Coconut Chutney: ತೆಂಗಿನಕಾಯಿ ಚಟ್ನಿ ತಿಂದ್ರೆ ಹಲವು ಪ್ರಯೋಜನಗಳಿವೆ. ನಿಮಗೆ ಗೊತ್ತಾದ್ರೆ ದಿನ ತಿಂತೀರಿ

ತೆಂಗಿನಕಾಯಿ ಚಟ್ನಿಯಲ್ಲಿ ಕೊಬ್ಬಿನ ಪ್ರಮಾಣ ಸುಮಾರು 2 ಗ್ರಾಂ ಇರುತ್ತದೆ. ಇದು ಸುಮಾರು 40 ರಿಂದ 50 ಕ್ಯಾಲೋರಿಗಳನ್ನು ಹೊಂದಿರುತ್ತದೆ. ಚಟ್ನಿ ಬೌಲ್‍ನಲ್ಲಿ ಸುಮಾರು 2 ಗ್ರಾಂ ಕಾರ್ಬೋಹೈಡ್ರೇಟ್‍ಗಳು, ಪ್ರೋಟೀನ್, ಸೋಡಿಯಂನ್ನು ಚಟ್ನಿ ಒಳಗೊಂಡಿರುತ್ತದೆ.

ತೆಂಗಿನಕಾಯಿ ಚಟ್ನಿ ಜೀರ್ಣಕ್ರಿಯೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ನೀವು ಇಡೀ ದಿನ ಸಕ್ರಿಯವಾಗಿ ಮತ್ತು ಶಕ್ತಿಯುತವಾಗಿರುವಂತೆ ಮಾಡುತ್ತದೆ. ಅಲ್ಲದೇ ತೆಂಗಿನಕಾಯಿ ಚಟ್ನಿ ತೂಕವನ್ನು ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ.

ಪ್ರತಿದಿನ ತೆಂಗಿನಕಾಯಿ ಚಟ್ನಿಯನ್ನು ತಿನ್ನಬೇಕು. ತೆಂಗಿನಕಾಯಿ ಚಟ್ನಿ ತಿನ್ನುವುದರಿಂದ ಕಬ್ಬಿಣದ ಕೊರತೆ ದೂರವಾಗುತ್ತದೆ. ಮತ್ತು ದೇಹದಲ್ಲಿ ರಕ್ತ ಹೆಚ್ಚಾಗುತ್ತದೆ. ಅದಕ್ಕೆ ಚಟ್ನಿ ತಿನ್ನಿ ರಕ್ತ ಹೆಚ್ಚಿಸಿಕೊಳ್ಳಿ

ತೆಂಗಿನಕಾಯಿಯಲ್ಲಿ ನಾರಿನಂಶ ಹೆಚ್ಚಿದ್ದು, ಇದು ಅಜೀರ್ಣ, ಅತಿಸಾರ, ಮಲಬದ್ಧತೆ ಮುಂತಾದ ಯಾವುದೇ ಜೀರ್ಣಕ್ರಿಯೆಗೆ ಸಂಬಂಧಿಸಿದ ಸಮಸ್ಯೆಗಳನ್ನು ತಡೆಯುತ್ತದೆ.

ತೆಂಗಿನಕಾಯಿ ಚಟ್ನಿಯನ್ನು ಸೇವಿಸುವುದರಿಂದ ನಿಮ್ಮ ಹೊಟ್ಟೆಯೊಳಗೆ ಇರುವ ಯಾವುದೇ ಹಾನಿಕಾರಕ ಬ್ಯಾಕ್ಟೀರಿಯಾವನ್ನು ತೆಗೆದುಹಾಕಲು ಸಹಾಯ ಮಾಡುತ್ತೆ. ಆಗ ನಿಮಗೆ ಯಾವುದೇ ಕಾಯಿಲೆಗಳು ಭೇಗ ಬರುವುದಿಲ್ಲ.

ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವವರು ತೆಂಗಿನಕಾಯಿ ಚಟ್ನಿಯನ್ನು ಸೇವಿಸಿದ್ರೆ ಒಳ್ಳೆಯದು. ಇದರಲ್ಲಿ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳಿವೆ. ತೆಂಗಿನಕಾಯಿ ಚಟ್ನಿ ದೇಹದ ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ತೆಂಗಿನಕಾಯಿ ಚಟ್ನಿಯಲ್ಲಿ ಸ್ಯಾಚುರೇಟೆಡ್ ಕೊಬ್ಬಿನಂಶ ಹೆಚ್ಚಿರುವುದರಿಂದ ಅದನ್ನು ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸಬಾರದು ಎಂದು ತಜ್ಞರು ಹೇಳುತ್ತಾರೆ. ಅದಕ್ಕೆ ಆದಷ್ಟು ಮಿತವಾಗಿ ಸೇವಿಸಿ.

ತೆಂಗಿನಕಾಯಿ ಚಟ್ನಿಯನ್ನು ಸಣ್ಣ ಪ್ರಮಾಣದಲ್ಲಿ ಅಂದರೆ ದಿನಕ್ಕೆ 2 ರಿಂದ 3 ಟೀ ಸ್ಪೂನ್ ಸೇವನೆ ಮಾಡಿದ್ರೆ ಸಾಕು. ಅದು ಸಾಕಷ್ಟು ಅಗತ್ಯವಿರುವ ಪೋಷಕಾಂಶ ಒದಗಿಸುತ್ತೆ.