ಮೈ-ಕೈ ನೋವು ಹೋಗಲಾಡಿಸಲು ಸುಲಭವಾದ ಪರಿಹಾರಗಳಿವು!

ಅನೇಕರು ಮೈ-ಕೈ ನೋವು ಎಂದು ಕಾರಣ ನೀಡಿ ಆಫೀಸಿಗೆ ರಜೆ ಹಾಕುತ್ತಾರೆ. ಆದರೆ ನಿಜವಾಗಿ ಎದುರಾಗುವ ಮೈ-ಕೈ ನೋವಿಗೆ ಹಲವು ಕಾರಣಗಳಿವೆ.

ನಿರ್ದಿಷ್ಟ ಸಮಯಕ್ಕಿಂತ ಹೆಚ್ಚು ಹೊತ್ತು ಕೆಲಸ ಮಾಡಿದರೆ ಮೈ-ಕೈ ನೋವು ಕಾಣಿಸಿಕೊಳ್ಳುತ್ತದೆ. ಅದಲ್ಲದೆ, ದೀರ್ಘ ಕಾಲದ ದೈಹಿಕ ಚಟುವಟಿಕೆಯಿಂದಾಗಿ ದೇಹದಲ್ಲಿ ನೋವು ಕಾಣಿಸುತ್ತದೆ.

ಕೆಲವೊಮ್ಮ ಮೈ-ಕೈ ನೋವಿನಿಂದ ಜ್ವರ ಕಾಣಿಸಿಕೊಳ್ಳುತ್ತದೆ. ಈ ಸಮಯದಲ್ಲಿ ಅನೇಕರು ಔಷಧಿಯನ್ನು ಸೇವಿಸುತ್ತಾರೆ. ಆದರೆ ಮೈ-ಕೈ ನೋವಾದಾಗ ಔಷಧಿ ಸೇವಿಸುವ ಬದಲು ಮನೆಮದ್ದು ಸೇವಿಸಿ ನೋವು ನಿವಾರಿಸಿಕೊಳ್ಳಬಹುದು.

ಮೈ-ಕೈ ನೋವು ಕಾಣಿಸಿಕೊಂಡಾಗ ಉಪ್ಪು ನೀರಿನ ಶಾಖವನ್ನು ಕೊಡಬೇಕು. ಉಪ್ಪುನೀರು ಉರಿಯೂತವನ್ನು ಕಡಿಮೆ ಮಾಡುತ್ತದೆ ಮತ್ತು ಸ್ನಾಯುನೋವನ್ನು ಕಡಿಮೆ ಮಾಡುತ್ತದೆ.

ಒಂದು ನೀರಿನ ಪಾತ್ರಕ್ಕೆ ಉಪ್ಪು ಸುರಿದು ದಪ್ಪನೆಯ ಬಟ್ಟೆಯಿಂದ  ಉಪ್ಪುನೀರಿಗೆ ಅದ್ದಿ ದೇಹದ ಭಾಗಕ್ಕೆ ಮುಟ್ಟಿಸಿದರೆ ನೋವು ಬೇಗ ಕಡಿಮೆಯಾಗುತ್ತದೆ.

ಮಸಾಜ್ ಮಾಡುವ ಮೂಲಕ ಮೈ-ಕೈ ನೋವು ನಿವಾರಣೆ ಮಾಡಬಹುದು. ಸರಿಯಾದ ಕ್ರಮದಲ್ಲಿ ಮಸಾಜ್​ ಮಾಡಿದರೆ ಕೊಂಚ ಆರಾಮದಾಯಕ ಅನಿಸುತ್ತದೆ ಮತ್ತು ಒತ್ತಡವನ್ನು ಕಡಿಮೆ ಮಾಡುತ್ತದೆ.

ಮೈ-ಕೈಗೆ ಎಣ್ಣೆ ಹಚ್ಚಿ ಮಸಾಜ್ ಮಾಡಬೇಕು ನಂತರ ಬಿಸಿ ನೀರಿನಲ್ಲಿ ಸ್ನಾನ ಮಾಡಿದರೆ ಮೈ-ಕೈ ನೋವು ನಿವಾರಣೆ ಆಗುತ್ತದೆ.

ಶಾಖ ನೀಡುವ ಮೂಲಕ ಮೈ-ಕೈ ನೋವನ್ನು ಕಡಿಮೆ ಮಾಡಬಹುದಾಗಿದೆ. ಹೀಟ್ ಪ್ಯಾಡ್​ಗಳಿಗೆ ಬಿಸಿ ನೀರನ್ನು ತುಂಬಿಸಿ ನಂತರ ನೋವಿರುವ ಭಾಗಗಳಿಗೆ ಮುಟ್ಟಿಸುತ್ತಾ ಹೋಗಬೇಕು.

ನೋವಿನ ಭಾಗಗಳಿಗೆ ಬಿಸಿ ನೀರಿನ್ನು ತಾಗಿಸುತ್ತಾ ಹೋದಂತೆ ಮೈ-ಕೈ ನೋವು ಬೇಗನೆ ನಿವಾರಣೆಯಾಗುತ್ತದೆ.