Breast Feeding: ಹಾಲುಣಿಸುವ ತಾಯಂದಿರು ತಿಳಿಯಲೇಬೇಕಾದ 5 ಪ್ರಮುಖ ಅಂಶಗಳು

ತಾಯಂದಿರು ಪ್ರತಿ ಬಾರಿ ಹಾಲುಣಿಸುವಾಗ ತಮ್ಮದೇ ಆದ ಅನುಭವವನ್ನು ಹೊಂದಿರುತ್ತಾರೆ. ಹೆಚ್ಚಿನ ಜನರು ತಮ್ಮ ಮಗುವಿಗೆ ಸಮರ್ಪಕವಾಗಿ ಹಾಲುಣಿಸಲು ಯಾವ ತಂತ್ರಗಳನ್ನು ಅನುಸರಿಸಬೇಕೆಂದು ತಿಳಿದಿರುವುದಿಲ್ಲ. ಇದು ಕಾಲಕಾಲಕ್ಕೆ ಬದಲಾಗುತ್ತಲೇ ಇರುತ್ತದೆ. ಆದಾಗ್ಯೂ, ತಾಯಂದಿರು ಸ್ತನ್ಯಪಾನದ ಬಗ್ಗೆ ಮುಖ್ಯವಾದ ಅಂಶಗಳನ್ನು ತಿಳಿದಿದ್ದರೆ ತಮ್ಮ ಅಗತ್ಯವಾದ ಚಟುವಟಿಕೆಗಳನ್ನು ತ್ವರಿತವಾಗಿ ಬದಲಾಯಿಸಬಹುದು.

ನಿಮ್ಮ ಸುತ್ತಲಿರುವ ಅನೇಕ ಮಹಿಳೆಯರು ಸರಿಯಾಗಿ ಸ್ತನ್ಯಪಾನ ಮಾಡುವುದು ಹೇಗೆ ಎಂದು ಸಲಹೆಯನ್ನು ನೀಡಬಹುದು. ಇದು ನಿಮಗೆ ಮತ್ತು ನಿಮ್ಮ ಮಕ್ಕಳಿಗೆ ಸರಿಯಾಗಿದೆಯೇ ಎಂದು ನೋಡಲು ನೀವು ತಾಳ್ಮೆಯಿಂದ ಆ ತಂತ್ರವನ್ನು ಅನುಸರಿಸಬೇಕಿದೆ. ಬೇರೆಯವರು ಹೇಳುವುದನ್ನು ಕೇಳುವುದಕ್ಕಿಂತ ಪುಸ್ತಕಗಳು ಮತ್ತುತಜ್ಞರು ನೀಡಿರೋ ಸಲಹೆಗಳನ್ನು ಓದುವ ಮೂಲಕ ಸ್ತನ್ಯಪಾನದ ಬಗ್ಗೆ ತಿಳಿದುಕೊಳ್ಳಿ.

ಮೊದಲ 6 ತಿಂಗಳವರೆಗೆ ಶಿಶುಗಳಿಗೆ ಎದೆಹಾಲು ಮಾತ್ರ ಆಹಾರವಾಗಿರುತ್ತೆ. ಎದೆ ಹಾಲು ಅವರಿಗೆ ಅಗತ್ಯವಿರುವ ಎಲ್ಲಾ ಪೋಷಕಾಂಶಗಳನ್ನು ಮತ್ತು ರೋಗನಿರೋಧಕ ಶಕ್ತಿಯನ್ನು ಒದಗಿಸುತ್ತದೆ. ಆದ್ದರಿಂದ ತಾಯಂದಿರು ಆರೋಗ್ಯಕರ ಆಹಾರವನ್ನು ಸೇವಿಸಬೇಕು.

ಸಾಕಷ್ಟು ನೀರು ಕುಡಿಯಿರಿ. ನೀವು ಸೇವಿಸುವ ಯಾವುದೇ ಆಹಾರವು ಎದೆ ಹಾಲಿನ ರೂಪದಲ್ಲಿ ನಿಮ್ಮ ಮಗುವನ್ನು ತಲುಪುತ್ತದೆ. ಬಾಣಂತನ ಸಮಯದಲ್ಲಿ ನೀವು ಆರೋಗ್ಯಕರ ಆಹಾರವನ್ನು ಸೇವಿಸದಿದ್ದರೆ, ಅದು ನಿಮ್ಮ ಮಗುವಿನ ಮೇಲೆ ಪರಿಣಾಮ ಬೀರುತ್ತದೆ.

ಹಾಲು ಕುಡಿಸುವಾಗ ಮಗುವನ್ನು ಹೇಗೆ ಹಿಡಿದುಕೊಳ್ಳಬೇಕು ಅನ್ನೋದನ್ನು ತಿಳಿಯಿರಿ. ನೀವು ಮಗುವನ್ನು ಸರಿಯಾಗಿ ಹಿಡಿದರೆ ಮಾತ್ರ ಮಗು ಅಗತ್ಯವಿರುವಷ್ಟು ಹಾಲು ಕುಡಿಯುತ್ತದೆ. ಸರಿಯಾದ ಕ್ರಮದಲ್ಲಿ ಹಾಲು ಕುಡಿಸಿದ್ರೆ ಎದೆ ನೋವನ್ನು ತಡೆಯುತ್ತದೆ.

ಮನಸ್ಸಿನಲ್ಲಿ ಏನೇ ಚಿಂತೆಗಳಿದ್ದರೂ ಎದೆಹಾಲು ಉಣಿಸುವಾಗ ನಿರಾಳವಾಗಿರಬೇಕು. ಸಂಗೀತವನ್ನು ಕೇಳುವುದು, ವಿಶೇಷವಾಗಿ ತಾಯಿಯ ವಾತ್ಸಲ್ಯವನ್ನು ವ್ಯಕ್ತಪಡಿಸುವ ಹಾಡುಗಳು ಹಾಡಿ. ಮಗುವಿಗೆ ಸಂತೋಷದಿಂದ ಹಾಲುಣಿಸಿದಾಗ ಮಗುವು ಅಗತ್ಯವಿರುವ ಹಾಲನ್ನು ಕುಡಿಯುತ್ತೆ.

ನೀವು ಇಡೀ ದಿನ ಆರೋಗ್ಯವಾಗಿರಲು ಸಾಧ್ಯವಿಲ್ಲ. ಕೆಲವೊಮ್ಮೆ ಹತಾಶೆಯೂ ಉಂಟಾಗುತ್ತದೆ. ಇಂತಹ ಸಮಯದಲ್ಲಿ ನಿಮ್ಮಗೆ ನೆಮ್ಮದಿ ಉಂಟುಮಾಡುವ ಕೆಲಸ ಮಾಡಿ, ಸ್ನೇಹಿತರ ಜೊತೆ ಮಾತಾಡಿ, ಮನೆಯವರೊಂದಿಗೆ ಕಾಲ ಕಳೆಯಿರಿ, ಇದ್ರಿಂದ ಮನಸ್ಸು ಶಾಂತವಾಗುತ್ತೆ.

ಸ್ತನಪಾನ ಮಾಡುವ ಮಹಿಳೆಯರು ಒಳ್ಳೆ ಪೋಷಕಾಂಶ ಉಳ್ಳ ಆಹಾರವನ್ನು ಸೇವಿಸುವುದು ಅತ್ಯಗತ್ಯವಾಗಿದೆ. ಮಗುವಿಗೆ 6 ತಿಂಗಳವರೆಗೆ ಸ್ತನಪಾನವನ್ನು ನಿಲ್ಲಿಸಬೇಡಿ. ಮಗುವಿನ ಆರೋಗ್ಯಕ್ಕೆ ಸ್ತನಪಾನ ಅಮೃತಕ್ಕೆ ಸಮವಾಗಿದೆ