Alcohol Effects: ಮದ್ಯ ಜೊತೆ ಜಂಕ್ ಫುಡ್ ತಿಂತೀರಾ? ಹಾಗಾದ್ರೆ ಈ ಸಮಸ್ಯೆಗಳಿಗೆ ನೀವೇ ಹೊಣೆ ಆಗ್ತೀರಾ ಹುಷಾರ್!

ಮದ್ಯ ಪ್ರಿಯರು ಇತ್ತೀಚೆಗೆ ಮದ್ಯಪಾನ ಮಾಡುವಾಗ ಆರೋಗ್ಯಕರ ಆಹಾರ ಬದಲಿಗೆ ಫಾಸ್ಟ್ ಫುಡ್ಗಳನ್ನು ಹೆಚ್ಚಾಗಿ ತಿನ್ನುತ್ತಿದ್ದಾರೆ. ಇದರಿಂದ ಯಕೃತ್ತಿಗೆ ಸಂಬಂಧಿಸಿದ ಅನೇಕ ಗಂಭೀರ ಕಾಯಿಲೆಗಳ ಅಪಾಯವು ನಿಮ್ಮನ್ನು ನಿರಂತರವಾಗಿ ಕಾಡಲು ಆರಂಭವಾಗಿದೆ.

ಮದ್ಯಪಾನವು ಈಗಾಗಲೇ ಯಕೃತ್ತಿಗೆ ಹಾನಿಕಾರಕವಾಗಿದೆ. ಅದರ ಜೊತೆಗೆ ಫಾಸ್ಟ್ ಫುಡ್ಗಳನ್ನು ಆಲ್ಕೋಹಾಲ್ನೊಂದಿಗೆ ಸೇವಿಸಿದರೆ, ನಂತರ ಆಲ್ಕೋಹಾಲ್ನ ಅಡ್ಡಪರಿಣಾಮಗಳು ಬಹುಪಟ್ಟು ಹೆಚ್ಚಾಗುತ್ತದೆ.

ಇತ್ತೀಚಿನ ದಿನಗಳಲ್ಲಿ, ಜನರು ಆಲ್ಕೋಹಾಲ್​ನೊಂದಿಗೆ ಕೆಲವು ಮಸಾಲೆ ಪದಾರ್ಥಗಳನ್ನು ತಿನ್ನಲು ಇಷ್ಟಪಡುತ್ತಾರೆ. ಈ ಮಸಾಲೆಯುಕ್ತ ರುಚಿ ಯಕೃತ್ತಿನ ಮೇಲೆ ನೇರ ಪರಿಣಾಮ ಬೀರುತ್ತದೆ. ಅಲ್ಲದೇ ಅವರು, ಕೊಬ್ಬಿನ ಯಕೃತ್ತಿನ ಸಮಸ್ಯೆಗಳಿಂದ ಬಳಲಬೇಕಾಗುತ್ತದೆ. ದೇಹದ ತೂಕ ಕೂಡ ಹೆಚ್ಚಾಗುತ್ತದೆ ಮತ್ತು ಕ್ರಮೇಣ ಅವರ ಹೃದಯದ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

ತಜ್ಞರ ಪ್ರಕಾರ, ಸುಮಾರು 57% ಜನರು ಆಲ್ಕೋಹಾಲ್ ಸೇವಿಸುವಾಗ ಫಾಸ್ಟ್ ಫುಡ್ ಸೇವಿಸುತ್ತಾರೆ. ಇಂದಿನ ಯುವ ಪೀಳಿಗೆ ಮದ್ಯದ ಜೊತೆಗೆ ಈ ಫಾಸ್ಟ್ ಫುಡ್ಗಳತ್ತ ಹೆಚ್ಚು ಆಕರ್ಷಿತರಾಗುತ್ತಿದ್ದಾರೆ. ಮದ್ಯಪಾನ ಮಾಡುವವರು ಮಸಾಲೆಯುಕ್ತ ಆಹಾರವನ್ನು ತುಂಬಾ ಇಷ್ಟಪಡುತ್ತಾರೆ. ಆದರೆ ಈ ರುಚಿ ಅವರನ್ನು ಹೆಚ್ಚು ಅಪಾಯಕ್ಕೆ ಸಿಲುಕಿಸುತ್ತದೆ.

ಈ ಬಗ್ಗೆ ಡಾ.ಬ್ರಿಜೇಶ್ ಶುಕ್ಲಾ ಮಾತನಾಡಿ, ಇತ್ತೀಚಿನ ದಿನಗಳಲ್ಲಿ ಅನೇಕ ಮಂದಿ ಮದ್ಯದ ಜೊತೆಗೆ ಜಂಕ್ ಫುಡ್ ಸೇವಿಸುತ್ತಿದ್ದಾರೆ ಎಂದು ಸಮೀಕ್ಷೆಯಿಂದ ತಿಳಿದುಬಂದಿದೆ. ಪರಿಣಾಮವಾಗಿ, ಅವರು ವಿವಿಧ ರೀತಿಯ ದೇಹದ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಅದರಲ್ಲಿಯೂ ಹೆಚ್ಚಾಗಿ ಯಕೃತ್ತಿನ ಸಮಸ್ಯೆಗಳಿಗೆ ಒಳಗಾಗಿದ್ದಾರೆ. ಯಕೃತ್ತು ಹಿಗ್ಗುವಿಕೆ, ಸ್ಥೂಲಕಾಯತೆ, ಉಸಿರಾಟದ ತೊಂದರೆ, ಎದೆ ಬಡಿತ, ಹೃದ್ರೋಗದ ಅಪಾಯ ಹೆಚ್ಚಾಗಿ ಕಂಡು ಬರಲಿದೆ.

ಮದ್ಯ ಸೇವನೆ ಕೂಡ ಆರೋಗ್ಯಕ್ಕೆ ಹಾನಿಕರ ಎಂದು ವೈದ್ಯರು ಹೇಳುತ್ತಾರೆ. ಆದರೆ, ಆಲ್ಕೋಹಾಲ್ ಸೇವನೆಯು ಆರೋಗ್ಯಕರ ಆಹಾರದೊಂದಿಗೆ ಸೇವಿಸರೆ, ಕೆಲವು ಅಪಾಯಗಳನ್ನು ತಪ್ಪಿಸಬಹುದು. ಅಡ್ಡ ಪರಿಣಾಮಗಳು ಕಡಿಮೆ ಆಗಬಹುದು. ಆದರೆ ಜಂಕ್ ಫುಡ್ ಜೊತೆಗೆ ಆಲ್ಕೋಹಾಲ್ ಸೇವಿಸುವುದು ಅಪಾಯಕಾರಿ.

(Disclaimer: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿಯು ಸಾಮಾನ್ಯ ಊಹೆಗಳನ್ನು ಆಧರಿಸಿದೆ. news18ಗೂ ಇದಕ್ಕೂ ಸಂಬಂಧವಿಲ್ಲ ಮತ್ತು ನ್ಯೂಸ್ 18 ಇದಕ್ಕೆ ಜವಾಬ್ದಾರಿಯಲ್ಲ)