Skin Care Tips: ಮೊಡವೆ & ಕಲೆ ನಿವಾರಣೆಗೆ ಹಾಲನ್ನು ಹೀಗೆ ಬಳಸಿ- ಮುಖ ಫಳಫಳನೆ ಹೊಳೆಯುತ್ತೆ!

ಮುಖದ ಮೇಲೆ ಹಸಿ ಹಾಲು ಬಳಸಿದರೆ ಅದು ಕ್ಲೆನ್ಸರ್ ನಂತೆ ಕೆಲಸ ಮಾಡುತ್ತದೆ. ಇದು ಮುಖದಲ್ಲಿರುವ ಎಣ್ಣೆ ಮತ್ತು ಬ್ಯಾಕ್ಟೀರಿಯಾ ಸ್ವಚ್ಛಗೊಳಿಸುತ್ತದೆ. ವಿಟಮಿನ್ ಮತ್ತು ಕ್ಯಾಲ್ಸಿಯಂ ಸಮೃದ್ಧ ಹಾಲು ಮುಖದ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಹಾಲಿನಿಂದ ಮುಖ ತೊಳೆದರೆ ಅದು ತಾನಾಗಿಯೇ ಹೊಳೆಯುತ್ತದೆ.

ಹಾಲಿನಲ್ಲಿರುವ ಪೋಷಕಾಂಶಗಳು ಮುಖದ ಸತ್ತ ಚರ್ಮವನ್ನು ತೆಗೆದು ಹಾಕುತ್ತವೆ. ಹಾಗೂ ಚರ್ಮದ ಕೋಶಗಳನ್ನು ಸರಿಪಡಿಸುವ ಕೆಲಸ ಮಾಡುತ್ತದೆ. ಹಾಲಿನ ಉತ್ತಮ ಗುಣಗಳಿಂದಾಗಿ ಇದನ್ನು ಅನೇಕ ಸೌಂದರ್ಯವರ್ಧಕ ಉತ್ಪನ್ನಗಳಲ್ಲಿ ಬಳಕೆ ಮಾಡಲಾಗುತ್ತದೆ. ಶಾಖದ ಹೊಡೆತಕ್ಕೆ ಶುಷ್ಕ ಮತ್ತು ನಿರ್ಜೀವ ತ್ವಚೆ ಪುನರುಜ್ಜೀವನಗೊಳಿಸಲು ಇದು ಸಹಕಾರಿ.

ಚರ್ಮಕ್ಕೆ ಹಸಿ ಹಾಲನ್ನು ಹೇಗೆ ಬಳಸುವುದು ಎಂದು ನಿಮಗೆ ಗೊತ್ತಿರಬೇಕು. ಹಾಲಿನಲ್ಲಿ ಲ್ಯಾಕ್ಟಿಕ್ ಆಮ್ಲವು ಕಂಡು ಬರುತ್ತದೆ. ಇದು ಆಲ್ಫಾ ಹೈಡ್ರಾಕ್ಸಿ ಆಮ್ಲ. ಇದು ಚರ್ಮದ ಆರೈಕೆಗೆ ಸಾಕಷ್ಟು ಪ್ರಯೋಜನಕಾರಿ ಆಗಿದೆ. ಲ್ಯಾಕ್ಟಿಕ್ ಆಮ್ಲವನ್ನು ವಯಸ್ಸಾದ ವಿರೋಧಿ ಮುಖದ ಕ್ಲೆನ್ಸರ್ ಆಗಿ ಬಳಕೆ ಮಾಡಲಾಗುತ್ತದೆ.

ಹಾಲು ಇದು ಸತ್ತ ಚರ್ಮದ ಕೋಶಗಳನ್ನು ಸಹ ತೆಗೆದು ಹಾಕುತ್ತದೆ. ಹೊಸ ಜೀವಕೋಶಗಳ ಬೆಳವಣಿಗೆಗೆ ಸಹಕಾರಿ ಆಗಿದೆ. ಹಾಲಿನ ಬಳಕೆ ನಿಮ್ಮ ಚರ್ಮಕ್ಕೆ ಹೇಗೆ ಪ್ರಯೋಜನಕಾರಿ? ಹಾಲಿನ ಬಳಕೆಯಿಂದ ಕಪ್ಪು ಚುಕ್ಕೆಗಳು ಹೋಗುತ್ತವೆ. ನಿಮ್ಮ ಚರ್ಮದ ಮೇಲೆ ನೀವು ತೆರೆದ ರಂಧ್ರಗಳನ್ನು ಹೊಂದಿದ್ದರೆ ಗಲ್ಲದವರೆಗೆ ಗುಳ್ಳೆಗಳ ಸಮಸ್ಯೆ ಆಗುತ್ತದೆ.

ನೀವು ಸರಿಯಾದ ಸೌಂದರ್ಯ ದಿನಚರಿ ಫಾಲೋ ಮಾಡುವದು ತುಂಬಾ ಮುಖ್ಯ. ಹಾಲಿನಲ್ಲಿರುವ ನೈಸರ್ಗಿಕ ತೈಲಗಳು ಮುಖದ ಆಳವಾದ ಶುದ್ಧೀಕರಣಕ್ಕೆ ಸಹಾಯ ಮಾಡುತ್ತವೆ. ಮುಖಕ್ಕೆ ಮಸಾಜ್ ಮಾಡಿದರೆ ಕಪ್ಪು ಚುಕ್ಕೆಗಳು ತಾನಾಗಿಯೇ ಹೊರಗೆ ಹೊಗಲು ಸಹಕಾರಿ. ಇದು ನಿಮ್ಮ ತ್ವಚೆಗೆ ಬಿಸಿಲಿನ ಬೇಗೆಯಿಂದ ಪರಿಹಾರ ನೀಡುತ್ತದೆ.

ಸನ್ ಟ್ಯಾನಿಂಗ್ ಸಮಸ್ಯೆ ತಪ್ಪಿಸಲು ಹಾಲು ಸಹಕಾರಿ. ಲ್ಯಾಕ್ಟಿಕ್ ಆಮ್ಲವು ಸನ್ ಬರ್ನ್ ಮತ್ತು ಚರ್ಮದ ಹಾನಿಯಿಂದ ನಿಮ್ಮನ್ನು ರಕ್ಷಿಸುತ್ತದೆ. ಹಾಲು ಮೊಡವೆಗಳನ್ನು ಗುಣಪಡಿಸುತ್ತದೆ. ಮೊಡವೆಗಳನ್ನು ಹೋಗಲಾಡಿಸಲು ಇದು ಪ್ರಯೋಜನಕಾರಿ. ಚರ್ಮದ ಧೂಳಿನ ಕಣ ತೆಗೆದು ಹಾಕಲು ಮತ್ತು ಮುಖದ ತೇವಾಂಶವನ್ನು ಕಾಪಾಡಿಕೊಳ್ಳಲು ಹಾಲು ಸಹಕಾರಿ.

ಸೌಂದರ್ಯ ದಿನಚರಿಯಲ್ಲಿ ಹಾಲನ್ನು ಸೇರಿಸುವ ಮಾರ್ಗಗಗಳು ಹೀಗಿವೆ. ಟೋನಿಂಗ್ ಗಾಗಿ ಹಾಲು ಬಳಸಿ. ಚಮಚ ಹಾಲಿಗೆ ಚಮಚ ಹಸಿರು ಚಹಾ ಮಿಶ್ರಣ ಮಾಡಿ ಮುಖಕ್ಕೆ ಹಚ್ಚಿಕೊಳ್ಳಿ. 20 ನಿಮಿಷದ ನಂತರ ನೀರಿನಿಂದ ತೊಳೆಯಿರಿ. ಚರ್ಮದ ಮೇಲಿನ ಬ್ಯಾಕ್ಟೀರಿಯಾ ತೆಗೆದು ಹಾಕಲು ಎರಡು ಚಮಚ ಹಾಲಿಗೆ , ಜೇನುತುಪ್ಪ, ಅಲೋವೆರಾ ಜೆಲ್ ಬೆರೆಸಿ ಮಸಾಜ್ ಮಾಡಿ. 15 ನಿಮಿಷಗಳ ನಂತರ ತೊಳೆಯಿರಿ.

ಮಾಯಿಶ್ಚರೈಸರ್ ಗಾಗಿ, ಎರಡು ಚಮಚ ಹಾಲಿಗೆ, ರೋಸ್ ವಾಟರ್ ಬೆರೆಸಿ ಮುಖಕ್ಕೆ ಹಚ್ಚಿರಿ. 10 ನಿಮಿಷ ಬಿಟ್ಟು ತೊಳೆಯಿರಿ. ಇದು ಪೋಷಣೆ ನೀಡುತ್ತದೆ. ಮುಖದ ಸ್ಕ್ರಬ್‌ ಗಾಗಿ ಹಾಲು, ಓಟ್ ಮೀಲ್ ಮತ್ತು ಬಾಳೆಹಣ್ಣನ್ನು ಬೆರೆಸಿ ಪೇಸ್ಟ್ ಮಾಡಿ. ಮುಖಕ್ಕೆ ಹಚ್ಚಿ, ಮಸಾಜ್ ಮಾಡಿ. ನಂತರ ತೊಳೆಯಿರಿ. ಫೇಸ್ ಪ್ಯಾಕ್ ಮಾಡಲು ಹಾಲಿಗೆ,ಕಡಲೆ ಬೇಳೆ ಹಿಟ್ಟು, ಅರಿಶಿನ, ಜೇನುತುಪ್ಪ ಬೆರೆಸಿ. ಮುಖಕ್ಕೆ ಹಚ್ಚಿ, ಸ್ವಲ್ಪ ಸಮಯದ ನಂತರ ತೊಳೆಯಿರಿ.