸ್‌ ಮಾಸ್ಕ್‌ ಹಚ್ಚಿರಿ, ಸಿಂಪಲ್ ಟಿಪ್ಸ್ ಇಲ್ಲಿದೆ

ಪಪ್ಪಾಯಿ ಹಣ್ಣು ಎಲ್ಲಾ ಕಾಲದಲ್ಲಿಯೂ ಸಿಗುತ್ತದೆ. ಇದು ಆರೋಗ್ಯ ಮತ್ತು ಚರ್ಮದ ಆರೋಗ್ಯಕ್ಕೂ ಸಹಕಾರಿ ಆಗಿದೆ. ಖನಿಜಗಳು ಮತ್ತು ವಿಟಮಿನ್‌ ಗಳ ಸಮೃದ್ಧ ಮೂಲವಾಗಿದೆ ಪಪ್ಪಾಯಿ. ಚರ್ಮದ ಆರೈಕೆಗೆ, ಚರ್ಮದ ಸಮಸ್ಯೆ ಪರಿಹರಿಸಲು, ಚರ್ಮವನ್ನು ಪುನರ್ ಯೌವ್ವನಗೊಳಿಸಲು ಪಪ್ಪಾಯಿ ಫೇಸ್ ಪ್ಯಾಕ್‌ ಸಾಕಷ್ಟು ಪ್ರಯೋಜನ ನೀಡುತ್ತದೆ.

ಪಪ್ಪಾಯಿ ಹಣ್ಣು ಚರ್ಮದ ಆರೋಗ್ಯ ಸುಧಾರಿಸಲು ಸಹಾಯ ಮಾಡುತ್ತದೆ. ಪಪ್ಪಾಯಿ ಫೇಸ್ ಮಾಸ್ಕ್ ಹಾಕಿದರೆ, ಚರ್ಮಕ್ಕೆ ಪೋಷಣೆ ಸಿಗುತ್ತದೆ. ಗಾಯ ಗುಣಪಡಿಸಲು ಅತ್ಯಂತ ಪ್ರಯೋಜನಕಾರಿಯಾಗಿದೆ. ಚರ್ಮವನ್ನು ಹೈಡ್ರೇಟ್ ಮಾಡುತ್ತದೆ. ಹಾನಿಕಾರಕ ಸ್ವತಂತ್ರ ರಾಡಿಕಲ್‌ ಗಳಿಂದ ಚರ್ಮವನ್ನು ರಕ್ಷಿಸುತ್ತದೆ.

ಪಪ್ಪಾಯಿ ಚರ್ಮದಲ್ಲಿ ಕಾಲಜನ್ ಉತ್ಪಾದನೆ ಹೆಚ್ಚಿಸುತ್ತದೆ. ಚರ್ಮವನ್ನು ಮೃದುವಾಗಿಸಿ, ಚರ್ಮದ ಸ್ಥಿತಿಸ್ಥಾಪಕತ್ವ ಕಾಪಾಡುತ್ತದೆ. ಮುಖದಿಂದ ಸತ್ತ ಚರ್ಮದ ಕೋಶಗಳನ್ನು ನಿಧಾನವಾಗಿ ತೆಗೆದು ಹಾಕುತ್ತದೆ. ಮುಖದ ಮೇಲೆ ಮೊಡವೆ, ಕೊಳಕು ಮತ್ತು ಎಣ್ಣೆ ತೆಗೆದು ಹಾಕುತ್ತದೆ.

ಪಪ್ಪಾಯಿಯು ವಿಶೇಷ ಪಪೈನ್ ಕಿಣ್ವ ಹೊಂದಿದೆ. ಇದು ಡಿಪಿಲೇಟರಿ ಏಜೆಂಟ್ ಆಗಿ ಕಾರ್ಯ ನಿರ್ವಹಿಸುತ್ತದೆ. ಬಿಸಿಲಿನ ಬೇಗೆಯಿಂದ ಚರ್ಮದ ಕಿರಿಕಿರಿ ಸಮಸ್ಯೆ ನಿವಾರಿಸಿ, ಕಪ್ಪು ಕಲೆ ಕಡಿಮೆ ಮಾಡುತ್ತದೆ. ಎಣ್ಣೆಯುಕ್ತ, ಒಣ ಚರ್ಮದವರು ಯಾವ ರೀತಿ ಪಪ್ಪಾಯಿ ಫೇಸ್ ಪ್ಯಾಕ್ ಮಾಡಿ, ಹಚ್ಚಿಕೊಳ್ಳಬೇಕು ಎಂಬುದನ್ನು ಇಲ್ಲಿ ನೋಡೋಣ.

ಒಣ ಚರ್ಮದವರು ಪಪ್ಪಾಯಿ ಮತ್ತು ಜೇನುತುಪ್ಪದ ಫೇಸ್ ಮಾಸ್ಕ್ ಹಚ್ಚಿರಿ. ಇದು ಚರ್ಮವನ್ನು ಮೃದುವಾಗಿಸಿ, ಪೋಷಣೆ ನೀಡುತ್ತದೆ. ಪಪ್ಪಾಯಿ, ಹಾಲು, ಜೇನುತುಪ್ಪ ಬಟ್ಟಲಿಗೆ ಹಾಕಿ ಮ್ಯಾಶ್ ಮಾಡಿ. ಪೇಸ್ಟ್ ನ್ನು ಮುಖಕ್ಕೆ ಹಚ್ಚಿರಿ. ಅರ್ಧ ಗಂಟೆ ನಂತರ ಸಾಮಾನ್ಯ ನೀರಿನಿಂದ ತೊಳೆಯಿರಿ.

ಮೊಡವೆ ಹೋಗಲಾಡಿಸಲು ಪಪ್ಪಾಯಿ, ಜೇನುತುಪ್ಪ ಮತ್ತು ನಿಂಬೆ ಫೇಸ್ ಮಾಸ್ಕ್ ಹಚ್ಚಿರಿ. ಇದು ಚರ್ಮವನ್ನು ಶುದ್ಧೀಕರಿಸುತ್ತದೆ. ರಂಧ್ರಗಳನ್ನು ಮುಚ್ಚುತ್ತದೆ. ಪಪ್ಪಾಯಿ, ಜೇನುತುಪ್ಪ, ನಿಂಬೆ ರಸ, ಶ್ರೀಗಂಧದ ಪುಡಿ ಬಟ್ಟಲಿಗೆ ಹಾಕಿ ಚೆನ್ನಾಗಿ ಕಲೆಸಿ, ಪೇಸ್ಟ್ ನ್ನು ಮುಖಕ್ಕೆ ಹಚ್ಚಿರಿ. ಅರ್ಧ ಗಂಟೆ ನಂತರ ತಣ್ಣಗಿನ ನೀರಿನಿಂದ ತೊಳೆಯಿರಿ.

ಪಪ್ಪಾಯಿ, ಸೌತೆಕಾಯಿ ಮತ್ತು ಬಾಳೆಹಣ್ಣು ಫೇಸ್ ಮಾಸ್ಕ್. ಇದು ಚರ್ಮವನ್ನು ಹೈಡ್ರೇಟ್ ಮಾಡುತ್ತದೆ. ಚರ್ಮಕ್ಕೆ ಹೊಳಪು ನೀಡುತ್ತದೆ. ಪಪ್ಪಾಯಿ, ಸೌತೆಕಾಯಿ, ಬಾಳೆಹಣ್ಣು, ಬಟ್ಟಲಿಗೆ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಪೇಸ್ಟ್ ನ್ನು ಮುಖಕ್ಕೆ ಮತ್ತು ಕುತ್ತಿಗೆಗೆ ಹಚ್ಚಿರಿ. ಅರ್ಧ ಗಂಟೆ ನಂತರ ಸಾಮಾನ್ಯ ನೀರಿನಿಂದ ತೊಳೆಯಿರಿ.

ಚರ್ಮದ ರಂಧ್ರಗಳನ್ನು ಬಿಗಿಗೊಳಿಸಲು ಪಪ್ಪಾಯಿ ಮತ್ತು ಮೊಟ್ಟೆಯ ಬಿಳಿಭಾಗದ ಫೇಸ್ ಪ್ಯಾಕ್ ಹಚ್ಚಿರಿ. ಇದಕ್ಕಾಗಿ ಪಪ್ಪಾಯಿ, ಮೊಟ್ಟೆಯ ಬಿಳಿಭಾಗ ಮಿಕ್ಸ್ ಮಾಡಿ. ಚೆನ್ನಾಗಿ ಬೆರೆಸಿ, ಪೇಸ್ಟ್ ತಯಾರಿಸಿ. ಇದನ್ನು ಮುಖಕ್ಕೆ, ಕುತ್ತಿಗೆಗೆ ಹಚ್ಚಿರಿ. ಅರ್ಧ ಗಂಟೆ ನಂತರ ಸಾಮಾನ್ಯ ನೀರಿನಿಂದ ತೊಳೆಯಿರಿ.