Low BP Remedy: ಲೋ ಬಿಪಿ ಸಮಸ್ಯೆ ಕೂಡ ಅಪಾಯಕಾರಿ, ನಿಮ್ಮ ಅಡುಗೆ ಮನೆಯಲ್ಲಿದೆ ಪರಿಹಾರ

ಲೋ ಬಿಪಿ ಸಮಸ್ಯೆ ಇದ್ದರೆ ಈ ಸಮಯದಲ್ಲಿ ಆಯಾಸ, ತಲೆಸುತ್ತಿವಿಕೆ ಹೀಗೆ ಅನೇಕ ತೊಂದರೆಗಳು ಉಂಟಾಗುತ್ತದೆ. ಇದಕ್ಕೆ ಔಷಧಿಗಳಿದೆ, ಆದರೆ ಮನೆಯಲ್ಲಿ ಸುಲಭವಾಗಿ ಪರಿಹಾರ ಪಡೆಯಲು ಈ ಕೆಳಗಿನ ವಸ್ತುಗಳನ್ನು ಬಳಸಿ.

ಆಗಾಗ ಸಣ್ಣ ಪ್ರಮಾಣದಲ್ಲಿ ತಿನ್ನಿ: ನಿಮಗೆ ಲೋ ಬಿಪಿ ಸಮಸ್ಯೆ ಇದ್ದರೆ ನಿಮ್ಮ ಊಟವನ್ನು 6 ಭಾಗವಾಗಿ ವಿಂಗಡಿಸಿ. ದಿನದಲ್ಲಿ 6 ಬಾರಿ ಸಣ್ಣ ಪ್ರಮಾಣದಲ್ಲಿ ತಿನ್ನುವುದು ರಕ್ತದೊತ್ತಡವನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ.

ಉಪ್ಪು ತಿನ್ನಿ: ಹೇಗೆ ಹೈ ಬಿಪಿ ಸಮಸ್ಯೆ ಇರುವವರು ಅತಿಯಾಗಿ ಉಪ್ಪು ಸೇವನೆ ಮಾಡಬಾರದೋ, ಆದೇ ರೀತಿ ಲೋ ಬಿಪಿ ಇರುವವರು ಸ್ವಲ್ಪ ಉಪ್ಪಿನ ಸೇವನೆಯನ್ನು ಹೆಚ್ಚು ಮಾಡಬೇಕು. ಆಗ ಲೋ ಬಿಪಿ ಸಮಸ್ಯೆ ನಿಯಂತ್ರಣದಲ್ಲಿ ಇರುತ್ತದೆ.

ಲಿಕ್ವಿಡ್​ ಸೇವನೆ ಹೆಚ್ಚು ಮಾಡಿ: ನಮ್ಮ ದೇಹಕ್ಕೆ ನೀರಿನ ಅಂಶ ಬಹಳ ಅಗತ್ಯ. ಹಾಗಾಗಿ ಸಾಧ್ಯವಾದಷ್ಟು ಹೆಚ್ಚು ನೀರು ಕುಡಿಯಿರಿ. ಜೊತೆಗೆ ಬೇರೆ ಲಿಕ್ವಿಡ್​ ಪದಾರ್ಥಗಳನ್ನು ಸಹ ಸೇವಿಸಿ.

ಕಾಫಿ: ಕಾಫಿಯಲ್ಲಿರುವ ಕೆಫೀನ್ ಅಂಶಗಳು ನಿಮ್ಮ ರಕ್ತದೊತ್ತಡವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಅಂದರೆ ಇದು ಕೇವಲ ತಾತ್ಕಾಲಿಕವಾಗಿ ಹೆಚ್ಚು ಮಾಡುತ್ತದೆ. ನಿಮಗೆ ಲೋ ಬಿಪಿ ಸಮಸ್ಯೆ ಇದ್ದರೆ ಕಾಫಿ ಸೇವನೆ ಉತ್ತಮ.

ತುಳಸಿ ಎಲೆ: ತುಳಸಿ ಎಲೆಯಲ್ಲಿರುವ ಪೊಟ್ಯಾಸಿಯಮ್, ಮೆಗ್ನೀಸಿಯಮ್ ಮತ್ತು ವಿಟಮಿನ್ ಸಿ ನಿಮ್ಮ ಲೋ ಬಿಪಿ ಸಮಸ್ಯೆಗೆ ಪರಿಹಾರ ನೀಡುತ್ತದೆ. ಜೊತೆಗೆ ಇದು ಕೊಲೆಸ್ಟಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಬಾದಾಮಿ ಹಾಲು: ಒಮೆಗಾ -3 ಫ್ಯಾಟಿ ಆ್ಯಸಿಡ್​ಗಳನ್ನು ಈ ಬಾದಾಮಿ ಹೊಂದಿದ್ದು, ಕೊಬ್ಬು ಕರಗಿಸಲು ಹಾಗೂ ರಕ್ತದೊತ್ತಡ ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಇವುಗಳನ್ನು ನೀವು ವಿವಿಧ ಆಹಾರದಲ್ಲಿ ಸೇರಿಸಿ ಸೇವಿಸಬಹುದು.

ದ್ರಾಕ್ಷಿ: ಈ ದ್ರಾಕ್ಷಿ ಹಣ್ಣನ್ನು ರಾತ್ರಿ ಹಾಲಿನಲ್ಲಿ ನೆನೆಸಿಡಿ, ಬೆಳಗ್ಗೆ ಅದನ್ನು ತಿನ್ನಿ. ಹೀಗೆ ಪ್ರತಿದಿನ ಇದನ್ನು ಸೇವನೆ ಮಾಡುವುದು ಲೋ ಬಿಪಿ ನಿಯಂತ್ರಿಸಲು ಸಹಾಯ ಮಾಡುತ್ತದೆ.