Water Bottle: ನೀರಿನ ಬಾಟಲಿ ಮೇಲೆ ಎಕ್ಸ್​ಪೇರಿ ಡೇಟ್​ ಯಾಕಿರುತ್ತೆ? ಅಪ್ಪಿತಪ್ಪಿ ಕುಡಿದ್ರೆ ಏನಾಗುತ್ತೆ?

ಸಾಮಾನ್ಯವಾಗಿ ಜನರು ಪ್ರಯಾಣಿಸುವಾಗ ಅಥವಾ ಸುಲಭವಾಗಿ ನೀರು ಸಿಗದೇ ಇರುವ ಸ್ಥಳಗಳಿಗೆ ಹೋಗುವಾಗ ತಮ್ಮೊಂದಿಗೆ ಬಾಟಲಿಯಲ್ಲಿ ನೀರನ್ನು ತೆಗೆದುಕೊಂಡು ಹೋಗುತ್ತಾರೆ. ಹಿಂದಿನ ಕಾಲದಲ್ಲಿ ಪ್ರಯಾಣ ಬೆಳೆಸುವಾಗ ನೀರಿನ ಬಾಟಲಿಯನ್ನು ಜನರು ಮನೆಯಿಂದಲೇ ಹೊತ್ತುಕೊಂಡು ಹೋಗುತ್ತಿದ್ದರು.

ಆದರೆ ಇತ್ತೀಚಿನ ದಿನಗಳಲ್ಲಿ ಜನರು ಪ್ರಯಾಣವನ್ನು ಸುಗಮವಾಗಿಸಿಕೊಳ್ಳಲು ಹೊರೆಯನ್ನು ಕಡಿಮೆ ಮಾಡಿಕೊಳ್ಳಲು ಸೀಲ್ಡ್ ಬಾಟಲಿ ನೀರನ್ನು ಖರೀದಿಸಲು ಪ್ರಾರಂಭಿಸಿದ್ದಾರೆ. ಮಾರುಕಟ್ಟೆಯಲ್ಲಿ ಇದರ ಮಾರಾಟವು ಹೆಚ್ಚಾಗಿದೆ. ಆದರೆ ಸೀಲ್ಡ್ ಬಾಟಲಿ ನೀರನ್ನು ಬಳಸುವವರಿಗೆ ಕೆಲ ವಿಚಾರಗಳು ಗೊತ್ತಿಲ್ಲ. ನೀರಿನ ಬಾಟಲಿ ಮೇಲೆ ಅವಧಿ ಮುಗಿಯುವ ದಿನಾಂಕವನ್ನು ಮುದ್ರಿಸಲಾಗಿರುತ್ತದೆ. ಆದರೆ ನಿಜಕ್ಕೂ ಅವಧಿ ಮುಗಿದರೆ ಬಾಟಲಿಯಲ್ಲಿರುವ ನೀರು ಹಾಳಾಗುತ್ತಾ? ನಿಮ್ಮಈ ಪ್ರಶ್ನೆಗೆ ಇಲ್ಲಿದೆ ನೋಡಿ ಉತ್ತರ.

ಪ್ಯಾಕ್ ಮಾಡಿದ ನೀರಿನ ಬಾಟಲಿಯ ಮೇಲೆ ಬರೆಯಲಾದ ಮುಕ್ತಾಯ ದಿನಾಂಕವು ಅನೇಕ ಅರ್ಥಗಳನ್ನು ನೀಡುತ್ತದೆ. ಈ ಬರವಣಿಗೆಯ ಹಿಂದೆ ಒಂದು ದೊಡ್ಡ ಸತ್ಯ ಅಡಗಿದೆ. ಆದರೆ ಆ ರಹಸ್ಯವನ್ನು ಬಹಿರಂಗಪಡಿಸುವ ಮುನ್ನ, ಮುದ್ರಿತಗೊಳಿಸಲಾಗಿರುವ ಈ ಮುಕ್ತಾಯ ದಿನಾಂಕವು ನೀರಿನ ಬಗ್ಗೆ ಅಲ್ಲ, ಬಾಟಲಿಗಳಿಗೆ ಸಂಬಂಧಿಸಿದೆ ಎಂಬುವುದನ್ನು ತಿಳಿದುಕೊಳ್ಳಿ.

ಈ ಗಡುವಿನ ಹಿಂದೆ ಹಲವಾರು ಕಾರಣಗಳಿವೆ. ಅದರಲ್ಲಿ ಮೊದಲನೆಯದು ಸರ್ಕಾರದ ನಿಯಮಗಳು. ಪ್ರತಿಯೊಂದು ಆಹಾರ ಮತ್ತು ಪಾನೀಯದ ಮೇಲೆ ಮುಕ್ತಾಯ ದಿನಾಂಕವನ್ನು ಬರೆಯುವುದು ಕಡ್ಡಾಯವಾಗಿದೆ ಎಂದು ನಿಮಗೆ ತಿಳಿದಿರಬಹುದು. ನೀರು ಕೂಡ ಈ ವರ್ಗಕ್ಕೆ ಸೇರುತ್ತದೆ. ಅದಕ್ಕಾಗಿಯೇ ಇದಕ್ಕೆ ಮುಕ್ತಾಯ ದಿನಾಂಕವನ್ನು ಸಹ ನೀಡಲಾಗುತ್ತದೆ.

ಮುಕ್ತಾಯ ದಿನಾಂಕದ ನಂತರ ಅದು ಬಾಟಲಿಯ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ನೀರಿನ ಮೇಲೆ ಅಲ್ಲ. ಬಾಟಲಿಯ ಮೇಲಿನ ಪರಿಣಾಮವು ತುಂಬಾ ತೀವ್ರವಾಗಿರುತ್ತದೆ. ಮುಚ್ಚಿದ ಬಾಟಲಿಗಳ ಬೆಲೆಯನ್ನು ಕಡಿಮೆ ಮಾಡಲು, ಅವುಗಳನ್ನು ಹೊಂದಿರುವ ಪ್ಲಾಸ್ಟಿಕ್ನ ಗುಣಮಟ್ಟವನ್ನು ಕಡಿಮೆಗೊಳಿಸಲಾಗುತ್ತದೆ. ಹಾಗಾಗಿ ಈ ಬಾಟಲಿಯಲ್ಲಿರುವ ನೀರು ಹೆಚ್ಚು ಕಾಲ ಉಳಿಯುವುದಿಲ್ಲ.

ಪ್ಲಾಸ್ಟಿಕ್ ಬಾಟಲಿಯು ದೀರ್ಘಕಾಲದವರೆಗೆ ಹೊಗೆ ಅಥವಾ ಬಿಸಿ ತಾಪಮಾನಕ್ಕೆ ಒಡ್ಡಿಕೊಂಡರೆ, ಹಾನಿಕಾರಕ ಪ್ಲಾಸ್ಟಿಕ್ ಕಣಗಳು ರಾಸಾಯನಿಕಗಳನ್ನು ಬಿಡುಗಡೆ ಮಾಡಬಹುದು ಮತ್ತು ನೀರಿನೊಂದಿಗೆ ಬೆರೆಯಬಹುದು. ಈ ರಾಸಾಯನಿಕಗಳಲ್ಲಿ ಒಂದಾದ ಬೈಫಿನೈಲ್ ಎ ಮಹಿಳೆಯರಲ್ಲಿ ಸ್ತನ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ. ಆದರೆ ಇದು ಪುರುಷರಲ್ಲಿ ಬಂಜೆತನವನ್ನು ಹೆಚ್ಚಿಸುತ್ತದೆ.