Skin Care: ಮುಖದಲ್ಲಿ ಮೊಡವೆ ಹೆಚ್ಚಾಗಿದೆಯಾ? ಈ ಸಿಂಪಲ್ ಮನೆಮದ್ದು ಟ್ರೈ ಮಾಡಿ!

ಚರ್ಮದ ಮೇಲೆ ಕಾಣಿಸಿಕೊಳ್ಳುವ ಸಣ್ಣ, ಕೆಂಪು ದದ್ದು ಮತ್ತು ಗುಳ್ಳೆಗಳು ಉರಿಯೂತ ಉಂಟು ಮಾಡುತ್ತವೆ. ಸತ್ತ ಚರ್ಮದ ಕೋಶಗಳು ಮತ್ತು ಬ್ಯಾಕ್ಟೀರಿಯಾ ಮತ್ತಷ್ಟು ಕೆಟ್ಟ ಪ್ರಭಾವ ಬೀರುತ್ತದೆ. ಮೊಡವೆಗಳಿಗೆ ಕೆಲವು ಮನೆಮದ್ದುಗಳಿವೆ ಅವುಗಳ ಬಗ್ಗೆ ನೋಡೋಣ. ಟೀ ಟ್ರೀ ಆಯಿಲ್. ಇದು ಮೊಡವೆಗಳಿಂದ ಉಂಟಾಗುವ ಉರಿಯೂತ ಮತ್ತು ಕೆಂಪು ದದ್ದು ಕಡಿಮೆ ಮಾಡುತ್ತದೆ.

ಮೊಡವೆ ಹೋಗಲಾಡಿಸಲು ತೆಂಗಿನ ಎಣ್ಣೆ ಜೊತೆಗೆ ಟೀ ಟ್ರೀ ಎಣ್ಣೆಯ ಕೆಲವು ಹನಿಗಳನ್ನು ಮಿಶ್ರಣ ಮಾಡಿ, ಹತ್ತಿಯಿಂದ ಮೊಡವೆ ಮೇಲೆ ಹಚ್ಚಿರಿ. ಜೇನುತುಪ್ಪ ಮೊಡವೆ ಹೋಗಲಾಡಿಸಲು ಉತ್ತಮ ಮನೆಮದ್ದಾಗಿದೆ. ಇದು ತ್ವಚೆಯನ್ನು ತೇವಗೊಳಿಸುತ್ತದೆ. ಬಿರುಕು ಸಮಸ್ಯೆ, ಉರಿಯೂತ, ಕೆಂಪು ದದ್ದು ಕಡಿಮೆ ಮಾಡುತ್ತದೆ. ಜೇನುತುಪ್ಪವನ್ನು ನೇರವಾಗಿ ಮೊಡವೆಗೆ ಹಚ್ಚಿ, 15 ನಿಮಿಷ ಬಿಟ್ಟು ತೊಳೆಯಿರಿ.

ಅಲೋವೆರಾ. ಇದು ಮೊಡವೆ ಗಾತ್ರ ಮತ್ತು ಕೆಂಪು ಬಣ್ಣ ಕಡಿಮೆ ಮಾಡುತ್ತದೆ. ಇದು ಗಾಯ ಗುಣಪಡಿಸುತ್ತದೆ. ಚರ್ಮವನ್ನು ತೇವಗೊಳಿಸುತ್ತದೆ. ಮೊಡವೆ ನಿವಾರಿಸಲು ಅಲೋವೆರಾ ಸಸ್ಯದ ಜೆಲ್ ಅನ್ನು ನೇರವಾಗಿ ಮೊಡವೆಗೆ ಹಚ್ಚಿ 15 ನಿಮಿಷ ಬಿಟ್ಟು, ತೊಳೆಯಿರಿ. ಆಪಲ್ ಸೈಡರ್ ವಿನೆಗರ್. ಇದು ಬ್ಯಾಕ್ಟೀರಿಯಾ ಕೊಲ್ಲಲು ಮತ್ತು ಮೊಡವೆ ಉರಿಯೂತ ಕಡಿಮೆ ಮಾಡುತ್ತದೆ.

ಆಪಲ್ ಸೈಡರ್ ವಿನೆಗರ್ ಅನ್ನು ನೀರಿನಲ್ಲಿ ಬೆರೆಸಿ ಹತ್ತಿಯಿಂದ ನೇರವಾಗಿ ಮೊಡವೆ ಪೀಡಿತ ಪ್ರದೇಶಕ್ಕೆ ಹಚ್ಚಿರಿ 15 ನಿಮಿಷ ಬಿಟ್ಟು, ತೊಳೆಯಿರಿ. ನಿಂಬೆ ರಸ. ಇದು ಚರ್ಮವನ್ನು ಎಫ್ಫೋಲಿಯೇಟ್ ಮಾಡುತ್ತದೆ. ಆಂಟಿಬ್ಯಾಕ್ಟೀರಿಯಲ್ ಗುಣಲಕ್ಷಣಗಳು ಚರ್ಮದ ಮೇಲಿನ ಬ್ಯಾಕ್ಟೀರಿಯಾವನ್ನು ಕೊಲ್ಲುತ್ತವೆ. ನಿಂಬೆ ರಸವನ್ನು ಹತ್ತಿ ಉಂಡೆಯಿಂದ ಮೊಡವೆ ಸುತ್ತ ಹಚ್ಚಿರಿ. ಮತ್ತು 15 ನಿಮಿಷ ಬಿಟ್ಟು ತೊಳೆಯಿರಿ.

ಬೆಳ್ಳುಳ್ಳಿ. ಇದು ಚರ್ಮದ ಮೇಲಿನ ಬ್ಯಾಕ್ಟೀರಿಯಾವನ್ನು ನಾಶಪಡಿಸುತ್ತದೆ ಮತ್ತು ಮೊಡವೆಗಳ ಉರಿಯೂತ ಕಡಿಮೆ ಮಾಡುತ್ತದೆ. ಬೆಳ್ಳುಳ್ಳಿಯನ್ನು ನೀರಿನಲ್ಲಿ ಬೆರೆಸಿ ಪೇಸ್ಟ್ ತಯಾರಿಸಿ, ಮೊಡವೆ ಪೀಡಿತ ಪ್ರದೇಶಕ್ಕೆ ಪೇಸ್ಟ್ ಹಚ್ಚಿರಿ. 15 ನಿಮಿಷ ಬಿಟ್ಟು ತೊಳೆಯಿರಿ. ಸೌತೆಕಾಯಿ. ಇದು ಮೊಡವೆಗಳ ಉರಿಯೂತ ಕಡಿಮೆ ಮಾಡತ್ತದೆ. ಸೌತೆಕಾಯಿ ಪೇಸ್ಟ್ ಮಾಡಿ, ಮೊಡವೆಗೆ ಹಚ್ಚಿರಿ. 15 ನಿಮಿಷ ಬಿಟ್ಟು ತೊಳೆಯಿರಿ.

ಅಡುಗೆ ಸೋಡಾ. ಇದು ಚರ್ಮವನ್ನು ಎಕ್ಸ್‌ಫೋಲಿಯೇಟಿಂಗ್ ಮಾಡುತ್ತದೆ. ಸತ್ತ ಚರ್ಮದ ಕೋಶಗಳನ್ನು ತೆಗೆದು ಹಾಕುತ್ತದೆ. ರಂಧ್ರಗಳನ್ನು ಮುಚ್ಚಬಹುದು. ಅಡಿಗೆ ಸೋಡಾವನ್ನು ನೀರಿನೊಂದಿಗೆ ಬೆರೆಸಿ. ಪೇಸ್ಟ್ ಮಾಡಿ, ಮೊಡವೆಗೆ ಹಚ್ಚಿರಿ. 15 ನಿಮಿಷದ ನಂತರ ತೊಳೆಯಿರಿ. ಅರಿಶಿನ. ಇದು ಉರಿಯೂತ ನಿವಾರಕ ಮತ್ತು ಬ್ಯಾಕ್ಟೀರಿಯಾ ವಿರೋಧಿ ಗುಣಗಳಿಂದ ಕೂಡಿದೆ.

ಅರಿಶಿನ ಮೊಡವೆಗಳ ಉರಿಯೂತ ಮತ್ತು ಕೆಂಪು ಬಣ್ಣ ಕಡಿಮೆ ಮಾಡುತ್ತದೆ. ಇದು ಗಾಯ ಗುಣಪಡಿಸುತ್ತದೆ. ಮೊಡವೆಗಳಿಗೆ ಚಿಕಿತ್ಸೆ ನೀಡಲು ಅರಿಶಿನ ಪುಡಿ, ನೀರನ್ನು ಪೇಸ್ಟ್ ಮಾಡಿ, ಪೀಡಿತ ಪ್ರದೇಶಕ್ಕೆ ಹಚ್ಚಿರಿ, 15 ನಿಮಿಷದ ನಂತರ ತೊಳೆಯಿರಿ. ಹಸಿರು ಚಹಾ. ಇದು ಮೊಡವೆ ಸಮಸ್ಯೆ ಹೋಗಲಾಡಿಸುತ್ತದೆ.

ಹಸಿರು ಚಹಾ ಚರ್ಮದ ಆರೈಕೆಗೆ ಸಹಕಾರಿ. ಕೆಲವು ನಿಮಿಷ ಬಿಸಿ ನೀರಿನಲ್ಲಿ ಗ್ರೀನ್ ಚಹಾ ಚೀಲವನ್ನು ಮುಳುಗಿಸಿ, ಆ ನೀರನ್ನು ಮೊಡವೆಗೆ ಹಚ್ಚಿರಿ. ಹಸಿರು ಚಹಾ ಮೊದಲು ತಣ್ಣಗಾಗಲು ಬಿಡಿ. ಟೀ ಬ್ಯಾಗ್ ನ್ನು ಸಹ ಮೊಡವೆಗಳ ಮೇಲೆ 15 ನಿಮಿಷ ಇಡಬಹುದು. ಇದು ಸಮಸ್ಯೆ ಕಡಿಮೆ ಮಾಡುತ್ತದೆ.