Health Tips: ಈ ಒಂದು ಪದಾರ್ಥವನ್ನು ಮಿಸ್ ಮಾಡ್ದೇ ತಿಂದ್ರೆ ಕೊಬ್ಬು ಕಡಿಮೆ ಆಗುತ್ತೆ

ಬೇಸಿಗೆಯಲ್ಲಿ ರಾಗಿಗಳು ಸಹ ಆಹಾರದ ಭಾಗವಾಗಿರಬೇಕು. ಇದರಿಂದ ಅನೇಕ ಆರೋಗ್ಯ ಪ್ರಯೋಜನಗಳಿವೆ. ಬೇಸಿಗೆಯಲ್ಲಿ ರಾಗಿ ತಿಂದ್ರೆ ದೇಹದ ಉಷ್ಣತೆ ಕಡಿಮೆಯಾಗುತ್ತದೆ. ಹಾಗೆಯೇ ಆಯಾಸವೂ ಸಹ ಕಡಿಮೆಯಾಗುತ್ತದೆ.

ಮಧುಮೇಹವನ್ನು ಹತೋಟಿಯಲ್ಲಿಡಲು ಮೊಟ್ಟಮೊದಲನೆಯದು ರಾಗಿ. ಇದು ಫೈಬರ್ ಅನ್ನು ಹೊಂದಿರುತ್ತದೆ ಮತ್ತು ಶುಗರ್ ರೋಗಿಗಳಿಗೆ ಸಹ ತುಂಬಾ ಒಳ್ಳೆಯದು. ದೇಹದಲ್ಲಿರುವ ಇನ್ಸುಲಿನ್ ಅನ್ನು ಹೆಚ್ಚಿಸುವಲ್ಲಿ ರಾಗಿ ಅಗ್ರಸ್ಥಾನದಲ್ಲಿದೆ.

ರಾಗಿಯಲ್ಲಿರುವ ಆ್ಯಂಟಿಆಕ್ಸಿಡೆಂಟ್‌ ಅಂಶವು ದೇಹದ ಕಾರ್ಸಿನೋಜೆನ್‌ಗಳನ್ನು ನಾಶಪಡಿಸುತ್ತದೆ. ಅದೇ ರೀತಿ ರಾಗಿಯಲ್ಲಿ ವಯಸ್ಸಾಗುವುದನ್ನು ತಡೆಯುವ ಗುಣಗಳು ಹೆಚ್ಚಿರುವುದರಿಂದ ಅದು ನಿಮ್ಮನ್ನು ಯೌವನವಾಗಿರಿಸುತ್ತದೆ.ರಾಗಿಯಲ್ಲಿ ಮೆಗ್ನೀಸಿಯಮ್ ಮತ್ತು ಪೊಟ್ಯಾಸಿಯಮ್ ಅಂಶವು ದೇಹದಲ್ಲಿನ ಶಾಖವನ್ನು ಕಡಿಮೆ ಮಾಡುವುದಲ್ಲದೆ, ಹೃದಯದ ಸಮಸ್ಯೆಗಳನ್ನು ಸಹ ಕಡಿಮೆ ಮಾಡುತ್ತದೆ.

ರಾಗಿಯಲ್ಲಿರುವ ಪೊಟ್ಯಾಸಿಯಮ್, ರಂಜಕ, ಕಬ್ಬಿಣ ಮತ್ತು ಪೋಷಕಾಂಶಗಳು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ರಾಗಿಯು ರಕ್ತದ ಶೇಕಡಾವಾರು ಪ್ರಮಾಣವನ್ನು ಮತ್ತು ರಕ್ತದಲ್ಲಿನ ಹಿಮೋಗ್ಲೋಬಿನ್ ಅನ್ನು ಹೆಚ್ಚಿಸುವಲ್ಲಿ ಮೊದಲನೆಯ ಸ್ಥಾನದಲ್ಲಿದೆ.

ರಾಗಿಯಲ್ಲಿರುವ ಅಮೈನೋ ಆಮ್ಲಗಳು ಕೆಟ್ಟ ಕೊಲೆಸ್ಟ್ರಾಲ್ ಮತ್ತು ತೂಕ ನಷ್ಟವನ್ನು ಕಡಿಮೆ ಮಾಡುವಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ.ರಾಗಿಯು ಕ್ಯಾಲ್ಸಿಯಂನಲ್ಲಿ ಸಮೃದ್ಧವಾಗಿದೆ. ಆದ್ದರಿಂದ ರಾಗಿ ತಿನ್ನುವುದರಿಂದ ಮೂಳೆಗಳು ಸಹ ಬಲಗೊಳ್ಳುತ್ತವೆ. ಕೀಲು ನೋವು ಸಮಸ್ಯೆಗಳಿಗೆ ಇದು ಉತ್ತಮವಾಗಿದೆ. 

ವಿಶೇಷವಾಗಿ ಇದು ಬೆಳೆಯುವ ಮಕ್ಕಳಿಗೆ ಉತ್ತಮ ಆಹಾರವೆಂದೇ ಹೇಳಬಹುದು. ಇನ್ನು ರಾಗಿಯಲ್ಲಿ ಕ್ಯಾಲ್ಸಿಯಂ ಹೆಚ್ಚಾಗಿರುವುದರಿಂದ, ಕಿಡ್ನಿ ಸ್ಟೋನ್​ ಇರುವವರು, ಕಿಡ್ನಿ ಸಂಬಂಧಿ ಸಮಸ್ಯೆ ಇರುವವರು ಇದನ್ನು ತಿನ್ನಬಾರದು. ಥೈರಾಯ್ಡ್ ರೋಗಿಗಳೂ ಕೂಡ ರಾಗಿ ತಿನ್ನಬಾರದು ಎಂದು ತಜ್ಞರು ಹೇಳುತ್ತಾರೆ.

ರಾಗಿ ತಿನ್ನುವುದರಿಂದ ಬಾಣಂತಿಯರಿಗೆ ಒಳ್ಳೆಯದು. ಏಕೆಂದರೆ ಅದರಲ್ಲಿರುವಂತಹ ಅಮೈನೋ ಆಮ್ಲಗಳು ದೇಹವನ್ನು ವಿಶ್ರಾಂತಿ ಮಾಡುತ್ತದೆ. ಇದರಿಂದ ಒತ್ತಡ ಮತ್ತು ತಲೆನೋವು ಸಹ ಕಡಿಮೆಯಾಗುತ್ತದೆ. ಮೂಳೆಗಳನ್ನು ಬಲಪಡಿಸುವುದರ ಜೊತೆಗೆ, ಇದು ಆಸ್ಟಿಯೊಪೊರೋಸಿಸ್ ಅಪಾಯವನ್ನು ಕಡಿಮೆ ಮಾಡುತ್ತದೆ.

(Disclaimer: ಈ ಲೇಖನವು ಸಾರ್ವಜನಿಕ ನಂಬಿಕೆಯನ್ನು ಆಧರಿಸಿದೆ, ಅಂತರ್ಜಾಲದಲ್ಲಿ ಮಾತ್ರ ಲಭ್ಯವಿರುವ ಮಾಹಿತಿ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)